JOSUA 17:11 - Ombibeli Iyapuki

¹¹ Ndele muIsaskar nomuAsser eenhele edi da ninga daManasse: Bet-Sean naJibleam naDor naEndor naTaanak naMegido nomikunda domomukulambo.

JOSUA 17:11 ပူးပေါင်းရင်းမြစ်များ

2 SAMUEL 21:12

David okwa ya a ka tale omakipa aSaul nomakipa omona waye Jonatan koonakukalamo muJabes shomuGilead, ava ve a vaka monhele ya lalakana muBet-San, oko Ovafilisti ve va endjelelifa mefiku linya Ovafilisti va dipaa Saul muGilboa.

1 EEHAMBA 9:15

Oilonga yefendelo yovalongi ava va fininikwa kohamba Salomo ve uya okutunga ongulu yOmwene nongulu yaye naMillo nohotekuma yaJerusalem naHasor naMegiddo naGeser oya li ngaha.

2 EEHAMBA 9:27

Ahasia, ohamba yaJuda, eshi ye shi mona, oya ya onhapo langhele kongulu yoshikokola muBet-Hagan, ndelenee Jehu e mu shikula ndele ta ti: “Mu yasheni yo!” Ndele ve mu yashela metemba koshikulundudu shaGur puJibleam. Ndelenee okwa ya onhapo kuMegido, ndele oko a fila.

1 OMAFIMBO 6:70

ndele moshitukulwa shimwe shepata laManasse: Aner pamwe noulifilo washo, naBileam pamwe noulifilo washo. Hano oyo ya pewa omapata makwao ovana vaKohat.

1 OMAFIMBO 7:29

Ndele mepangelo lovana vaManasse mwa li Betshan noipangelwa yasho, Taanak noipangelwa yasho, Megido noipangelwa yasho, Dor noipangelwa yasho. Meenhele odo ovana vaJosef yaIsrael va kala mo.

2 OMAFIMBO 35:22

Ndelenee Josia ina kanduka po puye, ndelenee okwe lidimbika a lwe naye. Ina pwilikina eendjovo daNeko, da dja mokanya kaKalunga. Nokwa ya mepumbu laMegido e ke mu lwife.

OMAPSALOME 83:10

ava va nyonauninwe po kuEndor, noimhu yavo ya ninga oushosho womepya.

JEREMIA 49:2

Onghee hano tala, omafiku otae uya, Omwene osho ta ti, oshilando shaRabba shOvaammoni ohandi ke shi udifa onghuwo yolwoodi, ndele tashi ka ninga oikulukuma ihe novanhu. Nomikunda dasho otadi ka xwikwa po nomundilo. Opo nee Israel ota ka tambululula osho e shi kufilwe, Omwene osho ta ti.

SAKARIA 12:11

Mefiku tuu olo muJerusalem tamu ka lilwa eefya dinene, ngaashi eefya daHadad-Rimmon da li mefilu laMegido.

JOSUA 11:2

navali keehamba dokoumbangalanhu, keemhunda nokepumbu kombinga yokoumbuwanhu kuKinneret nokEfuta Loluhaela nokomutune waDor mouninginino,

JOSUA 12:21

Taanak, Megido,

JOSUA 12:23

Dor (komunghulo wefuta), Goim (muGalilea)

JOSUA 16:9

Noilando aishe ovana vaEfraim ve i tukulilwa moshitukulwafyuululwa shovana vaManasse oilando aishe pamwe nomikunda dayo.

JOSUA 17:10

Edu lokoumbuwanhu wako ola ninga laEfraim, ndelenee edu lokoumbangalanhu la ninga laManasse. Efuta Lopokati olo omufinda wongaba. Kombinga yokoumbangalanhu tau tu kuAsser, ndelenee kombinga yokoushilo oIsaskar.

JOSUA 17:16

Ndelenee ovana vaJosef tava ti: “Eemhunda itadi ke tu wanena, nOvakaanan aveshe ava hava kala medu la lalakana ve nomatemba oivela, vo ava hava kala muBetshan nomikunda dasho naava hava kala mefilu laJisreel.”

OVATOKOLIPANGELI 1:27

Ndele Manasse ina taataa Betshan naTaanak naDor naJibleam naMegido nomikunda domoushiinda dOvakaanan. NOvakaanan tava dulu okukala moshilongo.

OVATOKOLIPANGELI 5:19

“Eehamba de uya ndele da lwifa, eehamba daKaanan da lwifa, muTaanak, pomeva aMegido, ndelenee inadi kufa oshisiliveli nande.

1 SAMUEL 28:7

Ndele Saul ta ti kovapiya vaye: “Kongelei nge omukainhu omushitukifi wovafi, ndi shiive okuya kuye ndi mu pule.” Novapiya vaye tava ti kuye: “MuEndor omu nomukainhu omushitukifi wovafi.”

1 SAMUEL 31:10

Opo nee va tula oiti yaye motembeli yaAstarot, ndelenee oshimhu shaye ve shi tula mohotekuma yaBet-San.

1 SAMUEL 31:12

ovaladi aveshe va fikama ndele va enda oufiku aushe, ndele va kufa ko kohotekuma yaBet-San oshimhu shaSaul noimhu yovana vaye ovamati, ndele ve uya kuJabes, nove i xwika po.