JONA 4:8 - Ombibeli Iyapuki

⁸ Ndele etango eshi la pita Omwene okwa pepifa omhepo ipyu yokoushilo. Netango tali xwike omutwe waJona, ndele ye okwa alama. Ndele ye e lihalela efyo ndele ta ti: “Okufya kwange ku dule okukala ndi nomwenyo.”

JONA 4:8 ပူးပေါင်းရင်းမြစ်များ

GENESIS 41:6

Ndele do oda shikulwa komitwe dimwe heyali doilya da twiyuka mo da feta da kukutikwa komhepo yokoushilo.

1 EEHAMBA 19:4

Ndelenee ye mwene okwa ya kombuwa ondjila yefiku limwe ndele ta kala omutumba momudile woshixwa sheno nokwe lihalela efyo, ndele ta ti: “Sha wana. Omwene, kufa omwenyo wange, osheshi ame ndihe dule ootate.”

1 EEHAMBA 21:4

Opo nee Ahab e uya keumbo laye e nomwenyo mwii nehandu omolwondjovo yaNabot, Omujisreel, oyo e i popya naye, nokutya: Ihandi dulu oku ku pa efyuululo lootate. Nokwa ka nangala mombete yaye, okwa pungulula oshipala shaye ndele ina lya omungome.

JOB 2:10

Ndelenee ye te mu nyamukula: “Ove to popi ngaashi elai tali popi! Fye ohatu tambula ouwa kuKalunga, nowii ngeno tuhe u tambule?” Pwaaishe oyo Job ina nyona sha nomilungu daye.

JOB 7:15

Onghee hano nda hoolola okupondwa, okufya ku dule oipongolo ei yange.

OMAPSALOME 121:6

etango opo lihe ku twile omutenya, ile ohani oufiku.

OMAPSALOME 39:9

Onda ponga, itandi makula okanya kange, osheshi Oove ou, we shi ninga.

OMUUDIFI 7:9

Ino endelela okulihandukifa nomwenyo woye, osheshi ehandu tali kala monhulo yelai.

EIMBILOELELA 1:6

Inamu tala nge eshi ndi laula, nda pya komutenya. Ovana ovamati vameme va handukila nge. Ova nangeka nge omunangeli woshikokola shomiviinyu, oshikokola shange mwene shomiviinyu inandi shi nangela.

JESAJA 49:10

Itava ka fya ondjala noitava ka fya enota, nomutenya womombuwa netango itali ke va xwika, osheshi Omufinghenda wavo ote ke va endifa ndele te ke va twala keefifiya domeva.

HESEKIEL 19:12

Ndelenee wa dudwa mo moupyuhandu, nowa dengwa poshi, nomhepo yokoushilo oya kukutifa oiimati yao. Oshitai sha pama, sha xwikwa po komundilo.

HOSEA 13:15

Efraim nande na kale nokwiima mokati kovamwoye, omhepo yokoushilo otai ke uya, omhepo yOmwene, tai di mofuka. Eefifiya daye tadi kukuta, neendungu daye tadi tene, noinima yaye aishe i nondilo tai tinhwa po.” Molwomatimba asho, Samaria tashi ka kala moudjuu, osheshi osha twa ondubo naKalunga kasho.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

JONA 1:17

Ndele Omwene okwa tuma oshi inene i pone Jona. Ndele Jona okwa li medimo loshi omafiku atatu nomaufiku atatu.

JONA 1:4

Ndelenee Omwene okwa pendula omhepo idjuu mefuta, noshikungulu shidjuu eshi sha tukuluka mefuta, konyala oskepa i teke.

JONA 4:3

Akutu Omwene, paife, kufe nge omwenyo wange, osheshi okufya kwange ku dule okukala ndi nomwenyo.”

JONA 4:9

Opo nee Kalunga ta ti kuJona: “Okuhanduka kwoye okwa yuka tuu, eshi wa handukila omuti warisin ou?” Ndele ye okwa nyamukula: “Heeno, okuhanduka kwange okwa yuka fiyo okufya.”

MATEUS 20:12

ndele tava ti: ‘Ava vaxuuninwa ova longa otundi imwe aike, ndele ove we va yeleka nafye ava twa humbata oudjuu womutenya noupyu.’

EHOLOLO 3:19

Aveshe ava ndi va hole, ohandi va handukile ndele handi va tekula nedengo. Kala hano nouladi ove u lidilulule.

EHOLOLO 7:16

Vo itava fi vali ondjala ile enota, netango nakeshe tuu oupyu itau va xwike vali,

1 SAMUEL 3:18

Ndele Samuel okwe mu hepaululila eendjovo adishe, ine mu holeka nande sha. Ndele ye ta ti: “Oye Omwene. Ye na ninge eshi tashi mu wapalele.”