JOSUA 17:1 - Ombibeli Iyapuki

¹ Natango oshihoololifo shoshitukulwa shepata laManasse, ou a li oshiveli shaJosef: Makir, oshiveli shaManasse, xe yaGilead, ou a li omukwaita, okwa pewa Gilead naBasan.

JOSUA 17:1 ပူးပေါင်းရင်းမြစ်များ

GENESIS 41:51

Ndele Josef okwa luka oshiveli Manasse, osheshi ye okwa ti: “Kalunga okwa dimbwifa nge oluhepo lange alishe nosho yo eumbo alishe latate.”

GENESIS 41:52

Nondenge okwe i luka Efraim, osheshi ye okwa ti: “Kalunga okwa pa nge oludalo moshilongo shoudjuu wange.”

GENESIS 46:20

Ndele Josef okwa dalelwa muEgipiti Manasse naEfraim, ava Asenat, omona waPotifera, omupristeli womuOn, e mu dalela.

GENESIS 48:17

Josef eshi a mona xe a tenheka eke laye lokolulyo komutwe waEfraim, kasha li she mu wapalela, onghee okwa kwata eke laxe e li lundulule, li dje ko komutwe waEfraim, ye e li tenhekulule komutwe waManasse.

GENESIS 48:18

Josef okwa lombwela xe: “Ahowe, tate, osheshi ou oshiveli, olulyo loye li tenheka komutwe waye.”

GENESIS 50:23

Ndele Josef okwa mona ovatekulu vaEfraim. Nosho yo ovana vaMakir, omona waManasse, ova dalwa fimbo Josef kwa li e nomwenyo.

2 SAMUEL 2:9

nokwe mu ninga ohamba yaGilead noyOvaasuri noyaJisreel noyaEfraim noyaBenjamin noyOvaisraeli aveshe.

1 OMAFIMBO 2:23

Ndelenee Gesur naAram ve va kufa omikunda daJair, nosho yo Kenat nomikunda dasho, oilando 60. Vo aveshe va li ovana ovamati vaMakir, xe yaGilead.

HESEKIEL 47:13

Omwene Kalunga ta ti ngaha: “Ongaba oyo ei, oshilongo mu noku shi taulila oitukulwa yefyuululo pamapata omulongo naavali aIsrael. Josef na pewe oitukulwa ivali.

HESEKIEL 48:4

Nopomunghulo wonhele yaNaftali okudja koushilo fiyo okombinga yokouninginino: Manasse, shimwe.

NUMERI 26:29

Ovana ovamati vaManasse: muMakir epata lOvamakiri. Ndele Makir okwa li xe yaGilead. MuGilead epata lOvagilead.

NUMERI 27:1

Opo nee ovana oukadona vaSelofhad yaHefer yaGilead yaMakir yaManasse, womepata laManasse yaJosef, ova ehena po. Omadina ovana oukadona aa: Mahla, Noa naHogla naMilka naTirsa,

NUMERI 32:33

Osho ngaha hano Moses a pa ovana vaGad novana vaRuben netata lepata laManasse yaJosef, oshilongo shaSihon, ohamba yOvaamori, noshilongo shaOg, ohamba yaBasan, oshilongo noilando yomusho nomikunda dasho, oilando yoshilongo keembinga adishe dasho.

DEUTERONOMION 21:17

ahowe, oshiveli shaau ehe holike, oye e noku shi yukifila noku shi pa oitukulwa ivali yomoinima yaye aishe, osheshi sho oshiveli sheenghono daye. Oushiveli owasho.

JOSUA 17:2

Novana vakwao vaManasse ova pewa yo oshitukulwa pamaludi avo: ovana vaAbieser novana vaHelek novana vaAsriel novana vaSekem novana vaHefer novana vaSemida. Ovo hano ovana ovamati vaManasse yaJosef pamaludi avo.

JOSUA 22:7

Ndelenee etata limwe lepata laManasse, Moses okwe li pa oshitukulwafyuululwa muBasan, netata likwao lepata, Josua okwe li pa oshitukulwa pamwe novamwaina, kombinga ei yaJordan mouninginino. Ndele Josua eshi e va lekela va ye komatwali avo, ye okwe va nangeka yo noupuna,

OVATOKOLIPANGELI 5:14

MuEfraim mwa dja ava va tula muAmalek, va shikula omatanga oye Benjamin. MuMakir mwa dja ovapiti vokomesho, ndele muSebulon ava ve nodibo yomupuudi.