JOEL 3:11 - Ombibeli Iyapuki

¹¹ Endeleleni, ileni! Onye oiwana aishe yokeembinga adishe. Ndele ongaleni!” Omwene, ovaladi vaye nava kuluke ko.

JOEL 3:11 ပူးပေါင်းရင်းမြစ်များ

OMAPSALOME 103:20

Ovaengeli vaye nye, hambeleleni Omwene, ovaladi ovanaenghono nye, oonakuwanifa ondaka yaye, ava hamu dulika kelombwelo leendjovo daye!

JESAJA 10:34

Ndele ta ke po omufitu nomuulu nekuva, nomuulu waLibanon otau kewa po kOmunaenghono.

JESAJA 13:3

Ame mwene onda lombwela ovayapulwa vange, nda ifana ovaladi vange va wanife oshilonga shehandu lange ovalinenepeki mefimano lange, ava hava hafe pombada.

JESAJA 37:36

Opo nee omweengeli wOmwene okwa ya ko ndele ta dipaele meenhanda daAsiria ovalumenhu omayovi efele nomafele omilongo hetatu naatano. Nongula eshi kwa sha, aveshe ova li oimhu ihe na omwenyo.

JOEL 3:2

ohandi ka ongela oiwana aishe nohandi i twala mefilu laJosafat (tashi ti: Omwene ta tokola), nde i tokolele kwinya omolwaIsrael, oshiwana shange nefyuululo lange. Osheshi ovo ve shi halakanifila moiwana ndele ve litaulila edu lange.

MIKA 4:12

Ndelenee vehe shii omadiladilo Omwene novehe udite omanunino aye, nokutya Ye ote ke va ongela kumwe ngaashi oilya tai ongelwa poshipale.

SEFANIA 3:8

Osho hano teeleleni nge, Omwene osho ta ti, fiyo okefiku olo Ame handi fikama ndi hakane oshihakanwa. Osheshi etokolo lange oleli, ndi ongele oiwana nokukombelela oilongo, opo ndi tileshi kombada yavo oupyuhandu wange, ehanyo alishe lehandu lange. Osheshi edu alishe tali ka pya komundilo wehandu lange.

2 OVATESSALONIKI 1:7

noku mu pa, onye tuu ava mwa hepekwa, etulumuko pamwe nafye omokuholoka kwOmwene Jesus, fiku ta di meulu pamwe novaengeli vaye ovanaenghono,

EHOLOLO 19:14

Nomatanga ovakwaita vomeulu e mu shikula, va londa eenghambe ditoka, va djala oikutu yoliina itoka ya yela.