JONA 1:4 - Ombibeli Iyapuki

⁴ Ndelenee Omwene okwa pendula omhepo idjuu mefuta, noshikungulu shidjuu eshi sha tukuluka mefuta, konyala oskepa i teke.

JONA 1:4 ပူးပေါင်းရင်းမြစ်များ

OMAPSALOME 135:6

Omwene oha wanifa ashishe, eshi a hala meulu nokombada yedu, momafuta nomomaule aeshe ao.

OMAPSALOME 135:7

Oye tuu ou, ta tumbifa oilemo keengaba dedu, ndele ta holokifa omaluvadi mokuloka kwodula, ndele ta pitifa mo omhepo momalimba ayo.

OMAPSALOME 148:8

onye omundilo neemhawe, oshihemime noshitwime, noshikungulu, onye ava hamu wanifa elombwelo laye,

EXODUS 10:13

NaMoses okwa yelula onhaili yaye kombada yedu laEgipiti, nOmwene okwa pepifa omhepo yokoushilo moshilongo omutenya aushe noufiku aushe. Ongula eshi kwa sha omhepo yokoushilo ya eta oshipaxu.

EXODUS 10:19

Opo nee Omwene okwa pepifa po omhepo idjuu yokouninginino i shakene naikwao, yo oya kufa po oshipaxu noye shi undulila mEfuta Litilyana. Moshilongo ashishe shaEgipiti inapa fyaala nande oshipaxu shimwe.

EXODUS 14:21

Opo nee Moses okwa yelula eke laye kombada yefuta, nOmwene okwa pepifa omhepo idjuu yokoushilo oufiku aushe nokwa pwiininika efuta. Efuta la ninga edu likukutu nomeva e litukuka.

EXODUS 15:10

Omufudo woye we u fudila mo, efuta le va tuvika. Ngaashi oshumbu vo ova ningina mo momeva manene.

JEREMIA 51:16

Nge ta ndunduma, oshihomo shomeva otashi udika keulu, ndele Ye ota menifa oilemo yokominghulo dedu, ta shelifa omaluvadi, ndele ta eta po odula, ndele ta pepifa mo omhepo momalimba ayo.

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

NUMERI 11:31

Opo nee omhepo ya tumwa kOmwene, ya hovela okupepa ndele yo oya undaula oimote kombinga yokefuta ndele ye i fininika okuya monhanda ndele ya kala ya halakanifwa keembinga adishe ngeno okweenda ku fike pefiku limwe, fike pomaludimbo avali kombada yedu.