JOEL 2:22 - Ombibeli Iyapuki

²² Oifitukuti yomoixwa, inamu kala mwa tila! Omaulifilo omofuka otaa shipukwa nomuti otau ima. Nomukwiyu nomuviinyu otadi yandje oiimati yado.

JOEL 2:22 ပူးပေါင်းရင်းမြစ်များ

GENESIS 4:12

Ove ngeenge oto longo edu, lo itali ku dalele sha vali. Ove oto ka ninga epongo nomutewatewi kombada yedu.”

OMAPSALOME 36:6

Ouyuki woye owa pama ngaashi eemhunda daKalunga, omatokolo oye oku li ngaashi oule womeva efuta; Omwene, Ove to kwafa omunhu noshinamwenyo.

OMAPSALOME 65:12

Nomwiidi womaulifilo, outalala mboomboo, noikulundudu ya djala enyakuko.

OMAPSALOME 65:13

Oyana nomilola oya djala omaufita eedi, nomalufilu okwe lituvika noilya; ope nenyakuko nokwiimba.

OMAPSALOME 67:6

Edu oli li po la menifa omumeno walo: fye ohatu ka punikwa kuKalunga, Kalunga ketu.

JESAJA 51:3

Osheshi Omwene ota hekeleke Sion ndele ta hekeleke omakulukuma aeshe asho, ombuwa yasho ote i shitukifa ngaashi Eden nofuka yasho oshikunino shOmwene; omo hamu kala enyakuko nehafo, ehambelelo noshihomo shomaimbilo.

HESEKIEL 36:30

Noiimati yomiti neloolo lomapya ohandi li hapupalifa, muha humbate vali elengwa omolwondjala mokati koiwana.

HESEKIEL 36:35

ndele vo otava ka tya: ‘Oshilongo eshi sha li sha tokekwa, osha ninga ngaashi oshikunino shaEden. Noilando ya ngumunwa po ya li ngaho ya hanaunwa po, oya pamekwa noi novanhu.’

HESEKIEL 36:8

Ndelenee nye, eemhunda daIsrael, otamu twiyuka nokwiimikila oshiwana shange Israel oiimati. Osheshi vo ove li pokuuya.

JONA 4:11

Ndelenee Ame ohandi kala ngahelipi ngeno, ndiha yehamene Ninive, oshilando shinene shi novanhu ve dule omayovi efele nomafele omilongo mbali vehe shii okutongola eke lolulyo nolumosho, nomu na yo oimuna ihapu?

HAGGAI 2:16

mefimbo tuu olo ngee kwa iwa koshipale shoilya yoimbale omilongo mbali, tala otapa kala ashike omulongo. Ngee kwa iwa koshikolelo shomaviinyu okuteka mo eelata omilongo nhano, ndelenee tala, tapa kala ashike omilongo mbali.

SAKARIA 8:12

Osheshi ombuto yehepuluko tai kunwa, omuviinyu tau ka ima oiimati yao, nedu tali ka menifa oimeno yalo, neulu tali ka ufa omume. Noshixupe shoshiwana eshi Ame ohandi ke shi fyuululifa oinima ei aishe.

1 OVAKORINTO 3:7

Onghee hano nakutwika nanakutekela vo kave shi sha, ndelenee oKalunga tuu ou ta kulike.