JOSUA 10:40 - Ombibeli Iyapuki

⁴⁰ Osho ngaha hano Josua okwa nangala oshilongo ashishe, edu leemhunda noshilongo shoumbangalanhu, epumbu neenhele dopopepi neemhunda, neehamba adishe dado. Kapa li nande umwe a xupa a ya onhapo. Ndele keshe eshi shi nomufudo ye okwe shi yapulila ehanauno, Omwene Kalunga kaIsrael ngaashi e va lombwela.

JOSUA 10:40 ပူးပေါင်းရင်းမြစ်များ

1 EEHAMBA 15:29

Ndele ye eshi a ninga ohamba, okwa dipaa epata alishe laJerobeam. Ndele keshe umwe ou a li e nomwenyo womepata laJerobeam, ine mu xupifa, okwa hanauna po aveshe pandjovo yOmwene, Ye e i lombwela omupiya waye Ahia, Omusilo

NEHEMIA 9:24

Novana va ya mo ndele va nangala oshilongo noonakukalamo moshilongo, Ovakaanan, we va taataa komesho yavo, ndele we va yandja meke lavo, neehamba davo ngaashi yo ovanhu voilongo, ve va ningile ngaashi va hala.

OMAPSALOME 9:17

Ovakolokoshi ve nokuwila moshovafi, novapaani aveshe ava va dimbwa Kalunga.

EXODUS 34:12

Lungama uha ninge ehangano noonakukala medu to i mulo, vo vehe ku tele omwiyo,

NUMERI 13:17

Ndele Moses okwe va tumine okulava edu laKaanan, ndee ta ti kuvo: “Indeni ko kombinga yokoumbuwanhu moshilongo mu ka londe keemhunda.

DEUTERONOMION 1:7

Fikameni, djeni po, mu ye keemhunda dOvaamori nokeenhele adishe domoushiinda wavo, nokutya komaluhaela nokeemhunda nokedu la lalakana nokoshikandjo shoumbangalanhu nokomunghulo wEfuta Lopokati, oshikandjo shOvakaanan naLibanon fiyo okomulonga omunene waEufrat.

DEUTERONOMION 2:34

Ndele mefimbo tuu olo fye twa nangala oilando yaye aishe, ndele twa hanauna po oshilando keshe, ndele twa dipaa ovalumenhu novakainhu nounona. Inatu xupifa nande umwe.

DEUTERONOMION 7:24

Ye ota ka yandja meke loye eehamba davo yo, opo u shiive okudima po omadina avo koshi yeulu. Nande umwe ta ka dula oku ku kangheka fiyo ove we va mana po.

JOSUA 10:35

Ndele ve shi ta mefiku tuu olo ndele va dipaa neongamukonda oonakukalamo musho. Neemwenyo adishe da li mo ve di yapulila ehanauno mefiku tuu olo ngaashi va ningila Lakis.

JOSUA 10:37

Ndele ve shi ta ndele va dipaa neongamukonda ohamba yasho noonakukalamo moilando yasho aishe, neemwenyo adishe da li mo. Inapa xupa nande umwe a ya onhapo, naanaa ngaashi a ningila Eglon. Ndele va hanauna oshilando novanhu aveshe vasho.

JOSUA 10:39

Nokwe shi ta pamwe nohamba yasho noilando aishe yasho. Ndele vo ove va dipaa neongamukonda, neemwenyo adishe da li mo ve di yapulila ehanauno. Inapa xupa nande umwe a ya onhapo. Ngaashi a ningila Hebron, osho a ningila yo Debir nohamba yasho ngaashi a ningila Libna nohamba yasho.

JOSUA 11:16

Osho ngaha hano Josua okwa nangala edu olo alishe: eemhunda noshilongo ashishe shokoumbuwanhu nedu alishe laGosen nepumbu nEfuta Loluhaela neemhunda daIsrael nepumbu lado.

JOSUA 12:8

Oshitukulwa eshi osha kwatela mo edu lokeemhunda oikulundudu yopopepi nado kouninginino, olufilu laJordan noikulundudu yopopepi nalo, omafilukila okoushilo nedu lokoumbuwanhu oko ihaku lokwa. Edu eli ola li lOvaheti, lOvaamori, lOvakaanan, lOvaperesi, lOvahevi nolOvajebusi. Ovaisraeli ova finda eehamba doilando ei:

JOSUA 18:21

Noilando yepata lovana vaBenjamin pamaludi avo oyei: Jeriko naBet-Hogla naEmek-Kesis,

JOSUA 6:17

Ndelenee oshilando naashishe shi li mo, shi nokuninga omundiloyambo kOmwene. Rahab, ombwada, ye aeke na xupe, ye pamwe naaveshe ava ve li puye mongulu yaye, osheshi oye okwa holeka eendadi twe di tuma ko.

JOSUA 8:2

Ndele ove u nokuninga Ai nohamba yasho ngaashi wa ningile Jeriko nohamba yasho. Ashike oixuulwa yasho noimuna yasho otamu i litinhile. Tula ehonyeno konima yoshilando.”

JOSUA 8:27

Ovaisraeli ove litinhila oimuna aike noixuulwa ei ya monika moshilando palombwelo lOmwene, ngaashi Ye a lombwela Josua.

JOSUA 9:24

Opo nee va nyamukula Josua ndele tava ti: “Ovapiya voye va hepaululilwa nokutya, Omwene Kalunga koye a lombwela Moses, omupiya waye, e mu pe edu alishe eli nokuhanauna po oonakukalamo aveshe komesho yeni, onghee hano fye otwa li twe mu tila unene molwokukalamwenyo kwetu ndele twa ninga oshinima eshi.