JOSUA 14:11 - Ombibeli Iyapuki

¹¹ Ndele fiyo onena eli ndi neenghono di fike peenghono dange mefiku linya, Moses a tuma nge. Eenghono ngaashi da li mefimbo linya osho di li nonena: ndi neenghono nokulwa nokupita mo nokuuya mo.

JOSUA 14:11 ပူးပေါင်းရင်းမြစ်များ

OMAPSALOME 103:5

Oye tuu, ota wanifa omahalelo oye nouwa waye, opo u alulilwe ounyasha woye ngaashi ounyasha wonhwa.

OMAPSALOME 90:10

Okukala po kwetu kombada yedu oku fike pomido omilongo heyali, ngeenge okuhapu, shapu omilongo hetatu, nouwa wako: oudjuu auke netutuko; osheshi oko otaku pitilile po diva, fye ohatu vilola po.

JESAJA 40:31

ndelenee ovo hava teelele Omwene, otava pewa eenghono dipe, otava yelula omavava pombada ngaashi eenhwa. Otava tondoka, ndele itava loloka, tava ende, ndele itava wile po.

DEUTERONOMION 31:2

ndele ta ti kuvo: “Nena eli nda wanifa omido efele nomilongo mbali. Ame nghi dulu vali okupita nokuuya mo, nOmwene okwa lombwela nge: ‘Ito tauluka omulonga ou waJordan.’

DEUTERONOMION 33:25

Oidilifo yoye oyo oshivela oshikushu, neenghono doye di fike pomafiku oye.”

DEUTERONOMION 34:7

Ndele omido daMoses da li efele nomilongo mbali eshi a fya. Omesho aye inaa wiwika neenghono daye inadi ninipala.

JOSUA 14:10

Ndelenee paife, tala, Omwene e shi itavela ngaashi a udaneka, ndi kale nomwenyo natango omido omilongo nhee nanhano konima yefimbo linya Omwene a lombwela Moses ondjovo oyo fimbo Israel sha enda mombuwa. Ndele tala paife omido dange di li omilongo hetatu nanhano.