JOEL 2:26 - Ombibeli Iyapuki

²⁶ Opo nye tamu ka lya nawa, ndele tamu kuta nokuhambelela edina lOmwene Kalunga keni, Oye ou, e mu longela oikumwifa. Noshiwana shange itashi ka fifwa vali ohoni fiyo alushe.

JOEL 2:26 ပူးပေါင်းရင်းမြစ်များ

GENESIS 33:11

Hano tambula omilongelo wa etelwa, osheshi Kalunga okwa punika nge, ame nda wana, nda wanenena pombada.” Ndele okwe mu fininika fiyo ye te di tambula.

NEHEMIA 9:25

Ndele va nangala oilando i neehotekuma nedu liwa, nova tinha eengulu di yadi oinima iwa i lili nai lili, eendungu da pandwa memanya, oikokola yomiviinyu nomiti domalumono nomiti dihapu doiimati. Ova lya ndele va kuta ndele va ondoka nova kala ve noshishipo omolwouwa woye munene.

OMAPSALOME 103:5

Oye tuu, ota wanifa omahalelo oye nouwa waye, opo u alulilwe ounyasha woye ngaashi ounyasha wonhwa.

OMAPSALOME 116:7

Omwenyo wange, alukila ketulumuko loye, osheshi Omwene e ku ninga nawa.

OMAPSALOME 13:6

Ame ohandi imbile Omwene, osheshi Ye a ningila nge ouwa.

OMAPSALOME 22:26

Ovanambili tava ka lya va kute; naava tava kongo Omwene, tave mu hambelele. Omitima deni nadi kale nomwenyo fiyo alushe.

OMAPSALOME 37:19

Itava fifwa ohoni mefimbo lii, nomomafiku ondjala otava kutifwa.

OMAPSALOME 67:5

Kalunga, oiwana yoilongo oi noku ku fimaneka, oiwana aishe kumwe yoilongo nai ku fimaneke.

OMAPSALOME 72:18

Kalunga Omwene, Kalunga kaIsrael na fimanekwe, ou ha longo oikumwifalonga, Ye aeke!

OMAYELETUMBULO 13:25

Omuyuki ta li fiyo a kuta. Ndelenee edimo lomuhenakalunga tali hepekwa keemhumbwe.

EIMBILOELELA 5:1

Omuvaleki: omumwameme, omuvalekwa wange, ame ohandi uya moshikunino shange, ohandi kola omirha yange nabalsam yange. Naame ohandi li eshila lange nomaadi ange eenyiki. Ohandi nu omaviinyu ange nomashini ange. Omuvalekwa: Ookaume, lyeni, nweni nye mu kolwe kohole!

JESAJA 25:1

Omwene, Oove Kalunga kange! Ame ohandi ku fimaneke; edina loye handi li hambelele. Osheshi Ove wa longa oikumwifa, eemhangela doye domafiku onale odo oshili noudiinini.

JESAJA 29:22

Onghee hano Omwene ou a kulila Abraham ota lombwele eumbo laJakob ta ti ngaha: “Jakob ita ka fifwa vali ohoni, noshipala shaye itashi ka pemba vali,

JESAJA 45:17

Ndele Israel ota ka xupifwa kOmwene nexupifo laalushe, nye itamu fifwa ohoni nokudinika fiyo alushe.”

JESAJA 49:23

Ndele eehamba otadi ningi ovayakuli voye, ovapangeli ovambada vavo otave ke va nyamifa. Otave linyongamene koshipala shoye, ndele tava lafa ondwi keemhadi doye. Ove to ka shiiva nge, Aame Omwene, ndele ava tava teelele nge, itava fifwa ohoni.

JESAJA 54:4

Ino kala wa tila, osheshi ito ka fifwa ohoni; ino tila nande okulengwa, osheshi ito ka fifwa ohoni; ino tila nande okulengwa, osheshi ito ka kwatwa kelungi. Osheshi odino yomounyasha woye oto ke i dimbwa, okudinwa kwoufiyekadi woye ito ku dimbulukwa vali.

JESAJA 55:2

Oshike tamu yandje oimaliwa apa pehe na eendja? Neliko loilonga yeni tamu li yandjele oinima ihai kutifa? Pwilikinei nge hano, nye mu lye ounyenye, neemwenyo deni nadi hepuluke pomaadi.

LEVITIKUS 25:19

Nedu tali mu pe oiimati yalo, ndele nye otamu ka kuta nokukala nombili mulo.

LEVITIKUS 26:26

Ame ngeenge handi kufa po ekwafelo lomungome, ovalikadi tava ka teleka omungome weni moshikololo shefiya limwe noku mu alulila omungome weni pashiyelekifo. Ndele nye otamu ka lya ndelenee itamu ka kuta.

LEVITIKUS 26:5

Nefimbo lokuxwa tali xulile pekolo leeviinyu, nekolo leeviinyu tali fiki fiyo okefimbo lokukuna, ndele tamu ka lya omungome weni wa wana, ndele tamu ka kala nawa muhe nombudi medu leni.

MIKA 6:14

Ove to ka lya, ndelenee ito ka kuta. Ondjala yoye otai kala noku ku kama. Eshi to i nasho, ove ito dulu oku shi xupifa, naashi to xupifa, ohandi ke shi yandja keongamukonda.

SEFANIA 3:11

Mefiku tuu olo, ove ito shiiva vali okufya ohoni molwoilonga yoye aishe wa nyona nayo kwaame. Osheshi Ame ohandi ka kufa mo mokati koye ovalinenepeki voye novanyakukwi voye, opo uha kale vali nokulinenepeka komhunda yange iyapuki.

SAKARIA 9:15

Omwene womatanga ovakwaita ote va amene, ndele vo otava ka findana, ndele otava ka lyata omamanya ovaumbi. Otava nu ohonde yavo ngaashi omaviinyu, nove yadi ngaashi oiyuma yeyambo, ngaashi eekolonela doaltari.

SAKARIA 9:17

Osheshi ounene wouwa wavo u fike peni! Nounene wewapalo lavo u fike peni! Oilya tai kulifa ovamati, nomaviinyu ahawiishu taa kulifa oukadona.

OVAROMA 10:11

Osheshi omushangwa otau ti: “Keshe ou te mu itavele, ita ka fifwa ohoni.”

OVAROMA 5:5

ndele eteelelo itali fifa ohoni, osheshi ohole yaKalunga oya tililwa momitima detu mOmhepo Iyapuki twe mu pewa.

OVAROMA 9:33

Ngaashi pa shangwa: “Tala, ohandi dikile muSion emanya lokupuma nemanya lokupundula, ndele keshe ou te mu itavele, ita ka fifwa ohoni.”

DEUTERONOMION 11:15

Ndele Ame ohandi ka yandja koimuna yeni omwiidi womoixwa, ndele tamu ka lya nokukuta.

DEUTERONOMION 12:12

Ndele kaleni nokunyakukwa koshipala shOmwene Kalunga keni, nye vene novana veni ovamati novana veni oukadona, novapika veni ovalumenhu novakainhu nOmulevi ou ta kala peenhu deni, osheshi ye ke na oshitukulwafyuululwa pamwe nanye.

DEUTERONOMION 12:18

Ndelenee u noku a lya koshipala shOmwene Kalunga koye monhele oyo Omwene Kalunga koye ta ka hoolola, onye vene nomona woye omumati nokakadona nomupika woye omulumenhu nomukainhu nOmulevi ou e li peenhu doye. Ndele kala wa nyakukwa koshipala shOmwene Kalunga koye omolwaashishe eshi omake oye a konga.

DEUTERONOMION 12:7

Ndele oko nee oko koshipala shOmwene Kalunga keni, mu nokulya nokunyakukwa nye vene nomaumbo eni molwaashishe eshi omake eni e mu etela nomolwaashi Omwene Kalunga keni e mu nangeka noupuna.

DEUTERONOMION 8:10

Ove oto ka lya nokukuta ndele to ka hambelela Omwene Kalunga koye omolwedu liwa Ye e li ku pa.

1 TIMOTEUS 6:17

Oipuna yomounyuni ou va kumaida, vehe linenepeke, navali vaha tule elineekelo lavo moupuna kau fi okulineekelwa, ndelenee nave lineekele Kalunga omunamwenyo, ou he tu pe pauyadi aishe yoku tu hafifa,

1 JOHANNES 2:28

Ndele paife ovamwange, kaleni muye, opo fiku ta holoka, fye tu kale neyombamo, tuha fifwe ohoni nokutewa po kuye omokwaaluka kwaye.