JOSUA 1:6 - Ombibeli Iyapuki

⁶ Kala wa pama. Kala wa nyatipala. Osheshi ove oto ka tukulila ovanhu ava oshilongo efyuululo, Ame nde shi udanekela ooxe nokwaana ndi shi va pe.

JOSUA 1:6 ပူးပေါင်းရင်းမြစ်များ

GENESIS 12:7

Opo nee Omwene okwe lihololela Abram ndele ta ti: “Edu eli handi ke li yandja koludalo loye.” Opo nee ye a tungila Omwene oaltari, ou e mu lihololela.

GENESIS 26:3

Kala ngaashi omunailongo moshilongo eshi, ndele ame ohandi ka kala pamwe naave; noludalo loye ohandi ke li pa oilongo ei. Ame ohandi ka wanifa eano nde li anenene xo Abraham.

2 SAMUEL 10:12

Kala wa pama, ndele atushe tu kaleni twa nyatipala omolwoshiwana shetu nomolwoilando yaKalunga ketu. Omwene na ninge osho tashi mu wapalele momesho aye.”

1 EEHAMBA 2:2

“Ame ohandi ka ya nondjila younyuni aushe; kala wa pama, omulumenhwelela,

1 OMAFIMBO 22:13

Opo nee to ka kala omunelao ngeenge to diinine shili eenghedimhango nomalombwelo aa Omwene e a lombwela Moses molwOvaisraeli. Kala wa pama u nonyati! Ino tila ndele ino mbadapala!

1 OMAFIMBO 28:10

Tala hano, Omwene e ku hoolola, u tunge ongulu yotembeli. Kala wa pama, u i xulife.”

1 OMAFIMBO 28:20

Ndele David okwa lombwela omona waye Salomo: “Kala wa pama wa nyatipala, ndele shi xulifa. Ino tila, ino mbadapala! Osheshi Omwene Kalunga, Kalunga kange ta ka kala naave. Ye ite ku efa ndele ite ku ekeleshi, fiyo wa xulifa oilonga aishe yongulu yOmwene.

2 OMAFIMBO 15:7

Ndelenee nye kaleni mwa pama, omake eni aha tyololoke, osheshi oshilonga sheni shi nondjabi.”

2 OMAFIMBO 20:11

Heeno, tala, paife tave uya ve tu alulile owii noku tu taataa mo moshilongo shetu, osho twe shi pewa kwOove.

2 OMAFIMBO 20:7

Haave Kalunga ketu, wa taataa oonakukalamo medu eli komesho yovanhu voye Ovaisraeli, ndele we li yandja fiyo alushe koludalo laAbraham, kaume koye?

OMAPSALOME 27:14

Teelela kOmwene! Kala wa yombama, omutima woye inau mbadapala; heeno, teelela kOmwene.

DANIEL 10:19

Ndele ye okwa tya: “Kala nomwenyo muwa, oove omulumenhu muwa.” Ombili nai kale naave. Kala wa pama, heeno, lipameka! Ndele fimbo ta popifa nge, ame ondi udite eenghono mwaame, ndele handi ti: “Omwene wange, popya, osheshi Ove wa pameka nge.”

HAGGAI 2:4

Serubbabel, kala wa pama, Omwene osho ta ti, naave yo Josua yaJosadak, omupristeli omukulunhu, lipameka, novanhu aveshe vomoshilongo, lipamekeni, nye mu longe, Omwene ta ti. Osheshi Ame ndi li pamwe nanye, Omwene womatanga ovakwaita ta ti.

SAKARIA 8:9

“Omwene womatanga ovakwaita osho ta ti: Pamekeni omaoko eni, onye mwa uda pomafiku aa eendjovo odo komakanya ovaxunganeki, mefiku tuu olo, ekanghameno longulu yOmwene womatanga ovakwaita eshi la fikikwa, otembeli i tungwe.

NUMERI 26:53

“Ovanhu ava nava tukulilwe edu, li ninge oitukulwafyuululo yavo pamuvalo womadina avo.

NUMERI 33:53

Ndele nye mu nokunangala edu nokukala mo, osheshi Ame nde mu pa edu olo li ninge leni.

1 OVAKORINTO 16:13

Kaleni oupafi, mwa pama meitavelo, ovalumenhwelela, mwa pamenena.

OVAEFESO 6:10

Ndele natango, ovamwatate, lipamekeni mOmwene nomeenghono domepangelonghono laye.

DEUTERONOMION 1:21

Taleni, Omwene Kalunga keni e mu pa oshilongo osho. Fikameni, shi nangaleni, Omwene Kalunga kooxo ngaashi e mu lombwela. Inamu tila, inamu limbililwa.’

DEUTERONOMION 1:8

Taleni, Ame ohandi mu pe edu olo. Indeni mu ke li nangale, edu olo Omwene e li udanekela neano ooxo Abraham naIsak naJakob, Ye e li va pe nomaludalo avo komesho yavo.’ ”

DEUTERONOMION 11:8

“Diinineni hano oipango aishe ei handi mu lombwele nena eli, opo mu kale mwa pama, mu ye moshilongo musho tamu i mu ke shi nangale,

DEUTERONOMION 31:23

Ndele Ye okwa lombwela Josua yaNun ndele ta ti: “Kala wa pama ndele nyatipala, osheshi ove oto ka twala ovana vaIsrael moshilongo nde shi va udanekela nokwaana; ndele Ame ohandi ka kala pamwe nanye.”

2 TIMOTEUS 2:1

Oove hano, omumwange, likolelela mefilonghenda eli li li muKristus Jesus;

JOSUA 1:18

Omulumenhu keshe ou ta anye elombwelo loye ndele ita dulika keendjovo doye moinima aishe ove to ke tu lombwela, ota ka fya. Kala ashike wa pama nokunyatipala.”

JOSUA 1:7

Kala ashike wa pama nokunyatipala ndele wanifa naanaa omhango aishe, Moses, omupiya wange, e i ku lombwela. Ino yapuka mo muyo nande okolulyo ile kolumosho, opo u kale u nelao keshe apa to i.

JOSUA 1:9

Ame inandi shi ku lombwela hamba: kala wa pama ndele nyatipala? Ino tila ndele ino haluka, osheshi Omwene Kalunga koye oku li naave keshe apa to i.”

JOSUA 10:25

Ndele Josua ta ti kuvo: “Inamu tila, inamu fya oumbada. Kaleni mwa pama mwa nyatipala, osheshi osho ngaha Omwene ota ka ningila ovatondadi veni aveshe ava nye tamu ka lwifa.”

JOSUA 13:6

Oonakukalamo aveshe vokeemhunda okudja kuLibanon fiyo okuMisrefot-Maim, Ovasidoni aveshe, Ame mwene ohandi ke va taataa komesho yovana vaIsrael. Edu lavo li tukulila Israel ngaashi efyuululo, ngaashi Ame nde ku lombwela.

JOSUA 18:3

Opo nee Josua ta lombwele ovana vaIsrael ndele ta ti: “Fiyo onaini tamu ongaonga ndele itamu nangala edu olo Omwene Kalunga kooxo e mu pa?

JOSUA 21:43

Osho ngaha hano Omwene okwa yandja kuIsrael edu alishe, Ye e li udanekelele ooxe nokwaana e li va pe. Ndele vo ove li nangala ndele va kala mo.

JOSUA 5:6

Osheshi ovana vaIsrael va endaenda mombuwa omido omilongo nhee, fiyo ovanhu aveshe, tashi ti, ovakwaita venya va dja muEgipiti, venya inava dulika kondaka yOmwene ova fya, ovo va anenwa kOmwene, nokutya ite ke va monifa edu olo Omwene a udanekela ooxe nokwaana, Ye e li tu pe, oshilongo tashi kunguluka omashini nomaadi eenyiki.

1 SAMUEL 4:9

Nye Ovafilisti, kaleni mwa nyatipala, kaleni ngaashi ovalumenhweelela, nye muha longele kaude Ovaheberi, ngaashi vo ve tu longela. Kaleni hano nokulwa ngaashi ovalumenhweelela!”