JOEL 3:5 - Ombibeli Iyapuki

⁵ Osheshi onye omwa kufa oshisiliveli noshingoldo shange, mwa twala oinima yange ya wapala meetembeli deni.

JOEL 3:5 ပူးပေါင်းရင်းမြစ်များ

2 EEHAMBA 12:18

Opo nee Joas, ohamba yaJuda, ya kufa eeshali adishe diyapuki odo da yapulwa kooxe Josafat naJehoram naAhasia, eehamba daJuda, pamwe neeshali daye mwene noshingoldo ashishe osho sha monika momalimba emona lohamba ndele te di tumine Hasael, ohamba yaAram. Opo nee winya a dja po puJerusalem.

2 EEHAMBA 16:8

Ndele Ahas okwa kufa oshisiliveli noshingoldo osho sha monika mongulu yOmwene nomomalimba emona ongulu yohamba, ndele e shi tuma omulongelo kohamba yaAsiria.

2 EEHAMBA 24:13

Ndele yo oya kufa mo omamona aeshe omotembeli yOmwene nomamona omongulu yohamba. Ndele ya teta oingoldo yomoinima ya ningwa kuSalomo, ohamba yaIsrael, motembeli yOmwene, ngaashi Omwene a tongele.

JESAJA 11:11

Nomefiku tuu olo Omwene ota ka twalulula eke laye lutivali a kulile ovanhu vaye ovo va fyaala muAsiria nomuEgipiti nomuPatros nomuEtiopia nomuElam nomuSinear nomuHamat nomeenhunhu adishe defuta.

JEREMIA 23:7

“Onghee hano taleni, omafiku otae uya, Omwene ta ti, ovo itava ka tya vali: ‘Oshili, ngaashi Omwene e nomwenyo, ou a tembula mo ovana vaIsrael medu laEgipiti,’

JEREMIA 50:28

Pwilikina, ovainhapo noonakufaduka po tava di moshilongo shaBabilon, tave uya kuSion va shiivifile onghone yOmwene, Kalunga ketu, heeno, onghone omolwotembeli yaye.

JEREMIA 51:11

Upikeni oikuti! Kwateni oikelelifo! Omwene okwa pendula omhepo yeehamba domuMedia. Osheshi Ye okwa diladila a hanaune po Babilon. Osheshi eshi onghone yOmwene, e shi handukilila otembeli yaye.

HESEKIEL 37:12

Onghee hano, xunganeka u va lombwele: Omwene Kalunga ta ti ngaha: Taleni, Ame ohandi ka lafulula eembila deni, ndele handi ke mu kufa mo meembila deni, akutu oshiwana shange, ndele Ame ohandi mu eta moshilongo shaIsrael.

DANIEL 11:38

Ndelenee ponhele yavo yo otai ka fimaneka kalunga keehote domalwoodi, ndelenee kalunga ou, ina shiivika kooxe, oyo tai ka fimanekifa noshingoldo noshisiliveli nokawe noinima youpuna.

OBADJA 1:17

Komhunda yaSion taku ka kala exupifo, ndele otai ka ninga onhele iyapuki, neumbo laJakob tali ka fyuulula efyuululo lalo.