JOSUA 15:7 - Ombibeli Iyapuki

⁷ Opo nee omufinda tau ende kuDebir okudja kefilu laAkor ndele tau ngolyokele koumbangalanhu waGilgal osho sha shaama naAdummim, kombinga yokoumbuwanhu wokamulonga. Opo nee omufinda tau taulula omeva olufifiya laSemes fiyo tau xulile polufifiya laRogel.

JOSUA 15:7 ပူးပေါင်းရင်းမြစ်များ

2 SAMUEL 17:17

Ndelenee Jonatan naAhimas va kala pofifiya yaRogel fimbo omupiya umwe omukainhu ha twaala ondaka kohamba, opo nee okwa ya nokwe i fikifa kohamba David. Ndelenee vo inave uya moshilando vaha monike.

1 EEHAMBA 1:9

Ndele Adonia okwa dipaela eedi neengobe neemhunya da ondoka pemanya laSohelet la li popepi nofifiya yaRogel. Nokwa ifana ko ovana aveshe ovamati vohamba, novalumenhu aveshe Ovajuda ovo va li ovapiya vaxe.

JESAJA 65:10

Ndele Saron otashi ka ninga oulifilo weedi, nefilu laAkor otali ka ninga onhele yokwoomba eengobe, oloshiwana shange eshi sha konga nge.

HOSEA 2:5

Osheshi ina yavo a kala ta haelwa nonaku va dala okwe lififa ohoni, osheshi ye a tile: “Nda hala okulambalala ovaholike vange ava, tava pe nge omungome wange nomeva ange, nolududi leedi nomundele wange nomaadi ange noikunwa yange.”

JOSUA 10:43

Opo nee Josua nOvaisraeli pamwe naye ova shuna konhanda kuGilgal.

JOSUA 15:15

Ndele oko ye a dja nokwa homona oonakukalamo muDebir. Ndelenee edina laDebir la li nale Kiriat-Sefer.

JOSUA 15:6

omufinda tau ende kuBet-Hogla ndele tau i kombinga yokoumbangalanhu yaBet-Araba. Opo nee omufinda tau litumbu kemanya laBohan, omona waRuben.

JOSUA 18:17

tau ngolyoka koumbangalanhu ndele tau i kolufifiya laSemes nokuGelilot, ndele tau i koyuunda yomamanya oyo ya shaama noikulundudu yaAdummim, ndele tau i kemanya laBohan yaRuben.

JOSUA 4:19

Ndele mefiku etimulongo lohani yotete ovanhu ova dja mo muJordan, ndele va onga onhanda muGilgal pongaba yaJeriko yokoushilo.

JOSUA 7:24

Opo nee Josua nOvaisraeli aveshe pamwe naye ova kufa Akan yaSera pamwe noshisiliveli noshikutu shokombada nokaila yoshingoldo novana vaye ovalumenhu noukadona neengobe daye neendongi daye needi daye netwali laye naashishe shaye ndele vo ve i twala kefilu laAkor.

JOSUA 7:26

Ndele vo ove mu ndubila onduba inene yomamanya ei i li po fiyo onena eli. Opo nee Omwene okwa handukuluka koupyuhandu waye. Onghee hano onhele inya otai ifanwa fiyo onena eli Efilu laAkor.