JOEL 3:8 - Ombibeli Iyapuki

⁸ Ndele ovana veni ovamati noukadona Ame ohandi ke va landifa kovana vomuJuda, ndele vo otave ke va landifa po kOvasaba, oshiwana shi li kokule. Osheshi Omwene e shi tya.

JOEL 3:8 ပူးပေါင်းရင်းမြစ်များ

JOB 1:15

Ovasaba va homona ndele ve di kwata, ndele va dipaa neongamukonda ovapiya. Aame andike nda xupa po ndi shi ku shiivifile.”

OMAPSALOME 72:10

Eehamba domuTarsis nodomoilongo yokomunghulo wefuta nadi i etele omilongelo. Eehamba daSheba naSeba otadi kungudwa.

JESAJA 60:14

Ndele ovana ovamati vovahepeki voye, otave ke uya kwoove tava ende va petama, naaveshe ava ve ku dina otava wile eombe keemhadi doye, ndele tave ku ifana: “Sion, oshilando shOmwene shOmuyapuki waIsrael!”

JEREMIA 30:16

“Onghee hano aveshe ava tave ku li, otava ka liwa po, naaveshe ava tave ku hepeke, otava ka ya moukwatwa, naava ve ku nyeka, navo yo otava ka nyekwa, naaveshe ve ku hakana ohandi ke va yandja oshihakanwa.

JEREMIA 6:20

Hano etwimino loimbodi tali di kuSheba, otali kwafa nge shike, nolumbungu lakalmus tali di koilongo yokokule? Omaxwikiloyambo eni inandi a hokwa nomatomenoyambo eni inaa wapalela nge.

HESEKIEL 23:42

Ndele meni mwa udika oshihomo sheweelelo shongudu ihe na oshisho. Mongudu ei yovalumenhu, va kufwa moshiongalele shovanhu, mwa etelwa mo vali ovafinyuni, va ka talwa mo mofuka. Vo ova tula momaoko ovakainhu oivela noikoroni ya wapalela komitwe davo.

HESEKIEL 38:13

Sheba naDedan novalandifi vomuTarsis neenghoshi adishe eenyasha otadi ti kwoove: ‘Ove to uya okuhakana? Ove we uya neemhunga u tinhe oinima? Okukufa po oshingoldo noshisiliveli, u kufe po oimuna noinima, u mone oshihakanwa shinene?’ ”

DEUTERONOMION 32:30

Umwe ta dulu ngahelipi okutaataa eyovi ndele vavali okutaataa omayovi omulongo, ongeenge emanya lavo inali va landifa po nOmwene ngeenge ine va efa po.

OVATOKOLIPANGELI 2:14

ehandu lOmwene ola xwamena Ovaisraeli ndele Ye e va efela momake ovahanauni, ava ve va lwa. Ndele Ye okwe va landifa po momake ovatondadi vavo ve va dingilila, onghee hano va nyengwa okulipopila moipafi yovatondadi vavo.

OVATOKOLIPANGELI 4:2

Onghee hano Omwene e va landifa po momake aJabin, ohamba yOvakaanan, ya pangela muHasor. Nondjai yayo oya li Sisera onakukalamo muHaroset shovapaani.

OVATOKOLIPANGELI 4:9

Opo nee ye ta ti: “Oshili, ame ohandi ka ya naave, ndelenee efimano itali ka ninga loye mondjila oyo to ende nayo. Osheshi Omwene ota ka landifa po Sisera meke lomwalikadi.” Ndele Debora okwa fikama nokwa ya pamwe naBarak kuKedes.