JOHANNES 19:2 - Ombibeli Iyapuki

² Ovakwaita ova tunga oshidingo shoshitai shomakiya, ndele tave shi mu dike komutwe waye, ndele tave mu dike oshikutu shitilyana.

JOHANNES 19:2 ပူးပေါင်းရင်းမြစ်များ

OMAPSALOME 22:6

Ndelenee ame ondi li oshilikoki shongaho nghi fi omunhu, nda ninga oshiyolifa kovanhu, nda dinika kuvo.

JESAJA 49:7

Omwene Omukulili waIsrael, Omuyapuki waye ota lombwele ou a dinwa shili, ou a tondwa kovanhu, ou omupiya wovapangeli: “Eehamba otadi ke shi mona, ndele tadi kala ofika, novapangeli otave ke linyongamena omolwOmwene ou omudiinini,” omolwOmuyapuki waIsrael, ou e ku hoolola.

JESAJA 53:3

Ye okwa li a dinika, okwa li a efiwa kovanhu, omulumenhu womaluhodi nomwiiki wouyehame, heeno, ngaashi umwe molwaye aveshe ova uvika oipala yavo, vehe mu tale; Ye omudinwa ndele Ye otwe mu tala a fa oshinima shongaho.

LUKAS 23:11

Ndele Herodes pamwe novanhu vaye, ove mu dina noku mu sheka, ndele eshi ve mu djaleka oshikutu tashi vema, okwe mu shunifa kuPilatus.

JOHANNES 19:5

Ndele Jesus okwa pita mo, a dikwa oshidingo shomakiya, noshikutu shitilyana. Ndele Pilatus ta ti kuvo: “Taleni omunhu.”