JOSUA 13:7 - Ombibeli Iyapuki

⁷ Edu olo li tukulila hano paife omapata omugoi netata lepata laManasse ngaashi oshitukulwafyuululwa.

JOSUA 13:7 ပူးပေါင်းရင်းမြစ်များ

OMAPSALOME 105:44

opo nee e va pa oilongo yovapaani, nolukongo loiwana yoilongo, eli ye likongelele, vo ve li kwata,

OMAPSALOME 78:55

Komesho yavo okwa taataele ko oiwana yovapaani, noshilongo shavo okwe shi va taulila efyuululo, nokwa nangeka omapata aIsrael momaumbo avo.

HESEKIEL 45:1

Ndele oshilongo ngeenge tamu shi tukula efyuululo, mu nokupa Omwene onhele iyapuki yomoshilongo ngaashi eyambo; oule wayo omaludimbo omayovi omilongo mbali naatano, nounene omayovi omilongo mbali. Aishe ei ngaashi ya dingilila oyo iyapuki.

NUMERI 33:54

Ndele nye mu nokutaula edu olo efyuululwa pamapata eni. Kepata linene oshitukulwafyuululwa tashi ka ninga shinene, ndee kepata linini oshitukulwafyuululwa tashi ka ninga shinini. Oshihoololifo ngaashi tashi ulikile epata keshe, osho nye mu nokutaulilafana edu oitukulwafyuululwa.

NUMERI 34:13

Ndele Moses okwa lombwela ovana vaIsrael ndee ta ti: “Edu olo tuu olo nye tamu ke li tukulilafana pashihoololifo, ngaashi Omwene a tongele li pewe omapata omugoi netata lepata.

JOSUA 13:6

Oonakukalamo aveshe vokeemhunda okudja kuLibanon fiyo okuMisrefot-Maim, Ovasidoni aveshe, Ame mwene ohandi ke va taataa komesho yovana vaIsrael. Edu lavo li tukulila Israel ngaashi efyuululo, ngaashi Ame nde ku lombwela.

JOSUA 13:8

Pamwe nOvamanasse nOvarubeni nOvagad ova tambula oshitukulwafyuululwa shavo, osho Moses e shi yandja kuvo kombinga inya yokoushilo waJordan, ngaashi Moses, omupiya wOmwene, e va pa:

JOSUA 14:2

noshihoololifo ngaashi oshitukulwafyuululwa palombwelo lOmwene, Ye a lombwelifa Moses ta tongo omapata omugoi netata lepata.