JOSUA 11:15 - Ombibeli Iyapuki

¹⁵ Omwene ngaashi a lombwela omupiya waye Moses, osho Moses a lombwela Josua ndele osho ngaha Josua okwa ninga. Ye ina efa nande sha eshi ashishe Omwene a lombwela Moses.

JOSUA 11:15 ပူးပေါင်းရင်းမြစ်များ

2 OMAFIMBO 30:12

MuJuda yo eke laKalunga la longa, onghee ve liyandja nomutima umwe, va wanife oshipango shohamba noshovakulunhu pandjovo yOmwene.

NUMERI 33:50

NOmwene okwa popya naMoses momaluhaela aMoab pomulonga waJordan popepi naJeriko, ndee ta ti:

NUMERI 33:52

nye mu nokutaataa oonakukalamo aveshe vedu komesho yeni nokuhanauna po oihongwafano yavo. Nosho yo mu nokuhanauna po oitelekwafano yavo aishe nokutokeka oikulundu yavo yokuyambela.

MATEUS 23:23

“Woo nye, ovanongo vomishangwa nOvafarisai, ovanaihelele nye, eshi hamu yandje oshitimulongo shoumbidi ava vanini vomomapya, ndele hamu efa oinenenima yomomhango ouyuki nefilonghenda noudiinini! Ei i nokuwanifwa, naainya ihe shi okweefiwa.

LUKAS 11:42

“Ndelenee woo, nye Ovafarisai, eshi hamu yandje oitimulongo yombidi noyoidimba noyeembidi adishe, ndele hamu pitilile ouyuki nohole okuhola Kalunga, eshi oshi nokuwanifwa naashinya kashi na okweefiwa.

OILONGA YOVAYAPOSTOLI 20:20

nonhumbi nda li inandi fya ounye oku mu lombwela keshe tuu osho sha wapala noku mu longa povanhu nomomaumbo

OILONGA YOVAYAPOSTOLI 20:27

Osheshi ame inandi fiya po sha, ndelenee onde mu udifila omhangela aishe yexupifo laKalunga.

DEUTERONOMION 12:32

“Ashishe eshi ame handi mu lombwele, sho omu noku shi diinina shili. Ino weda ko sha, ndele ino dima mo sha.

DEUTERONOMION 31:3

Omwene Kalunga keni, Ye ote ke mu tetekela okutauluka. Ye ota ka hanauna po oiwana oyo komesho yeni, ndele tamu ke i taataa mo moshilongo shayo. Josua te mu kwatele komesho, ngaashi Omwene a tongele.

DEUTERONOMION 31:5

Omwene te va yandje momake eni, ndele nye mu noku va ningila naanaa pashipango ame nde shi mu lombwela.

DEUTERONOMION 31:7

Opo nee Moses okwa ifana Josua nokwe mu lombwela moipafi yOvaisraeli ndele ta ti: “Kala wa pama, nyatipala, osheshi ove to ka ya mo novana ava medu olo, Omwene e li udanekela ooxo nokwaana e li va pe; ndele ove to ke li va tukulila efyuululo.

DEUTERONOMION 4:2

Kondjovo ei ame handi mu lombwele, inamu weda ko sha, nye inamu kufa ko sha. Opo mu shiive okudiinina oipango yOmwene Kalunga keni, ei ame handi mu lombwele.

DEUTERONOMION 4:5

Taleni, ame nde mu longa eenghedimhango nomalombwelo ngaashi Omwene Kalunga kange a lombwela nge, opo mu di shikule medu olo tamu ka nangala.

DEUTERONOMION 7:2

nOmwene Kalunga koye ngeenge te i ku pe ndele ove to i taataa, opo nee ove u noku i hanauna po aishe shekesheke. Inamu ninga ehangano nayo, ndele inamu i fila onghenda.

JOSUA 1:7

Kala ashike wa pama nokunyatipala ndele wanifa naanaa omhango aishe, Moses, omupiya wange, e i ku lombwela. Ino yapuka mo muyo nande okolulyo ile kolumosho, opo u kale u nelao keshe apa to i.

JOSUA 11:12

Noilando aishe inya yeehamba pamwe neehamba dayo adishe Josua okwa kufa ndele e di dipaa neongamukonda. Ye okwe di yapulila ehanauno ngaashi Moses, omupiya wOmwene e mu lombwela.

JOSUA 11:14

Noixuulwa aishe yoilando inya noimuna, Ovaisraeli ve i litinhila ngaashi oihakanwa. Ovanhu aveke ve va dipaa keongamukonda fiyo ve va mana po. Inava efa nande umwe ou e nomufudo a kale nomwenyo.

JOSUA 11:16

Osho ngaha hano Josua okwa nangala edu olo alishe: eemhunda noshilongo ashishe shokoumbuwanhu nedu alishe laGosen nepumbu nEfuta Loluhaela neemhunda daIsrael nepumbu lado.

1 SAMUEL 15:11

“Ame nda nyika oluhodi, eshi nda ninga Saul ohamba, osheshi okwe liteeka nge ndele ina wanifa eendjovo dange.” Opo nee Samuel a ninga omwenyo mwii nokwa kuwa kOmwene oufiku aushe.