JOSUA 15:11 - Ombibeli Iyapuki

¹¹ Opo nee omufinda tau ende koumbangalanhu wefina lomhunda yaEkron, opo omufinda tau ngolyokele kuSikron ndele tau londo komhunda yaBaala, tau i kuJabneel, fiyo omufinda tau xulile mEfuta Lopokati.

JOSUA 15:11 ပူးပေါင်းရင်းမြစ်များ

2 EEHAMBA 1:16

ndele te i lombwele: “Omwene ta ti ngaha: ‘Ove eshi wa tuma ovatumwa kuBaal-Sebub oshikalunga shaEkron u mu pule, owe shi ninga ngeno shaashi kape na Kalunga mbela muIsrael u pule ondjovo yaye? Onghee hano ito ka penduka vali mombete muyo wa londa ko, osheshi ove oto ka fya shili.’ ”

2 EEHAMBA 1:6

Ndele vo otave mu nyamukula: “Omulumenhu umwe e tu shakeneka nokwe tu lombwela: ‘Shuneni komwene weni, ou e mu tuma, ndele mu lombweleni: Omwene ta ti ngaha: “Shaashi kape naKalunga muIsrael mbela, ove to tumu kuBaal-Sebub, u pule oshikalunga shaEkron? Onghee hano kombete oko wa londa ko, ito ka londoloka ko vali, osheshi to ka fya shili.” ’ ”

2 OMAFIMBO 26:6

Nokwa fikama ndele ta lwifa Ovafilisti nokwa ngumauna po ohotekuma yaGat nohotekuma yaJabne nohotekuma yaAsdod, ndele a tunga oilando moushiinda waAsdod nomokati kOvafilisti.

NUMERI 34:6

Efuta nali ninge ongaba yeni kombinga yokouninginino. Oyo hano ongaba yeni yokouninginino.

JOSUA 15:10

Opo nee omufinda tau ngolyokele kouninginino waBaala, tau i keemhunda daSeir ndele tau ende pefina lomhunda yaJearim oyo Kesalon lokoumbangalanhu ndele tau di kuBet-Semes ndele tau i kuTimna.

JOSUA 15:12

Ongaba yokouninginino oyo hano Efuta Lopokati nomunghulo walo. Oo hano omufinda wongaba tau dingilile oshitukulwalongo shovana vaJuda pamaludi avo.

JOSUA 15:45

Ekron noipangelwa yasho nomikunda dasho,

JOSUA 15:9

okudja koxulo yomhunda, omufinda tau kulukile molufifiya lomeva aNeftoah, ndele tau i koilando yokeemhunda daEfron. Opo nee omufinda tau ngolyokele Baala nokutya Kiriat-Jearim.

OVATOKOLIPANGELI 1:18

Ndele Juda okwa nangala Gasa nomikunda dasho naAskelon nomikunda dasho naEkron nomikunda dasho.

1 SAMUEL 17:52

Opo nee ovalumenhu Ovaisraeli nOvajuda va fikama tava kaluka ndele va shikula Ovafilisti fiyo okoshivelo shaGat nofiyo okoivelo yaEkron, Ovafilisti ova dipawa va nangala mondjila okudja kuSaaraim fiyo okuGat naEkron.

1 SAMUEL 5:10

Opo nee va tuma oshikefa shaKalunga kuEkron. Ndelenee oshikefa shaKalunga eshi she uya muEkron, ovanhu vomuEkron va ingida ndele tava ti: “Vo ova tuma oku kwaame oshikefa shaKalunga kaIsraeli, ame novanhu vange va hangike kefyo.”

1 SAMUEL 5:8

Onghee va ifana ovakulunhu aveshe vOvafilisti va ongale puvo ndele tava pula: “Fye ohatu ka ninga ngahelipi noshikefa shaKalunga kaIsrael?” Ndele venya va tya: “Oshikefa shaKalunga kaIsrael nashi twalwe kuGat.” Ndele oko va twala oshikefa shaKalunga kaIsrael.

1 SAMUEL 7:14

Noilando yOvafilisti ve i kufa kOvaisraeli ya aluka kuIsrael okudja kuEkron fiyo okuGat nomikunda dayo Ovaisraeli va kufa momake Ovafilisti. Nombili ya kala pokati kOvaisraeli nOvaamori.