JOSUA 11:20 - Ombibeli Iyapuki

²⁰ Osheshi Omwene osho a tokola va kale ve likukutika nokulwifa Ovaisraeli, opo va hangike kehanauno, paha kale kuvo nande onghenda, ndelenee va manwe po ngaashi Omwene a lombwela Moses.

JOSUA 11:20 ပူးပေါင်းရင်းမြစ်များ

2 SAMUEL 17:14

Opo nee Absalom novalumenhu aveshe vaIsrael tava ti: “Eendunge daHusai, Omuarki, di dule eendunge daAhitofel.” Ndelenee Omwene e shi ninga, opo eendunge diwa da yandjwa kuAhitofel di ninge dongaho, opo Omwene a ete omupya kombada yaAbsalom.

1 EEHAMBA 12:15

Osho ngaha hano ohamba inai pwilikina ovanhu, ndelenee Omwene osho a endifa, opo a wanife ondjovo yaye mwene, e i popififa Ahia, Omusilo, okupopya Jerobeam yaNebat.

2 OMAFIMBO 22:7

Ndelenee enyonauko laAhasia la dja kuKalunga, onghee hano okwa li e nokuuya kuJoram. Eshi a fika ko, okwa ya pamwe naJoram okushakeneka Jehu yaNimsi, ou a vaekwa kOmwene, a hanaune po epata laAhab.

2 OMAFIMBO 25:16

Ndele fimbo ta popi naye, Amasia ta ti kuye: “Fye otwe ku tula po mbela, u ninge omupukululi wohamba? Mwena, oshike wa hala u dipawe?” Opo nee omuxunganeki a mwena ndele ta ti: “Ame ohandi dimbulukwa nokutya, Kalunga a hala oku ku nyonauna po, shaashi we shi ninga, ndelenee ino pwilikina epukululo lange.”

EXODUS 10:1

Omwene okwa lombwela vali Moses ndele ta ti: “Inda kuFarao, osheshi Ame nda kukutika omutima waye nomitima dovapiya vaye, opo ndi shiive okuwanifa omadidiliko ange mokati kavo,

EXODUS 11:10

Ndele Moses naAron va ningila oikumwifalonga aishe ei moipafi yaFarao. Ndelenee Omwene okwa kukutika omutima waFarao, opo ye ina lekela Ovaisraeli va dje mo moshilongo shaye.

EXODUS 14:17

NAame ohandi ka kukutika omitima dOvaegipiti, opo tave uya tave mu shikula. Ndele Ame ohandi ke lifimanekifila muFarao nomeenghono adishe daye dovakwaita nomomatemba aye oita nomovalondi vaye veenghambe.

EXODUS 14:4

Ndele Ame ohandi ka kukutika omutima waFarao, opo venya ve va shikule. Ndele Ame nda hala okulifimanekifila muFarao nomeenghono adishe domatanga ovakwaita vaye, nOvaegipiti tava ka shiiva nokutya, Aame Omwene.” Nosho va ninga.

EXODUS 14:8

NOmwene okwa kukutika omutima waFarao, ohamba yaEgipiti, opo va shikule Ovaisraeli manga Ovaisraeli va dja mo keameno leke li neenghono.

EXODUS 4:21

NOmwene okwa lombwela Moses ta ti: “Paife eshi to shuna kuEgipiti, tala, ka ninge oikumwifa aishe ei nde i ku pa, koshipala shaFarao. Ndelenee Ame ohandi ka kukutika omutima waye, opo ye ita ka efa oshiwana shi dje mo.

EXODUS 9:12

Ndelenee Omwene okwa kukutika omutima waFarao, ehe va pwilikine, ngaashi Omwene a lombwela Moses.

EXODUS 9:16

ndelenee Ame nde ku efa u kale po, opo ndi shiive okumonifa eenghono dange mwoove, edina lange opo li udifwe kombada yedu alishe.

JESAJA 14:24

Omwene Kalunga komatanga ovakwaita okwa ana, ta ti: “Oshili, ngaashi nda diladila, osho tashi ka ningwa, nongaashi nda tokola, osho tashi ka wanifwa.

JESAJA 34:2

Osheshi Omwene okwa handukila oiwana aishe, noupyuhandu waye u li kombada yeemhunga dayo adishe; ndele Ye okwe va yapulila efingo nokwe va yandja va tomwe.

OVAROMA 9:18

Hano Oye ta filonghenda ou Ye a hala, nota kukutike ou Ye a hala.

DEUTERONOMION 2:30

Ndelenee Sihon, ohamba yaHesbon, okwa li ina hala fye tu tauluke moshilongo shaye. Osheshi Omwene Kalunga koye okwa kukutika omhepo yaye nokwa kukutika omutima waye, opo e mu yandje momake oye nongaashi a tonga yo.

DEUTERONOMION 7:16

Ndele ove oto ka mana po oiwana aishe oyo Omwene Kalunga koye ta yandje momake oye. Eisho loye itali ke i fila onghenda, ndele ino longela oikalunga yayo, osheshi otashi ka ninga omwiyo woye.

OVATOKOLIPANGELI 14:4

Ndelenee xe naina inava shiiva nokutya, osho sha dja kOmwene, osheshi ye okwa konga omhito okutwila Ovafilisti ondubo. Mefimbo linya Ovaisraeli va pangelwa kOvafilisti.

1 SAMUEL 2:25

Omunhu ngeenge ta nyono komukwao ota tokolwa komutokoli, ndelenee omunhu ngeenge ta nyono kOmwene, olyelye ta dulu oku mu popila?” Ndelenee vo inava pwilikina xe yavo, osheshi Omwene okwa li a hala oku va komba po.