JOEL 2:23 - Ombibeli Iyapuki

²³ Nanye ovana vaSion, nyakukweni, nye mu kuwilile mOmwene Kalunga keni. Osheshi ote mu pe odula yonhemuna pauyuki waye. Ote mu tumine odula yonhemuna noyokulombo.

JOEL 2:23 ပူးပေါင်းရင်းမြစ်များ

1 EEHAMBA 8:36

va uda meulu u dime omatimba ohamba naa ovanhu voye Ovaisraeli, Ove u va longe eshi sha yuka, ndele Omwene, tuma odula koshilongo eshi shoye we shi pa ovanhu voye va kale mo alushelushe.

JOB 33:23

Ngeenge pefimbo olo omweengeli ngeenge a ama kuye, omunghwandjila umwe womomayovi okushiivifila omunhu oshinakuwanifwa shaye,

JOB 37:13

Ye ote di tumu ko ngeenge okuhandukila edu ile oku li kwafa, ile oku li nangeka noupuna.

OMAPSALOME 104:34

Eshipululo lange nali mu wapalele. Ohandi hafele mOmwene.

OMAPSALOME 147:8

Oye tuu ou, ta eta keulu oilemo, ndele ta lokifile edu, ota twiyukifa omwiidi keemhunda,

OMAPSALOME 149:2

Israel na hafele omushiti waye, ovana vaSion nava nyakukilwe ohamba yavo.

OMAPSALOME 28:7

Omwene Oye omupameki wange noshikelelifo shange; Oye nde lineekela momutima wange nonda mona ekwafo. Osho nee sha nyakula omutima wange, nohandi mu pandula neimbilo lange.

OMAPSALOME 32:11

Ovayuki nye, hafeleni mOmwene, nye kalukeni eenghalu, nyakukweni pombada, amushe nye ovayuki momutima.

OMAPSALOME 84:6

Mokweenda molufilu lomahodi otave li shitukifa eefifiya, nodula yonhemuna otai li yadifa omanangeko noupuna.

OMAYELETUMBULO 16:15

Mouyelele woshipala shohamba omu nomwenyo, nokuhokwa kwayo okwo ngaashi oshilemo shodula mokwenye.

JESAJA 30:21

ndele fiku mwa hala okwaama kolulyo ile kolumosho, omatwi eni otaa ka uda ondjovo ei tai di konima yeni, tai ti: “Apa ondjila, ei mu nokweenda nayo!”

JESAJA 30:23

Opo nee eembuto doye we di kuna mepya loye ote ke di lokifila odula, ndele edu tali ku menifile oilya yomungome munyenye tau kutifa. Mefiku tuu olo oimuna yoye otai ka wandjela moulifilo wa mbwalangadja,

JESAJA 41:16

Oto di xu ndele tadi i omhepo, nokafudaela otake di lihanifa po. Ndele ove oto ka kala nokuhafela mOmwene, ndele to lifimanekele Omuyapuki waIsrael.”

JESAJA 61:10

Ame ohandi hafele mOmwene unene, omwenyo wange otau nyakukilwa muKalunga kange, osheshi Ye okwa dika nge oshikutu shexupifo, nokwa uvika nge nelwakani louyuki ngaashi omuhomboli ou ta humbata embale loshivilo, ngaashi omupristeli nongaashi omuhombolwa ou te liwapeke noumanyawapeko.

JEREMIA 3:3

Nodula oya kelelwa ko, nodula yokulombo inai uya, ndele ove owa li u nomesho ombwada, ove ino hala okufya ohoni.

JEREMIA 5:24

Inava tya momitima davo nokutya: Natu tileni Omwene Kalunga ketu, ou he tu lokifile odula, odula yonhemuna nodula yokulombo pefimbo layo nokwe tu tongolela oivike yeteyo.

OMAIMBILOKEMO 4:2

Ovana vaSion, ovahoololwa, ovo va yelekwa va foshingoldo sha yela, ndelenee ova yelekwa ngahelipi va foitoo yedu, oshilonga shomake shomuhongi woiyuma yedu!

HESEKIEL 34:26

Ndele voovene neenhele tadi dingilile oshikulundu shange, ohandi ke va ninga enangeko noupuna. Nohandi ka lokifa odula mefimbo layo, heeno, eedula denangeko noupuna.

HOSEA 6:3

Ndele natu shiiveni hano, heeno, natu lalakaneni okushiiva Omwene. Ye ote uya shili, ngaashi etendo leluwa, ndele ote ke uya kufye ngaashi odula, ngaashi odula yokulombo, ei tai tutike edu.”

LEVITIKUS 26:4

opo nee Ame ohandi ke mu lokifila odula pefimbo liwa nedu tali yandje oshishipo nomiti domoixwa tadi yandje oiimati yado.

AMOS 4:7

“Nosho yo nda kelela odula iha loke kunye, nande oku na natango eehani nhatu deteyo. Ndele nda lokifila oshilando shimwe, ndelenee shikwao inandi shi lokifila. Epya limwe la pewa odula, ndelenee likwao, eli inali lokwa, ola kukuta.

SAKARIA 10:1

Indileni kOmwene odula pefimbo lodula yokulombo. Omwene ta tumu oushelu moshikungulu, ndele te va pe omuloka noimeno mepya lakeshe omunhu.

SAKARIA 10:7

Ndele Efraim tashi ka kala ngaashi omuladi nomitima davo tadi ka hafa ongaava va nwa omaviinyu, novana vavo tave ke shi mona, ndele tava hafe, nomitima davo tadi nyakukwa mOmwene.

SAKARIA 9:13

Osheshi Juda Ame handi mu lukile ngaashi outa wofipa, naEfraim handi mu kulike ngaashi oshikuti. Novamati voye, Sion, Ame ohandi ke va puma mumwe novamati voye, Greka, ndele Ame ohandi ku ningi ngaashi eongamukonda lomuladi.

SAKARIA 9:9

Hafa unene, ove omona okakadona kaSion, nyakukwa pombada, omona okakadona kaJerusalem! Tala, ohamba yoye te uya kwoove! Ye omuyuki nomufindani, Ye omulixupipiki, ndele ta londo okambulu, okambulwena kokambulu okakadi.

OILONGA YOVAYAPOSTOLI 14:17

Nande Ye ina kala nande ine liholola, osheshi okwe mu monifila ouwa, eshi e mu lokifila odula meulu nokwe mu pa omafimbo oshishipo nokwa yadifa omitima deni oipalwifa nehafo.”

DEUTERONOMION 11:14

opo nee Ame ohandi ka lokifila edu leni odula pefimbo la wapala, odula yonhemuna nodula yokufu, opo mu shiive okutuvikila oilya, nomaviinyu nomaadi eni.

DEUTERONOMION 28:12

Omwene ote ke ku yeululila elimba laye liwa, nokutya eulu, opo a lokifile oshilongo shoye odula pefimbo liwa, ndele opo a nangeke noupuna oilonga aishe yomake oye, ndele ove oto ka yandja eengele koiwana ihapu, ndelenee ove mwene ito pumbwa okulya eengele.

DEUTERONOMION 32:2

Elongo lange nali ndodele ngaashi odula, neendjovo dange nadi kunguluke ngaashi omume, ngaashi odula yomudimbi tai loko oxuluxulu ndele ngaashi oshikungulu shodula kombada yoimeno.

OVAFILIPPI 3:1

Ndele natango, ovamwatate, hafeni mOmwene! Oku mu shangululila oinima ei itaku lolola nge, ndelenee kunye epameko.

OVAFILIPPI 3:3

Osheshi ovapiti vetanda vashili ofye ava hatu longele Kalunga mOmhepo yaKalunga nohatu litangele Kristus Jesus, fye itatu lineekele ombelela,

OVAFILIPPI 4:4

Hafeni alushe mOmwene! Navali handi ti: Hafeni!