JOSUA 1:8 - Ombibeli Iyapuki

⁸ Embo lomhango ei iha dje mo mokanya koye, ndelenee i konakona omutenya noufiku, opo u shiive okuwanifa naanaa ashishe eshi sha shangelwa mo. Osheshi osho ove to ka kala u nelao meendjila doye ndele oto kala nouwa.

JOSUA 1:8 ပူးပေါင်းရင်းမြစ်များ

GENESIS 24:63

Ndele Isak okwa ya a ka endaenda komaalala etango longuloshi. Ndele ye eshi a yelula omesho aye okwa mona eengamelo tadi uya.

2 OMAFIMBO 26:5

Nokwa konga Kalunga fimbo Sakaria okwa li e nomwenyo, ou a li e nounongo wokushiiva omamoniko aKalunga. Ndele pomafiku oo ye eshi a konga Omwene, Kalunga e mu pa elao.

OMAPSALOME 119:11

Ondjovo yoye onde i tuvikila momutima wange, ndiha nyone kwoove.

OMAPSALOME 119:15

Omalombwelo oye onda hala oku a shipaashipa nokupashukila omalila oye.

OMAPSALOME 119:97

Omhango yoye ondi i hole shi fike peni! Efiku alishe ohandi i dilonga.

OMAPSALOME 119:99

Ovalongi vange aveshe ondi va dule eendunge, osheshi omahepaululo oye oo omadiladilo ange.

OMAPSALOME 19:14

Eendjovo domokanya kange nomadilongo omomutima wange nae ku wapalele, Omwene, emanya lange nOmukulili wange.

OMAPSALOME 40:10

Kouyuki woye inandi holeka ko sha momutima wange, onda udifa pombada oudiinini nekwafo loye; onghenda noshili yoye inandi i mweneka meongalo linene.

OMAYELETUMBULO 3:1

Omumwange, ino dimbwa elongo lange, nomutima woye nau diinine oipango yange;

JESAJA 59:21

Ehangano lange navo ole li, Omwene ta ti: “Omhepo yange ei i li kombada yoye, neendjovo dange handi di tula mokanya koye, nomomakanya omaludalo oye nomokanya koludalo tali shikula komesho, nena nofiyo alushe,” Omwene osho ta ti.

MATEUS 12:35

Omunhu muwa ota holola mo ouwa omelimba laye liwa, nomunhu mwii ota kufa melimba laye lii owii.

MATEUS 28:20

noku va longa okudiinina aishe ei nde i mu lombwela. Ndele tala, Ame ondi li pamwe nanye omafiku aeshe, fiyo okexulilo lefimbo lounyuni.”

MATEUS 7:21

“Hakeshe ou ta ti kwaame: ‘Omwene, Omwene!’ ta i mouhamba womeulu, ndelenee oye tuu ou ha longo ehalo laTate womeulu.

MATEUS 7:24

“Hano keshe tuu ou ta udu eendjovo edi dange ndele te di wanifa, oye ta yelekwa nomulumenhu omunaendunge, a tungila ongulu yaye kemanya.

LUKAS 11:28

Ndele Ye okwa tya: “Oshili, ovanelao ovava tava udu eendjovo daKalunga ndele tave di diinine.”

JOHANNES 13:17

Eshi ngeenge mu shi shii, onye ovanelao ngeenge tamu shi ningi.

JOHANNES 14:21

“Ou e noipango yange ndele te i diinine, oye tuu ou e hole nge; ndele ou e hole nge, ota kala e holike kuTate, naame yo ondi mu hole, ndele handi mu lihololele.”

OVAEFESO 4:29

Momakanya eni muha pite nande ondjovo ya nyata, ndelenee odedi diwa dokutungafana, da wapala okupwilikina.

DEUTERONOMION 29:8

ndele twa nangala oshilongo shado, ndele twe shi yandja efyuululo kOvarubeni nOvagad noketata lepata lOvamanasse.

DEUTERONOMION 29:9

Diinineni hano eendjovo dehangano eli noku di wanifa, opo mu mone elao mwaashishe tamu shi ningi.

DEUTERONOMION 30:14

Ndelenee ondjovo oi li popepi naave unene, mokanya koye nomomutima woye, opo u i wanife.

DEUTERONOMION 31:11

Ovaisraeli aveshe eshi tave uya va holoke koshipala shOmwene Kalunga koye monhele oyo Ye te ke i hoolola, ove u nokulesha omhango ei moipafi yOvaisraeli aveshe, momatwi avo.

DEUTERONOMION 31:24

Ndele Moses eshi a mana okushangela membo eendjovo domhango ei,

DEUTERONOMION 5:1

Ndele Moses okwa shiva Israel ashishe, ndele ta ti kusho: “Israel, pwilikina eenghedimhango nomalombwelo ame ohandi a udifa momatwi eni nena eli, nye mu noku e lilonga noku a diinina shili.

DEUTERONOMION 5:29

Akutu, ngeno va kale ve nomutima wa tya ngaha, va kale nokutila nge nokudiinina alushe oipango yange aishe, opo voovene novana vavo va mone elao fiyo alushe.

DEUTERONOMION 5:32

“Kala hano u noshisho nye mu ninge ngaashi Omwene Kalunga keni e mu lombwela. Inamu yapukila kolulyo ile kolumosho.

OVAKOLOSSI 3:16

Eendjovo daKristus nadi kale da yadelela munye; longafaneni, pukululafaneni neendunge adishe, nomapsalome nomaimbilopandulo, nomalwiimbo opamhepo nokwiimbila Kalunga nokupandula momitima deni.

JOSUA 1:7

Kala ashike wa pama nokunyatipala ndele wanifa naanaa omhango aishe, Moses, omupiya wange, e i ku lombwela. Ino yapuka mo muyo nande okolulyo ile kolumosho, opo u kale u nelao keshe apa to i.

JOSUA 8:34

Opo nee ye okwa lesha eendjovo adishe domhango, enangeko noupuna netulomutima, naanaa ngaashi da shangelwa membo lomhango.

EHOLOLO 22:14

Ovanelao ovovo tava yelifa oikutu yavo, opo va itavelelwe okupewa komuti womwenyo nokuya moshilando tava piti moivelo.