JONA 3:4 - Ombibeli Iyapuki

⁴ Ndele Jona okwa ya moshilando ndele ta ende mo efiku limwe, ndele ta udifa, ta ti: “Omafiku omilongo ine aeke, opo Ninive tashi hanaunwa po!”

JONA 3:4 ပူးပေါင်းရင်းမြစ်များ

2 EEHAMBA 20:1

Pomafiku enya Hiskia okwa hangika koudu mudjuu wokufya. Nomuxunganeki Jesaja yaAmos, e uya kuye ndele te mu lombwele, ta ti: “Omwene ta ti: Lilongekida eumbo loye, osheshi oto ka fya, ndee ito kala nomwenyo.”

2 EEHAMBA 20:6

Ndele Ame ohandi ka wedela ko komido doye omido omulongo nanhano, ndele Ame ohandi ka xupifa ove noshilando eshi momake ohamba yaAsiria, ndele handi ka amena yo oshilando eshi omolwange nomolwomupiya wange David.’ ”

JESAJA 30:18

Ndele Omwene ota teelele a shiive oku mu fila onghenda, opo nee ota fikama e mu file olukeno, osheshi Omwene Oye Kalunga kouyuki. Ovanelao aveshe ava have mu teelele!

JEREMIA 42:10

‘Ngeenge otamu kala moshilongo eshi, Ame ohandi mu tungu, itandi mu ngumauna po, nohandi mu twike, itandi mu duda mo, osheshi Ame onde lialuluka kowii ou nde u mu monifa.

JONA 3:10

Ndele Kalunga okwa mona oilonga yavo, nokutya vo ova aluka kondjila yavo ii. Opo nee Kalunga e lialuluka komupya ou Ye e u tile e u va ningile, ndele Ye ine shi ninga.

MATEUS 12:41

“Ovalumenhu vaNinive otava ka nyumuka pamwe nepupi eli metokolo, ndele tave li pe etimba; osheshi ovo va li ve lidilulula keudifo laJona, ndele tala, ou e li apa oku dule Jona.

LUKAS 11:30

Osheshi ngaashi Jona a li edidiliko kOvaninive, osho nOmona wOmunhu ta kala edidiliko kepupi eli.

LUKAS 11:32

Ovalumenhu Ovaninive otava ka nyumuka efiku letokolo, nepupi eli, ndele tave li pe etimba, osheshi vo ove lidilululifwa keudifo laJona, ndele tala, ou e li apa, e dule Jona.

DEUTERONOMION 18:22

Tala, u kale u shi shii: omuxunganeki ngeenge ta popi medina lOmwene ndele eendjovo tadi wanifwa, do itadi ka twa, hano eendjovo odo, Omwene ine di popya. Omuxunganeki okwe di popya nokuhe nohoni, ino mu tila.