JONA 1:9 - Ombibeli Iyapuki

⁹ Ndele ye okwe va nyamukula, ta ti: “Aame Omuheberi, ndele handi tila Omwene Kalunga komeulu, ou a shita efuta nedu likukutu.”

JONA 1:9 ပူးပေါင်းရင်းမြစ်များ

GENESIS 1:10

Ndele Kalunga okwa luka oukukutu “edu”, ndele okwoongala kwomeva okwe ku luka “efuta”. Opo nee Kalunga e shi tala, sha wapala.

GENESIS 14:13

Ndele omunhu umwe a dja onhapo polwoodi, okwe uya oku shi hepaululila Abram, Omuheberi, a tula moshuundungila shomuMamre. Omunhu ou okwa li Omuamori, mumwaina waEskol naAner. Vo ova li va kwatafana naAbram.

GENESIS 24:7

Omwene Kalunga keulu, ou a kufa nge meumbo latate nomoshilongo omo nda dalelwa naau a popya naame nokwa anena nge neendjovo edi: ‘Oludalo loye ohandi ke li pa edu eli,’ ote ke ku tetekelifa omweengeli waye ndele ove ou na okweetela ko omumwange omwalikadi.

GENESIS 39:14

okwa ifana ovanhu vomeumbo ndele ta ti kuvo: “Taleni, ye okwe tu etela omulumenhu Omuheberi e tu dine. Ye okwe uya kwaame opo a nangale naame, ndele ame nda ingida pombada,

2 EEHAMBA 17:25

Ndele ovo va tula mo, eshi inava tila Omwene, Omwene a tuma eenghoshi mokati kavo, odo da dipaa po vamwe vomuvo.

2 EEHAMBA 17:28

Ndele umwe womovapristeli venya va kufwa mo muSamaria, e uya nokwa tula muBetel, ndele e va longa nhumbi ve nokutila Omwene.

ESRA 1:2

“Kores, ohamba yaPersia, tai ti ngaha: Omwene, Kalunga komeulu, okwa yandja mepangelo lange oilongo aishe yokombada yedu, nokwa lombwela nge ndi mu tungile ongulu muJerusalem osho shi li muJuda.

ESRA 5:11

ndele vo ove tu pa enyamukulo eli ndele tava ti: ‘Fye ovapiya vaKalunga komeulu nokopedu, ndele hatu tungulula ongulu inya ya tungwa momido donale, oyo ya tungwa kohamba inene yaIsrael, ndele ye i shakenifa.

NEHEMIA 1:4

Ndele eshi nda uda eendjovo edi, ame nda kala omutumba nokulila ndele nda nyika oluhodi omafiku mahapu. Ndele nde lidilika nonda indila koshipala shaKalunga komeulu,

NEHEMIA 2:4

Opo nee ohamba tai pula nge: “Ove wa hala shike hano?” Ndele ame nda indila Kalunga komeulu

NEHEMIA 9:6

Esra okwa ti: “Oove auke Omwene, Ove wa ninga eulu, eulu lopombadelela neengudi dalo adishe, nedu naaishe i li ko, nefuta naaishe i li mo, naaishe oyo Ove to i diinine i kale nomwenyo, nomatanga omeulu tae linyongamene koshipala shoye.

JOB 1:9

Ndele Satana ta nyamukula Omwene ndele ta ti: “U shii Job ota tila Kalunga ongaho?

OMAPSALOME 136:26

Panduleni Kalunga komeulu! Osheshi alushe ouwanghenda waye tau kala po.

EXODUS 1:15

Nohamba yaEgipiti ya lombwela ovadalifi Ovaheberi, umwe, edina laye Sifra nolamukwao Pua,

EXODUS 2:13

Mefiku lomongula ye okwa ya ko vali, ndele pa li ovalumenhu vavali Ovaheberi va dengafana. Opo nee ye a pula kwaau e noushima: “Oshike to dengele omukweni?”

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

HOSEA 3:5

Opo nee ovana vaIsrael tava ka aluka, ndele tava kongo Omwene Kalunga kavo naDavid, ohamba yavo. Ndele tave ke uya nokukakama tava ehene kOmwene nokouwa waye pexulilo lomafiku.

OILONGA YOVAYAPOSTOLI 14:15

tava ti: “Ovalumenhu nye, oshike tamu ningile ngaha? Nafye yo ovanhu ngaashi nye, ndele hatu mu udifile evaengeli, opo mu lidilulule, nye mu efe oikalunga ei yongaho, nye mu alukile kuKalunga omunamwenyo ou a shita eulu nedu, nefuta nakeshe eshi shi li mo.

OILONGA YOVAYAPOSTOLI 27:23

Osheshi oufiku wonena pwaame opa li omweengeli waKalunga ou e kwete nge, naau handi mu kalele yo,

OVAFILIPPI 3:5

Ame ou nda pitifwa etanda mefiku etihetatu, aame womoludi laIsrael, womapata aBenjamin, Omuheberi womOvaheberi, pamhango Omufarisai,

EHOLOLO 11:13

Ndele mokafimbo tuu aka opa ningwa ekakamo linene ledu. Noshitimulongo shoshilando osha teka po, novanhu omayovi aheyali va fila mekakamo eli ledu, ndelenee vakwao ova haluka ndele tava fimaneke Kalunga komeulu.

EHOLOLO 15:4

Olyelye ou ite ku tila, Omwene, ndele ita fimaneke edina loye? Osheshi Oove auke omuyapuki; osheshi oiwana aishe otai uya ndele tai ku linyongamene, osheshi omatokolo oye omayuki a holoka.”

EHOLOLO 16:11

ndele va sheka Kalunga komeulu, ve mu sheka molwouyehame wavo nomolwoitumba yavo, ndele vo inave lidilulula koilonga yavo.