JOSUA 10:25 - Ombibeli Iyapuki

²⁵ Ndele Josua ta ti kuvo: “Inamu tila, inamu fya oumbada. Kaleni mwa pama mwa nyatipala, osheshi osho ngaha Omwene ota ka ningila ovatondadi veni aveshe ava nye tamu ka lwifa.”

JOSUA 10:25 ပူးပေါင်းရင်းမြစ်များ

OMAPSALOME 63:9

Ndelenee tava kongo omwenyo wange nokulietela ngaha ehanauno, otava i medu moule mwi.

OMAPSALOME 77:11

Onda hala okudimbulukwa oinenelonga yOmwene, heeno, okudimbulukwa oikumwifalonga yoye yonale,

OVAROMA 8:37

Ndelenee mwaai aishe ohatu findi nokufindilila omolwaau e tu hole.

2 OVAKORINTO 1:10

Ye okwe tu xupifa mo moshiponga shefyo olo linene, ndele ote tu xupifa nokomesho, ndele muye otwa tula mo eteelelo letu nokutya, ote ke tu xupifa nokomesho yo,

OVAEFESO 6:10

Ndele natango, ovamwatate, lipamekeni mOmwene nomeenghono domepangelonghono laye.

DEUTERONOMION 7:19

nomahalwifoyeleko manene omesho oye a mona, nomadidiliko noikumwifa neke li neenghono nokwooko kwa yeluka Omwene Kalunga koye e ku pitifa mo. Osho ngaha Omwene Kalunga koye ota ka ningila oiwana aishe oyo ove ho tila.

JOSUA 1:6

Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

JOSUA 10:8

Ndele Omwene okwa lombwela Josua ta ti: “Ino va tila, osheshi Ame ohandi ke va yandja meke loye. Ndele pehe na nande umwe womuvo ta ka dula okulipopila moipafi yoye.”

1 SAMUEL 17:37

David ta ti vali: Omwene ou a xupifa nge meenyala donghoshi nomeenyala demwangha, Ye ota ka xupifa nge yo meke lOmufilisti ou.” Opo nee Saul ta ti kuDavid: “Inda, Omwene na kale naave!”