JOEL 2:2 - Ombibeli Iyapuki

² Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

JOEL 2:2 ပူးပေါင်းရင်းမြစ်များ

OMAPSALOME 10:6

Ote lipopile momutima waye, ta ti: “Itandi ka punduka nande; fiyo alushe itandi ka hangika komupya.”

OMAPSALOME 97:2

Oilemo nomilaulu otai mu dingilile, ouyuki noshili, oyo efina lolukalwa laye.

EXODUS 10:14

Oshipaxu she uya medu alishe laEgipiti nosha wila moshilongo ashishe shaEgipiti, eenduba dinene unene. Oshipaxu shi fike opo inashi kala po nale, noitashi ka holoka vali.

EXODUS 10:6

Neengulu doye neengulu dovapiya voye aveshe neengulu dOvaegipiti aveshe otadi ka yada oshipaxu, ouhapu washo inau monika kooxo nokooxokulu kokudja kefiku va kala kombada yedu nofiyo opaife.’ ” Ndele ye okwa punguluka nokwa pilamena ko a dja po puFarao.

EXODUS 20:21

Osho hano ovanhu va kala ofika kokule. Ndelenee Moses okwa ehena komilaulu doshilemo omo mwa li Kalunga.

JESAJA 5:30

Ndele mefiku tuu olo venya otava ka ngunguma kombada yavo ngaashi engungumo lefuta. Opo nee otapa talwa medu, ndele tala, oku na omulaulu auke noudjuu womeni; nouyelele wa laulikwa koilemo yao.

JESAJA 8:22

ndele tava tale pedu, ndele tala, ope noudjuu womeni nomulaulu auke, ndele tava ka undulilwa mepolimano nomomulaulu fokofoko. Itaku ka kala vali omhito yokuhenuka oudjuu ou.

JEREMIA 13:16

Fimanekeni Omwene, Kalunga keni fimbo inaku laula nofimbo eemhadi deni inadi koyauka keemhunda momilaulu. Opo nee nye otamu kala nokuteelela ouyelele, ndelenee Ye ote u lundulula tau ningi omudidimbe wefyo, note u ningi omilaulu fokofoko.

JEREMIA 13:6

Eshi pa pita omafiku mahapu, Omwene okwa lombwela nge: Fikama, inda ko kuEufrat, ove u ka tale ekwamo nde ku lombwela u li holeke ko.

OMAIMBILOKEMO 1:12

Nye amushe ovo hamu ende nondjila, itashi mu kumu? Taleni mu tale, ngeenge pe nouyehame u fike pouyehame ou wange, nde u humbatekwa, muwo Omwene a nyikifa nge oluhodi mefiku loupyuhandu waye?

HESEKIEL 32:7

Ndele Ame ngeenge handi ku dimi po, ohandi ka uvika eulu nokulaulika eenyofi dalo. Ame ohandi ka uvika etango noilemo, nohani itai ka yela vali.

HESEKIEL 34:12

Ngaashi omufita ta kalele oufita waye weedi noshisho mefiku olo ye e li mokati keedi daye da halakanifwa, osho yo Ame ohandi ka kalela eedi dange noshisho. Ndele Ame ohandi ke di xupifa mo meenhele adishe mudo da halakanifilwa mefiku lomudimbi noloshiwiwili.

HESEKIEL 38:9

Opo nee ove oto ka tota ngaashi oshikungulu, to uya ngaashi oshilemo okuuvika oshilongo, oove nomatanga oye aeshe noiwana ihapu pamwe naave.”

DANIEL 12:1

“Ndele mefimbo tuu olo Mikael, omweengeli omukulunhu munene, ou ha popile ovana voshiwana shoye, ota ka fikama. Ndele efimbo olo tali ka kala efimbo lidjuu inali kala ko shito, nghee tuu ovanhu va kala fiyo okefimbo olo. Ndelenee mefimbo tuu olo oshiwana shoye tashi ka xupifwa, keshe umwe ou a shangelwa membo.

DANIEL 9:12

Ndele eendjovo daye e di tonga kufye nokovatokolindjovo vetu ava ve tu tokola, Ye e di wanifa moku tu tumina omupya munene inau monika koshi yeulu, ngaashi sha ningwa muJerusalem.

JOEL 1:6

Osheshi oshiwana sheenghono shihe shii kuvalwa sha pumina moshilongo shange, omayoo asho e li ngaashi onghoshi, noluhamama li li ngaashi longhoshi yonghadi.

JOEL 2:25

Ame ohandi ke mu alulila omido dinya da likile koshipaxu nokeshenye nokoshipaxu shanakapipi nokokapuka taka kunya, oyo oita yange inene, nde i mu tuminine.

JOEL 2:31

Etango otali ka shituka omilaulu nohani ohonde fimbo efiku linene nolitilifa lOmwene inali fika.

JOEL 2:5

Otava koyauka kombada yeemhunda, ngaashi omatemba oita haa kolokota, ngaashi epopomo lomundilo tali xwike oihati, ngaashi oshiwana sheenghono, she lihomatekela olwoodi.

JOEL 3:4

“Ndele nanye yo Tirus naSidon noikandjo aishe yOvafilisti, nye omu na shike naame? Omwa hala okukwatela nge onghone, ile mwa hala okuninga ngahelipi? Oilonga yeni ohandi i mu twike divadiva komitwe deni.

AMOS 4:13

Osheshi tala, Ye, ou ta me eemhunda, ndele ta shiti omhepo, ndele ta hololele omunhu omadiladilo aye, ou ta lundulula eluwa li ninge omulaulu, ou ta ende kombada yeemhunda dedu, edina laye Omwene, Kalunga komatanga ovakwaita!

SEFANIA 1:7

Limweneneneni koshipala shOmwene Kalunga! Osheshi efiku lOmwene li li popepi. Osheshi Omwene okwa longekida etomenoyambo ndele a yapula ovashivwa vaye.

SAKARIA 14:6

Ndele mefiku tuu olo eluwa itali tende vali; neenyofi tadi ka laula.

MATEUS 24:21

osheshi omafiku oo otapa kala oudjuu unene, inau kala ko okehovelo lounyuni fiyo opaife, ndele ngaashi itau uya vali.

MARKUS 13:19

Osheshi omafiku oo otaku kala oudjuu unene, wa li uhe ko okehovelo loishitwa, Kalunga e i shita nongaashi itau ke uya vali.

DEUTERONOMION 32:7

“Dimbulukwa omafiku omefimbo lonale, diladila omido domapupi onale. Pula kuxo, ye ote ke shi ku shiivifila, nokovakulunhu voye, vo otave ke shi ku lombwela.

OVAHEBERI 12:18

Osheshi nye inamu ehena komhunda hai kumwa nomake nokomundilo wa xwama nokomulaulu woshilemo nokomulaulu nokoshikungulu,

JUDAS 1:13

Ovo omakufikufi omefuta tava tutumike onhutu yohoni yavo vene. Ovo eenyofi da pukilila, ovo va teelelifwa omulaulu womilaulu fokofoko fiyo alushe.

EHOLOLO 9:2

Ndele yo ya yeulula ombwili yomokule mwi ihe nexulilo, ndele mwa dja okalungululu, ka fa okalungululu komediko lakula, ndele etango nevalelwa ola laulikwa kokalungululu komombwili.