JOEL 2:21 - Ombibeli Iyapuki

²¹ Ino tila, oove edu! Nyakukwa ove u kuwilile! Osheshi Omwene oha longo oinima inene.

JOEL 2:21 ပူးပေါင်းရင်းမြစ်များ

GENESIS 15:1

Konima yoinima ei ondjovo yOmwene ye uya kuAbram memoniko ndele tai ti: “Ino tila Abram, Aame oshikelelifo shoye, nondjabi yoye oinene unene.”

OMAPSALOME 71:19

Kalunga, ouyuki woye otau fiki fiyo pombada keulu; Ove ou ho longo oinenenima, Kalunga, olyelye e ku fa?

OMAPSALOME 98:8

Omilonga nadi pandule nomake, neemhunda adishe kumwe nadi nyakukwe

JESAJA 35:1

Ombuwa nomalondo otaa ka hafa, nofuka tai ka nyakukwa pombada, otai liwapaleke ngaashi onhemo yedo;

JESAJA 41:10

Ino tila, osheshi Ame ondi li pamwe naave. Ino tala wa limbililwa, osheshi Aame Kalunga koye. Ame ohandi ku pameke ndele handi ku kwafa yo, Ame ohandi ku yambidida yo neke lolulyo louyuki wange.

JESAJA 44:23

Akutu nye omaulu, nyakukweni, osheshi Omwene okwe shi ninga, kuwilileni pombada, onye eembwili domedu, hafeni pombada, onye eemhunda nomifitu nomiti adishe di li mo. Osheshi Omwene okwa kulila Jakob ndele te ke lifimanekifila Israel.

JESAJA 54:4

Ino kala wa tila, osheshi ito ka fifwa ohoni; ino tila nande okulengwa, osheshi ito ka fifwa ohoni; ino tila nande okulengwa, osheshi ito ka kwatwa kelungi. Osheshi odino yomounyasha woye oto ke i dimbwa, okudinwa kwoufiyekadi woye ito ku dimbulukwa vali.

JESAJA 55:12

Osheshi otamu ka tembuka nehafo, ndele tamu findikilwa nombili, eemhunda noikulundudu otai mu danene nokukuwilila pombada, nomiti adishe domomufitu otadi kala nokupandula.

JEREMIA 33:3

Ifane nge, handi ku nyamukula nohandi ku hololele oinima inene, tai nyenge eendunge, uhe i shii.

HOSEA 2:21

Ndele mefiku tuu olo ohandi udu ko, Omwene osho ta ti, Ame ohandi ka uda eulu, ndele lo tali ka uda edu.

JOEL 2:20

Heeno, omuhanauni ou ta di koumbangalanhu, Ame ohandi ke mu ta po, a dje punye, ndele handi mu shingile medu likukutu lihe nomeva. Ovapiti vokomesho handi va tele mEfuta lokoushilo, novashikuli vaye handi va tele mEfuta Lopokati. Edimba laye tali nyika, neolelo laye ola mbuta. Osheshi ye a ninga oinima yoixuna.

JOEL 2:26

Opo nye tamu ka lya nawa, ndele tamu kuta nokuhambelela edina lOmwene Kalunga keni, Oye ou, e mu longela oikumwifa. Noshiwana shange itashi ka fifwa vali ohoni fiyo alushe.

SAKARIA 8:15

osho hano pomafiku aa, nde liudanekela Jerusalem neumbo laJuda, ndi va ninge nawa. Inamu tila!

DEUTERONOMION 4:32

“Osheshi ngeenge to pula komafimbo onale, aa e tu tetekelela, okudja kefiku linya Kalunga a shita ovanhu kombada yedu, oto pula komunghulo weulu fiyo okumukwao: oinima inene i fike opo oya ningwa tuu ile shimwe shi fike opo osha udika tuu?

1 SAMUEL 12:16

“Eheneni hano oku, mu tale oshilonga osho shinene, Omwene te shi ningi moipafi yeni.

1 SAMUEL 12:24

Tileni ashike Omwene noku mu longela noudiinini nomutima weni aushe. Osheshi taleni oinima inene i fike peni Ye e mu ningila.