JONA 2:7 - Ombibeli Iyapuki

⁷ Omwenyo wange eshi we liumbilila mwaame, onda dimbulukwa Omwene neilikano lange la fika kwoove, motembeli yoye iyapuki.

JONA 2:7 ပူးပေါင်းရင်းမြစ်များ

2 OMAFIMBO 30:27

Opo nee ovapristeli nOvalevi va kala ofika ndele tava nangeke ovanhu noupuna. Nondaka yavo ya udika, nomaindilo avo a fika keumbo laye liyapuki lomeulu.

OMAPSALOME 11:4

Omwene oku li motembeli yaye iyapuki, Omwene ou, e nolukalwapangelo laye li li meulu; omesho aye taa tale, neemhafu daye tadi konenene oludalo lovanhu.

OMAPSALOME 142:3

Omhepo yange, nande nai notelwe meni lange, Ove ou shii nokuli, nhumbi ndi li. Mondjila ei handi ende, ova tela nge omiyo meholeko.

OMAPSALOME 143:5

Ohandi dimbulukwa omafimbo onalenale, oilonga yoye aishe ohandi i shipulula, ame ndi shipaashipe okulonga kwoye akushe.

OMAPSALOME 18:6

Moudjuu wange nda ifana Omwene, nda kuwila Kalunga kange onghuwo. Ye okwa uda ondaka yange motembeli yaye, nonghuwo yange ya fika momatwi aye.

OMAPSALOME 20:7

Oku na ovo have lineekele omatemba oita navamwe eenghambe; ndelenee fye hatu hepaulula edina lOmwene Kalunga ketu.

OMAPSALOME 22:14

Onda fa omeva a tilwashi, omakipa ange aeshe a damuka; omutima wange owa ninga ngaashi edi, wa dilukila meni lange.

OMAPSALOME 27:13

Iyaloo, ohandi itavele shili, nokutya handi ka mona ouwa wOmwene medu lovanamwenyo.

OMAPSALOME 42:11

Omwenyo wange, oshike wa polimana ngaha, ndele to nhukauka meni lange uhe na efudo? Teelela Kalunga! Osheshi natango tuu handi ke mu hambelela, Omuxupifi wange naKalunga kange.

OMAPSALOME 42:5

Omwenyo wange, oshike wa polimanena ngaha, ndele to nhukauka meni lange uhe na efudepo? Teelela Kalunga! Osheshi natango tuu handi ke mu hambelela, Omuxupifi wange

OMAPSALOME 43:5

Omwenyo wange, oshike wa polimana ngaha, ndele to nhukauka meni lange uhe na efudo? Teelela Kalunga! Osheshi natango tuu handi ke mu hambelela, Omuxupifi wange naKalunga kange.

OMAPSALOME 65:4

Omunelao ou, we mu hoolola, ndele oto itavele a ehene kwoove, ye a kale momikala doye, opo fye tu palulwe kouwa weumbo loye, mouyapuki wotembeli yoye.

JESAJA 38:17

Tala, oluhodi eli lidjuu ola ningila nge elao, Ove wa kala u hole omwenyo wange, Ove we u shila mo melambo lekano, osheshi Ove owa ekelashi omatimba ange aeshe konima yoye.

JESAJA 50:10

Olyelye womokati keni ha tila Omwene ndele ta udu ko ondaka yomupiya waye? Ou ta ende momilaulu noku he na eenhe douyelele, ne lineekele edina lOmwene, ye ne liameke kuKalunga.

JONA 2:4

Opo nee ame nda tya: Ame onda tewa po koshipala shoye. Nande ongaha ohandi ka tala vali otembeli yoye iyapuki.

MIKA 1:2

Oiwana aishe, pwilikineni! Edu ove nouyadi walo, didilika! Omwene Kalunga na kale ondobwedi yeni oku mu pa oushima, Omwene womotembeli yaye iyapuki.

HABAKUK 2:20

Ndelenee Omwene omo e li motembeli yaye iyapuki. Edu alishe, mwena koshipala shaKalunga!

OVAHEBERI 12:3

Dimbulukweni ou e lididimikila ondubo i fike apa yovalunde, muha loloke neemwenyo deni diha fye ounye.

1 SAMUEL 30:6

Ndele David okwa li moudjuu muhapu, osheshi ovakwaita va popya kutya na dipawe nomamanya. Osheshi eemwenyo dovakwaita aveshe da li di udite ouyehame, keshe umwe molwovana ovamati vaye noukadona vaye. Ndelenee David okwe lipameka mOmwene Kalunga kaye.