JOSUA 14:12 - Ombibeli Iyapuki

¹² Pe nge hano eemhunda odo da tongwa kOmwene, osheshi ove mwene we shi uda mefiku linya, nokutya Ovaanaki va kala ko, noko kwa li oilando inene i neehotekuma. Kashiimba Omwene e li pamwe naame, ndi shiive oku va taataa, ngaashi Omwene a tonga.”

JOSUA 14:12 ပူးပေါင်းရင်းမြစ်များ

2 EEHAMBA 19:4

Kashiimba Omwene Kalunga koye ta udu eendjovo adishe daRabsake, ou a tumwa komwene waye, ohamba yaAsiria, opo a sheke Kalunga, ndele Ye ote mu handukile omolweendjovo odo Omwene Kalunga koye a uda. Yelula hano eindilo molwoshixupe osho shi li po natango.”

2 OMAFIMBO 14:11

Ndele Asa okwa ifana Omwene Kalunga kaye, ndele ta ti: “Omwene, kape na nande umwe ta dulu okukwafa ngaashi Ove pokati komunaenghono naau ehe neenghono. Omwene Kalunga ketu, tu kwafa, shaashi hatu liameke kwoove, ndele medina loye twe uya okulwa nongudu oyo. Omwene, Oove Kalunga ketu. Ino efa omunhu e ku dule.”

OMAPSALOME 44:3

Osheshi omikonda davo, hado de va monififa oshilongo, nomaoko avo, hao e va longela efindano, ndelenee eke loye lokolulyo, nokwooko kwoye nouyelele woshipala shoye, oyo tuu, ye shi ninga; osheshi Ove we va hokwa.

OMAPSALOME 60:12

Pamwe naKalunga ohatu ka ninga oilonganghono, nOye mwene ota ka lyataula ovatondi vetu.

NUMERI 13:28

Ndelenee ovanhu venya ve li moshilongo shinya, ove neenghono, noilando yavo oya pamekwa neehotekuma noya kula. Ndele otwa ko mona yo oludalo laAnak.

NUMERI 13:33

Fye otwa mona mo yo ovatongolume, oludalo laAnak, oludalo lovatongolume. Fye otwa li twe litala ngaashi oshipaxu momesho etu. Nosho yo twa li momesho avo.”

NUMERI 21:34

Opo nee Omwene okwa lombwela Moses ndee ta ti: “Ino mu tila, osheshi ame nde mu yandja meke loye pamwe novanhu vaye aveshe noshilongo shaye ashishe. Ndele u noku mu ninga ngaashi wa ningile Sihon, ohamba yOvaamori, ei ya kala muHesbon.”

OVAROMA 8:31

Ohatu ti ngahelipi hano apa? Kalunga ngeenge e tu ama, olyelye ta tu ondubo nafye?

DEUTERONOMION 1:28

Openi hatu i? Ovakwetu ova mbadapaleka omitima detu, vo eshi va tile: Ovanhu venya ovahapu ve tu dule, nomifika davo odile di tu dule. Oilando oya kula ndele ya pamekwa neehotekuma fiyo okeulu. Noko twa mona yo oludalo laAnak.’

DEUTERONOMION 9:1

“Pwilikina, Israel, paife oto ka tauluka Jordan, u taatae oiwana inene noi neenghono i ku dule, nokunangala oilando inene oyo ya pamekwa neehotekuma da twa fiyo okeulu,

DEUTERONOMION 9:3

Hano kala u shi shii nena eli nokutya, Omwene Kalunga koye ote ku tetekele ngaashi omundilo tau lungwinifa. Ye ote ke va hanauna po, Oye ote ke va ta po komesho yoye, opo ove u shiive oku va taataa diva ndele to dulu oku va komba po, Omwene ngaashi e ku udanekela.

OVAFILIPPI 4:13

Aishe ohandi i dulu omolwaKristus, ou ta pameke nge.

OVAHEBERI 11:33

ava va teya po oilongo okeitavelo, nova diinina ouyuki, va mona omaudaneko a wanifwa, nova fitika po omakanya eenghoshi,

JOSUA 15:14

Ndele Kaleb okwa ta mo musho ovana ovamati vatatu vaAnak: Sesai, Ahiman naTalmai, vo oludalo laAnak.

OVATOKOLIPANGELI 1:20

Ndele va pa Kaleb Hebron ngaashi sha tongwa kuMoses. Ndele ye okwa taataa mo ovana vaAnak vatatu.

1 SAMUEL 14:6

Opo nee Jonatan a lombwela omupiya waye, ou a humbata oiti yaye ndee ta ti: “Ila, tu ye popepi netanga lenangelo laava inava pita etanda. Kashiimba Omwene te tu ningile sha, osheshi Omwene iha nyengwa okuxupifa neenghono daava vahapu ile daava vanini.”