JOSUA 18:1 - Ombibeli Iyapuki

¹ Ndele eongalo alishe lovana vaIsrael la ongala muSilo, ndele oko va dika etwali leongalo, vo eshi va nangala edu.

JOSUA 18:1 ပူးပေါင်းရင်းမြစ်များ

2 SAMUEL 7:6

Ame inandi kala mongulu okudja kefiku tuu linya nda pitifa ovana vaIsrael muEgipiti fiyo onena eli. Ndelenee Ame nda tembuka mofaila nofaila nokonhele nonhele.

1 EEHAMBA 14:2

Ndele Jerobeam okwa lombwela omwalikadi waye, ta ti: “Lilongekida, u djale oikutu imwe, vo vaha shiive oove omwalikadi waJerobeam, ndele inda kuSilo. Tala, oko oku na omuxunganeki. Ahia, ou a lombwela nge, ndi ninge ohamba yoshiwana eshi.

1 EEHAMBA 14:4

Nomwalikadi waJerobeam osho a ninga. Okwa fikama ndele ta i kuSilo nokwe uya meumbo laAhia. Ndele Ahia kwa li ke wete ko, osheshi omesho aye a twika omolwoukulupe waye.

1 EEHAMBA 2:27

Osho ngaha hano Salomo okwa taataa Abjatar, ye ina kala vali omupristeli wOmwene, opo ondjovo yOmwene i wanifwe, Ye e i popila epata laEli muSilo.

NEHEMIA 9:24

Novana va ya mo ndele va nangala oshilongo noonakukalamo moshilongo, Ovakaanan, we va taataa komesho yavo, ndele we va yandja meke lavo, neehamba davo ngaashi yo ovanhu voilongo, ve va ningile ngaashi va hala.

OMAPSALOME 78:60

Okwa efa ongulu yaye muSilo, outulilo waye, omo a kalele mokati kovanhu.

OMAPSALOME 78:66

Ovakondjifi vaye okwe va denga noku va taataa, nokwe va tula melengwa laalushe.

JEREMIA 26:6

opo nee handi ka ninga otembeli ei ngaashi nda ninga Silo noshilando eshi ohandi shi ningi ondjovo yefingo koiwana aishe yokombada yedu.’ ”

JEREMIA 26:9

Omolwashike we tu xunganekela medina lOmwene, ndele to ti: ‘Otembeli ei oi nokuningwa ngaashi Silo, noshilando eshi oshi nokuninga omakulukuma kashi novanhu’?” Novanhu aveshe va ongalela Jeremia motembeli yOmwene.

JEREMIA 41:5

okwa dja ovalumenhu kuSekem nokuSilo nomuSamaria, ve fike poomilongo hetatu, va kulula eendjedi davo noikutu ya pombaulwa, nove lishata komalutu, va li ve neendjayambo noitwiminifo momake avo, ve i twale kotembeli yOmwene.

NUMERI 32:22

ndee tamu aluka, oshilongo ngeenge sha ninga oshipangelwa shOmwene, opo nee muhe noushima koshipala shOmwene nomoipafi yaIsrael, nedu eli tali ka ninga kunye oshitukulwafyuululwa sheni koshipala shOmwene.

OILONGA YOVAYAPOSTOLI 7:45

Ndele ootate vetu ove li tambula efyuululo, nove li eta oku pamwe naJosua, edu eshi ve li kufa ovanhu venya, Kalunga e va ta mo koshipala shootate, osho sha kala fiyo okounyuni waDavid.

JOSUA 18:2

Ndelenee mokati kovana vaIsrael mwa li natango omapata aheyali oitukulwafyuululwa yao inae i tukulilwa natango.

JOSUA 18:8

Ovalumenhu ve liunganeka ndele va ya ndele Josua okwe va lombwela mokuya kwavo va yeleke oshilongo, ndele ta ti: “Indeni ko, endaendeni noshilongo ndele shi yelekeni, ndele alukeni kwaame. Opo nee ame ohandi ke mu hoololela oihoololwatukulwa apa koshipala shOmwene muSilo.”

JOSUA 19:51

Oitukulwafyuululwa oyo tuu oyo hano omupristeli Eliaser naJosua yaNun novakulunhu vomaludi va tukulila omapata ovana vaIsrael ngaashi oshifyuululwa pashihoololifo muSilo koshipala shOmwene poshivelo shetwali leongalo. Ndele va mana okutukula oshilongo.

JOSUA 21:2

Ndele ve va lombwela muSilo medu laKaanan, ndele tava ti: “Omwene okwe tu lombwelifila Moses, fye tu nokupewa oilando tu kale mo pamwe noulifilo woimuna yetu.”

JOSUA 22:12

ovana vaIsrael eshi ve shi uda, eongalo alishe lovana vaIsrael la ongala muSilo, opo ve va homone.

JOSUA 22:19

Ndelenee oshitukulwalongo ngeenge inashi yela, ileni moshilongo shoovene shOmwene, omo mu na etwali liyapuki lOmwene, mu tule mokati ketu. Ndelenee inamu twa ondubo nOmwene ndele inamu twa ondubo nafye mokulitungila oaltari ponho yoaltari yOmwene Kalunga ketu.

JOSUA 22:9

Osho ngaha hano ovana vaRuben novana vaGad netata lepata laManasse va shuna ndele va dja po povana vaIsrael muSilo, osho shi li medu laKaanan, va ya kedu laGilead, koshilongo shavo oko va pewa oshitukulwalongo shavo kuMoses palombwelo lOmwene.

OVATOKOLIPANGELI 18:31

Ndele vo ve lidikila oshihongwafano shaMika, osho sha ningwa kuye, momafiku aeshe etwali laKalunga la li muSilo.

OVATOKOLIPANGELI 21:12

Ndele va mona moonakukalamo muJabes shomuGilead oukadona omafele ane, oukadona inava nangala novalumenhu, ndele vo ve va eta konhanda muSilo shi li medu laKaanan.

OVATOKOLIPANGELI 21:19

Opo nee tava ti: “Taleni, tamu danenwa Omwene oshivilo keshe omudo muSilo”, shi li koumbangalanhu waBetel koushilo welila lakula, tali di kuBetel tali i kuSekem kombinga yokoumbuwanhu waLebona.

1 SAMUEL 1:24

Ndelenee ye eshi e ka tovifa, okwa ya pamwe nako neengobe nhatu deemhedi noufila u fike peekilograma omulongo nomaviinyu oshitoo shimwe, nokwe ka twala kongulu yOmwene mu Silo. Nokaana okamati ka li kanini natango.

1 SAMUEL 1:3

Nomulumenhu ou okwa li ha di moshilando shavo ndele ta i omudo keshe okwiilikana nokuyambela Omwene womatanga ovakwaita kuSilo, oko ovana ovamati vavali vaEli, Hofni naPinehas, va li ovapristeli vOmwene.