JOEL 2:31 - Ombibeli Iyapuki

³¹ Etango otali ka shituka omilaulu nohani ohonde fimbo efiku linene nolitilifa lOmwene inali fika.

JOEL 2:31 ပူးပေါင်းရင်းမြစ်များ

JEREMIA 4:28

Onghee edu tali ka nyika oufiye, neulu pombada otali ka laula, osheshi Ame nda popya, nda tokola, nosho nde shi hala itandi shi efa.

HESEKIEL 32:7

Ndele Ame ngeenge handi ku dimi po, ohandi ka uvika eulu nokulaulika eenyofi dalo. Ame ohandi ka uvika etango noilemo, nohani itai ka yela vali.

JOEL 2:1

Shikeni enghuma muSion! Kuwileni onghuwo komhunda yange iyapuki! Oonakukalamo moshilongo nava kale nokukakama, osheshi efiku lOmwene tali uya. Heeno, Ye oku li popepi.

JOEL 2:10

Moipafi yavo edu otali kakama neulu otali linyengaanyenga. Etango nohani otai ka laula neenyofi itadi yela vali.

JOEL 2:11

Ndele Omwene ota ngungumifa ondaka yaye komesho yoita yaye. Osheshi oita yaye oinene unene, nosheshi omuwanifi wondjovo yaye omunaenghono. Osheshi efiku lOmwene olo linene nokutilika unene. Ndele olyelye ta dulu okukala po?

JOEL 2:2

Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

JOEL 3:1

“Osheshi tala, pomafiku tuu enya nomefimbo tuu linya, ngeenge handi lundulula okukala kwaJuda nokwaJerusalem,

JOEL 3:15

Etango nohani otai ka laula neenyofi itadi ka yela vali.

SAKARIA 14:6

Ndele mefiku tuu olo eluwa itali tende vali; neenyofi tadi ka laula.

MALAKIA 4:1

Tala, osheshi efiku tali uya, ndele tali xwama ngaashi ediko. Opo ovashishimani aveshe, naaveshe ava hava longo owii, tava ka ninga oihati. Mefiku olo tali uya, tali ke va lungwinifa po, Omwene womatanga ovakwaita ta ti. Opo muvo itamu fyaala nande omudi ile oshitai.

MALAKIA 4:5

Taleni, Ame handi tumu kunye omuxunganeki Elia, fimbo efiku olo linene nolitilifa lOmwene inali uya.

MATEUS 24:29

“Ndele oudjuu womafiku oo otau shikulwa diva kelauliko letango, nohani itai yela vali, neenyofi otadi u meulu, neenghono domeulu otadi kakamifwa.

MATEUS 27:45

Ndele potundi onhihamano opa ninga omilaulu moshilongo ashishe, fiyo opotundi onhimugoi.

LUKAS 21:25

“Nomadidiliko taa ka monika metango nomohani nomeenyofi, noiwana yokombada yedu tai pangelwa koutile noihe neteelelo lasha omolwengungumo lefuta nolomakufikufi alo.

OILONGA YOVAYAPOSTOLI 2:20

Etango otali shituka omilaulu, ohani ohonde, efiku olo linene lOmwene la fimana fimbo inali fika.

EHOLOLO 8:12

Ndele omweengeli omutine okwa shika enghuma, opo nee oshititatu shetango noshititatu shohani noshititatu sheenyofi osha dengwa, oshititatu shado opo sha laulikwa, noshititatu shomutenya inashi yela vali, noufiku osho yo.