JOSUA 18:3 - Ombibeli Iyapuki

³ Opo nee Josua ta lombwele ovana vaIsrael ndele ta ti: “Fiyo onaini tamu ongaonga ndele itamu nangala edu olo Omwene Kalunga kooxo e mu pa?

JOSUA 18:3 ပူးပေါင်းရင်းမြစ်များ

OMAYELETUMBULO 10:4

Ou ta longo neke li noundede, ota ningi omukwanaluhepo, ndelenee eke lomudiinini tali likolifa.

OMAYELETUMBULO 13:4

Omwenyo womundede tau haluka, ndelenee ita mono sha, ndelenee omwenyo wovadiinini tau ka kutifwa.

OMAYELETUMBULO 15:19

Ondjila yomundede oyo ya fa omangade omano, ndelenee elila lovayuki la kokolwa.

OMUUDIFI 9:10

Longa ashishe to shi dulu neenghono doye, osheshi moshovafi omu to i, kamu na nande oshilonga, ediladilo neshiivo ile ounongo.

SEFANIA 3:16

Mefiku tuu olo Jerusalem tashi lombwelwa: Sion, ino tila! Omaoko oye inaa wa poshi!

MATEUS 20:6

Ndele eshi a pita mo potundi onhimulongo naimwe, okwa hanga po vali vamwe ve li ofika, ndele ta ti kuvo: ‘Oshike tamu kala ofika apa omutenya aushe?’

JOHANNES 6:27

Inamu lilongela eendja edi tadi xulu po, ndelenee eendja edi tadi kala fiyo okomwenyo waalushe, odedi Omona wOmunhu te di mu pe, osheshi Oye tuu ou Xe, Kalunga mwene, e mu tula oshihako shaye.”

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 13:1

Ndele Josua eshi a kulupa nomafiku aye a ninga mahapu, Omwene okwe mu lombwela ndele ta ti: Ove wa kulupa nomafiku oye a ninga mahapu, ndele natango onhele inene yomedu ya fyaala inai nangalwa.

JOSUA 18:2

Ndelenee mokati kovana vaIsrael mwa li natango omapata aheyali oitukulwafyuululwa yao inae i tukulilwa natango.

JOSUA 18:4

Eteni oku ovalumenhu vatatu vomepata keshe, opo ndi shiive oku va tuma va ka endaende noshilongo, va yeleke nhumbi tashi ka tukulwa. Opo nee vo ve nokuuya kwaame,

OVATOKOLIPANGELI 18:9

Ndele va nyamukula: “Lipyakudukeni, natu va homoneni! Osheshi twa mona oshilongo shavo, ndele taleni, sho oshiwa unene. Nye otamu mwena ashike! Inamu ongaonga okufikama, mu ye ko oku shi nangala.