JOSUA 10:3 - Ombibeli Iyapuki

³ Adoni-Sedek, ohamba yaJerusalem, okwa tuma kuHoham, ohamba yaHebron nokuPiream, ohamba yaJarmut, nokuJafia, ohamba yaLakis nokuDebir, ohamba yaEglon, tai ti:

JOSUA 10:3 ပူးပေါင်းရင်းမြစ်များ

GENESIS 23:2

Ndele Sara okwa fila muKiriat-Arba nokutya, Hebron, medu laKaanan. Ndele Abraham okwe uya keefya daSara noku mu lila.

GENESIS 37:14

Opo nee ye okwe mu lombwela ta ti: “Inda hano u ka tale ovamwaxo nhumbi ve li, noimuna nhumbi i li, opo u aluke u shiivifile nge.” Osho ngaha hano ye okwe mu tuma a dja mefilu laHebron ndele te uya kuSekem.

2 SAMUEL 2:11

Nomido odo David okwa li ohamba muHebron nokupangela epata laJuda, oda li di fike pomido heyali neehani hamano.

2 EEHAMBA 18:14

Opo nee Hiskia, ohamba yaJuda, ya shiivifila ohamba yaAsiria, ya li muLakis, tai ti: “Ame nda nyona. Shuna, dja po pwaame. Keshe osho to dike nge, ame ohandi yandje.” Nohamba yaAsiria okwa futifa Hiskia eekilograma omayovi omulongo doisiliveli neekilograma eyovi doshingoldo.

2 EEHAMBA 18:17

Opo nee ohamba yaAsiria ya tuma Tartan naRabsaris naRabsake va dja kuLakis, ve nomatanga ovakwaita vahapu kohamba Hiskia kuJerusalem. Ndele vo ve uya popepi naJerusalem. Ndele vo eshi ve uya, ova kanghama petondokelo lomeva oketale lokombada, opondjila yokuya kepumbu lomufufuli woikafa.

2 OMAFIMBO 11:9

nokuAdoraim nokuLakis nokuAseka,

JEREMIA 34:7

fimbo ovakwaita vohamba yaBabilon tava lwifa Jerusalem noilando aishe yomuJuda, ei ya fyaala po inai tewa, Lakis naAseka, osheshi oyo aike ya xupa yomoilando yomuJuda ya li ya pamekelwa oku i popila.

MIKA 1:13

Oonakukalamo muLakis, mangeleni eenghambe ketemba! Osho ehovelo lokunyona kwomona okakadona kaSion okwa dja mwoove, osheshi mwoove mwa monika omatauluko aIsrael.

NUMERI 13:22

Ndele vo ova ya moshilongo shokoumbangalanhu ndele va fika fiyo okuHebron. Ndele oko kwa li Ahiman, Sesai naTalmai, oludalo laAnak. Ndele Hebron osha tungwa omido heyali fimbo Soan muEgipiti sha li inashi tungwa.

JOSUA 10:1

Ndele Adoni-Sedek, ohamba yaJerusalem, eshi ya uda nokutya, Josua okwa teya Ai nokwe shi yapulila ehanauno ngaashi a ningile yo Jeriko nohamba yasho, osho a ninga yo Ai nohamba yasho, ndele oonakukalamo muGibeon va panga ombili nOvaisraeli ndele va li mokati kavo,

JOSUA 10:23

Osho va ninga ndele va eta kuye eehamba odo nhano domekololo nokutya, ohamba yaJerusalem, ohamba yaHebron, ohamba yaJarmut, ohamba yaLakis, ohamba yaEglon.

JOSUA 10:34

Opo nee Josua pamwe nOvaisraeli aveshe va dja muLakis ndele va ya kuEglon ve shi fitikinine noku shi homona.

JOSUA 10:5

Osho ngaha hano eehamba nhano dOvaamori oda ongala ndele da fikama: ohamba yaJerusalem, ohamba yaHebron, ohamba yaJarmut, ohamba yaLakis, ohamba yaEglon, odo pamwe nomatanga ado ovakwaita aveshe. Do oda fitikinina Gibeon ndele de shi lwifa.

JOSUA 14:15

Ndelenee edina laHebron la li nale Kiriat-Arba, omolwedina laArba, ou a li omupangeli e neenghono e dule vakwao mokati kOvaanaki. Ndele edu la mona etulumuko koita.

JOSUA 15:54

naHumta naKiriat-Arba nokutya, Hebron naSior: oilando omugoi pamwe nomikunda dayo.

JOSUA 15:63

Ndelenee ovana vaJuda va nyengwa okuta mo Ovajebusi, oonakukalamo muJerusalem. Onghee hano Ovajebusi va kala pamwe novana vaJuda muJerusalem fiyo onena eli.

JOSUA 18:28

naShela, Elef naJebus, osho Jerusalem, Gibea, Kiriat-Jearim: oilando omulongo naine pamwe nomikunda dayo. Osho hano oshitukulwafyuululwa shovana vaBenjamin pamaludi avo.