JOSUA 13:3 - Ombibeli Iyapuki

³ nedu alishe laAvvim koumbuwanhu. (Edu alishe okudja kuSihor i li koushilo waEgipiti fiyo okongaba yaEkron langhele koumbangalanhu, olo tali valelwa kedu lOvakaanan nokutya, eehamba nhano dOvafilisti: oyo yaGasa naayo yaAsdod, oyo yaAskelon, oyo yaGat naayo yaEkron) nosho yo Ovaavvim

JOSUA 13:3 ပူးပေါင်းရင်းမြစ်များ

GENESIS 10:6

Ndele ovana ovamati vaHam ovava: Kus naEgipiti naPut naKaanan.

GENESIS 15:18

Mefiku tuu olo Omwene okwa ninga ehangano naAbram, ndele ta ti: “Koludalo loye Ame ohandi li pe edu eli, okudja komulonga waEgipiti fiyo okomulonga munene, omulonga waEufrat,

1 EEHAMBA 8:65

Osho ngaha hano mefimbo olo Salomo nOvaisraeli aveshe pamwe naye, va dana oshivilo, oshiongalele shinene sha ongala okudja komhito tai twala kuHamat fiyo okokamulonga kaEgipiti, koshipala shOmwene Kalunga ketu omafiku aheyali.

1 OMAFIMBO 13:5

Ndele David okwa ongela Ovaisraeli aveshe okudja kuSihor shomuEgipiti fiyo okomhito yokuya kuHamat, va kufe mo oshikefa shaKalunga muKiriat-Jearim.

JESAJA 23:3

Ndele ombuto yaSihor noilya yaNil, ya enda kombada yomeva manene, oya etwa muTirus. Ndele osho ye a ninga elimba loipindi yoiwana.

JEREMIA 2:18

Hano paife oto ka mona shike, eshi to i kuEgipiti u ka nwe omeva aNil? Ndele to ka mona shike eshi to i kuAsiria u ka nwe omeva omulonga waEufrat?

DEUTERONOMION 2:23

Ovakaftori yo, ava va dja kuKaftor, ova mana po Ovaavvim ava va li momikunda fiyo okuGasa, ndele va tula meenhele davo.

JOSUA 13:13

Ndelenee ovana vaIsrael inava taataa Ovagesuri nOvamaakati, onghee Ovagesuri nOvamaakati va kala mokati kOvaisraeli fiyo onena eli.

OVATOKOLIPANGELI 16:5

Opo nee ovakulunhu vOvafilisti ve uya kuDelila ndele tava ti kuye: Mu heka u mu faafae eenghono daye dinene odi li peni, ndele hatu dulu ngahelipi oku mu kwata noku mu manga tu mu shundule. Opo nee keshe umwe womufye ote ku pe eesekeli doshisiliveli eyovi limwe nefele limwe.

OVATOKOLIPANGELI 3:3

eehamba nhano dOvafilisti nOvakaanan aveshe nOvasidoni nOvahevi, ava va kala keemhunda daLibanon okudja komhunda yaBaal-Hermon fiyo okomhito yokuya kuHamat.

1 SAMUEL 5:1

NOvafilisti va kufa oshikefa shaKalunga muEben-Eser, ndele ve shi twala kuAsdod.

1 SAMUEL 5:10

Opo nee va tuma oshikefa shaKalunga kuEkron. Ndelenee oshikefa shaKalunga eshi she uya muEkron, ovanhu vomuEkron va ingida ndele tava ti: “Vo ova tuma oku kwaame oshikefa shaKalunga kaIsraeli, ame novanhu vange va hangike kefyo.”

1 SAMUEL 5:8

Onghee va ifana ovakulunhu aveshe vOvafilisti va ongale puvo ndele tava pula: “Fye ohatu ka ninga ngahelipi noshikefa shaKalunga kaIsrael?” Ndele venya va tya: “Oshikefa shaKalunga kaIsrael nashi twalwe kuGat.” Ndele oko va twala oshikefa shaKalunga kaIsrael.

1 SAMUEL 6:4

Opo nee tava pula: “Ehandukulukifo lashike tu noku mu alulila?” Ndele tava ti: “Pamuvalo wovakulunhu vOvafilisti: oidinda itano yoshingoldo neemhuku nhano doshingoldo, osheshi eshi oshiponga kombada yavo aveshe nokombada yovakulunhu veni.