JOSUA 12:6 - Ombibeli Iyapuki

⁶ Moses, omupiya wOmwene, novana vaIsrael ove di dipaa. Ndele Moses, omupiya wOmwene, okwe shi pa Ovarubeni nOvagad netata lepata laManasse, ve shi nangale.

JOSUA 12:6 ပူးပေါင်းရင်းမြစ်များ

1 EEHAMBA 4:19

Geber yaUri moshikandjo shaGilead, mouhamba waSihon, ohamba yOvaamori, noshaOg, ohamba yaBasan. Ndele ye okwa li elenga limwe alike moshilongo tuu osho.

NUMERI 32:29

Ndele Moses okwe va lombwela: “Ovana vaGad novana vaRuben ngeenge tava tauluka Jordan pamwe nanye nokutya, aveshe ava va longekidilwa oita koshipala shOmwene nedu olo tali ningi oshipangelwa sheni, va peni hano edu laGilead oshitukulwafyuululwa shavo.

NUMERI 32:32

Fye ohatu ka tauluka twa dililwa koshipala shOmwene nokuya medu laKaanan, ndele oshitukulwafyuululwa shetu tashi ka kala koushilo waJordan.”

NUMERI 32:33

Osho ngaha hano Moses a pa ovana vaGad novana vaRuben netata lepata laManasse yaJosef, oshilongo shaSihon, ohamba yOvaamori, noshilongo shaOg, ohamba yaBasan, oshilongo noilando yomusho nomikunda dasho, oilando yoshilongo keembinga adishe dasho.

JOSUA 14:3

Osheshi Moses a yandja komapata avali netata lepata oitukulwafyuululwa kombinga inya yaJordan. Ndelenee Ovalevi ine va pa oshitukulwafyuululwa mokati kavo.

JOSUA 18:7

Osheshi Ovalevi vehe noshitukulwa mokati keni, shaashi oupristeli wOmwene oo oshitukulwafyuululwa shavo. Ndele Gad naRuben netata lepata laManasse a pewa oitukulwafyuululwa yao kombada yaJordan moushilo, oyo ve i pewa kuMoses, omupiya wOmwene.”

JOSUA 22:4

Ndelenee paife Omwene Kalunga keni a pa ovamwanyoko etulumuko ngaashi Ye e va udanekela. Hano shuneni mu ye komatwali eni koshilongo mwe shi pewa kuMoses, omupiya waKalunga, kombada yaJordan.