JOEL 2:3 - Ombibeli Iyapuki

³ Komesho yasho otaku ende omundilo tau lungwinifa, ndele konima yasho omutemo tau xwike. Ngaashi epya laEden, edu la kala koshipala shasho, ndelenee konima yasho edu ombuwa yongaho. Ndele kape na umwe ta xupu po.

JOEL 2:3 ပူးပေါင်းရင်းမြစ်များ

GENESIS 13:10

Opo nee Lot okwa yelula omesho aye ndele ta mono kutya olufilu alishe lokuJordan oli na omeva mahapu. Pefimbo opo Omwene ina hanauna po manga Sodom naGomorra, lo la li kombinga yaSoar ngaashi oshikunino shOmwene, ngaashi edu laEgipiti.

GENESIS 2:8

Omwene Kalunga okwa twika oshikunino muEden, moushilo, omo Ye a yandja onhele, komunhu ou a ma.

OMAPSALOME 50:3

Kalunga ketu ote uya, Ye ita mwena; omundilo wokulungwinifa po, otau mu pitile komesho, nokafudaela kanene otake mu dingilile.

OMAPSALOME 97:3

Omundilo otau tetekelele oshipala shaye, ndele tau lungwinifa po ovatondi vaye keembinga adishe.

EXODUS 10:15

Ndele sho osha tuvika edu alishe loshilongo, nedu la li la twima. Ndele sho osha lya oimeno aishe noiimati yokomiti ei ya xupa keemhawe. Moshilongo ashishe shaEgipiti inapa fyaala vali nande sha shitalala sha kala komiti ile koimeno yomomapya.

EXODUS 10:5

ndele sho otashi ka tuvika edu alishe loshilongo, omunhu opo a nyengwe okumona edu. Ndele sho otashi ka lya eshi sha xupa she mu xupifilwa po keemhawe. Nomiti adishe di li momufitu otashi ke di lya.

JESAJA 14:17

Oye tuu ou a ninga ounyuni aushe omaputu noilando yao okwe i hanauna po, novakwatwa ine va shuna komaumbo avo?’

JESAJA 15:6

Omeva omuNimrim otaa ningi ombuwa, heeno, nomwiidi owa kukuta, nombidi oya fya, kape na nande oshimeno shitalala.

JESAJA 33:4

Opo nee oihakanwaliko yeni otai toolwa ngaashi oipaxu hai toolwa nongaashi oshapapa hashi nhukaanhuka, osho tai tondokelwa.

JESAJA 51:3

Osheshi Omwene ota hekeleke Sion ndele ta hekeleke omakulukuma aeshe asho, ombuwa yasho ote i shitukifa ngaashi Eden nofuka yasho oshikunino shOmwene; omo hamu kala enyakuko nehafo, ehambelelo noshihomo shomaimbilo.

JESAJA 9:18

Osheshi oudinikalunga owa xwama ngaashi omundilo tau lungwinike po omano neeshosholo, owa xwameka ofuka nongoya, opo tai i pombada ngaashi okalungululu komwifi.

JESAJA 9:19

Edu ola xwama omolwoupyuhandu wOmwene womatanga ovakwaita, novanhu va ninga oikulya yomundilo, ndele vo itava filafana onghenda.

JEREMIA 5:17

Ndele otava ka lya po eteyo loye nomungome woye, tava ka lya po ovamwoye ovamati noukadona, tava ka lya po oikombo yoye neengobe doye, tava ka lya po omuviinyu woye nomukwiyu woye, tava ka teya po oilandohote yoye ya pama we i lineekela, tai hanaunwa po keongamukonda.

HESEKIEL 36:35

ndele vo otava ka tya: ‘Oshilongo eshi sha li sha tokekwa, osha ninga ngaashi oshikunino shaEden. Noilando ya ngumunwa po ya li ngaho ya hanaunwa po, oya pamekwa noi novanhu.’

AMOS 7:4

Omwene Kalunga okwa ulikila nge eshi, tala: Omwene Kalunga okwa ifana omundilo u wanife etokolo, ndele oo wa pwininika ekungulukilo linene lomeva, ndele wa lungwinifa po omapya.

HABAKUK 1:6

Osheshi tala, ohandi ka pendula Ovakaldea, oshiwana osho shidjuu shihe nolukeno, tashi taulula oumbwalangadja wedu, ndele tashi nyeka eenhele deenghalelo dihe fi dasho.

SAKARIA 7:14

Ndelenee Ame ohandi ke va pepa po nomhepo inene noku ve lihanifila noiwana aishe ei inai shiivika kuvo, fimbo oshilongo tashi ningi eputu konima yavo, paha kale vali ou te uya mo ile ou ta piti mo. Osho ngaha oshilongo shiwa sha wapala, ovo ve shi ninga ofuka.”