JOEL 2:17 - Ombibeli Iyapuki

¹⁷ Ovapristeli, ovapiya vOmwene, nava kale nokulila pokati koshivelo noaltari, nava tye: “Akutu Omwene, xupifa oshiwana shoye, noshifyuululifwa shoye, ino shi efa shi fifwe ohoni, vaha shekwe koiwana. Oshike tava ka tya mokati koiwana: ‘Kalunga kavo oku li peni?’ ”

JOEL 2:17 ပူးပေါင်းရင်းမြစ်များ

1 EEHAMBA 6:3

Ehale lokufikila ola li noule weemeta omugoi, nomutamo weemeta nhee noshitata, la yeleka oule wongulu.

1 EEHAMBA 9:7

opo nee Ame ohandi ka halakanifa Ovaisraeli medu lavo, nde li va pa, nongulu oyo Ame nde i yapulila edina lange, Ame ohandi ke i ekelashi koshipala shange, opo Israel tashi ka ninga oshitevo neimbilo lesheko mokati koiwana aishe.

2 OMAFIMBO 7:20

opo nee Ame ohandi ke va duda mo moshilongo shange eshi nde shi va pa, nongulu ei nde i yapulila edina lange, Ame ohandi ke i ekelashi koshipala shange, ndele handi i ningi oshitevo neimbilo lesheko mokati koiwana aishe.

2 OMAFIMBO 8:12

Opo nee Salomo okwa yambela Omwene omaxwikiloyambo koaltari yOmwene, oyo a tunga komesho yolupale lokomesho.

NEHEMIA 9:36

Paife fye ovapika. Moshilongo tuu osho we shi pele ootate vetu, vo va lye oiimati noipewa yasho, moshilongo tuu osho tu nokukala fye ovapika.

OMAPSALOME 115:2

Ovapaani otave ya okutya ngahelipi: “Kalunga kavo oku li peni hano?”

OMAPSALOME 42:10

Onda fa nda tukwa momakipa ange, eshi ovanandubo naame va sheka nge, alushe tava ti kwaame: “Kalunga koye oku li peni paife?”

OMAPSALOME 42:11

Omwenyo wange, oshike wa polimana ngaha, ndele to nhukauka meni lange uhe na efudo? Teelela Kalunga! Osheshi natango tuu handi ke mu hambelela, Omuxupifi wange naKalunga kange.

OMAPSALOME 42:3

Omahodi ange okwa ninga eendja dange omutenya noufiku, osheshi efiku keshe otava pulapula nge tava ti: “Kalunga koye oku li peni paife?”

OMAPSALOME 42:4

Mokudimbulukwa oinima ya pita, ohandi tileshi omwenyo wange; onda li handi ende mosheendo shongudu inene, hatu i nayo kongulu yaKalunga, twa hafa hatu imbi nokupandula mengafifi loshivilo.

OMAPSALOME 74:10

Akutu Kalunga, fiyo onaini hano to efa omunafundo e tu sheke, nomutondi a kale ta sheke edina loye?

OMAPSALOME 79:10

Ongahelipi mbela ovapaani va pewe va tye: “Kalunga kavo paife oku li nee peni?” Koipala yetu natu talifwe ehandukilo lovapaani molwohonde yovapiya voye, ei va tilashi.

OMAPSALOME 79:4

Otwa ninga oiyolifa yovashiinda vetu, otwa ninga ovashekwa, hatu tukaelwa koilongo, ei ya shaama nafye.

OMAPSALOME 89:41

Aveshe ava tava ende nondjila ei, otave mu vakaavaka, nokwa ninga oshiyolifa kovashiinda vaye.

OMAPSALOME 89:51

Oyaa, ovatondi voye, Omwene, tava sheke nao, omanha omuvaekwa woye otave a sheke nao.

EXODUS 34:9

ndele ta ti: “Omwene, ngeenge nda filwa onghenda koshipala shoye, Omwene na ende pamwe nafye, osheshi ovanhu ava ve neefingo da kukuta. Ndelenee dima po omanyonauno etu nomatimba etu, ndele tu tambula ngaashi oshifyuululwa shoye.”

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

JESAJA 37:20

Hano paife, Omwene Kalunga ketu, tu xupifa momake aye, oilongo aishe yedu i ka shiive, Oove auke Omwene Kalunga.”

HESEKIEL 20:9

Ndelenee, Ame onde shi ningile molwedina lange, opo liha dinwe momesho oiwana yovapaani mokati kavo ova kala, nomoipafi yayo Ame nde i lishiivifila moku va pitifa medu laEgipiti.

HESEKIEL 8:16

Opo Ye okwa twala nge momukala womeni lotembeli yOmwene; ndele tala, poshivelo shotembeli yOmwene, pokati koshivelo shopondje noaltari, opa kala ovalumenhu ve fike ngeno pomilongo mbali navatano, va pilamena otembeli yOmwene ndele va taalela koushilo, ndele va wila eombe langhele lwokoushilo mokufimaneka etango.

HOSEA 14:2

Indeni neendjovo nye mu alukile kOmwene mu tye: “Dima po omatimba aeshe. Tu tambulila mefilonghenda loye, opo nee hatu ke ku yambela eyambo lomilungu ponhele yeengobe.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:9

Eendjayambo noikunwayambo oya xulifwa mo mongulu yOmwene. Ovapristeli, ovapiya vOmwene ohava nyika oufiye.

AMOS 7:2

Ndele sho eshi sha lya po oimeno aishe yomoshilongo, ame nda tya: “Omwene Kalunga, akutu! Dimina po! Jakob ota dulu ngahelipi okukala po? Osheshi omunini.”

AMOS 7:5

Opo ame ohandi ti: “Omwene Kalunga, akutu, kanghama! Jakob ota dulu ngahelipi okukala po, osheshi omunini?”

MIKA 7:10

Nomutondadi wange yo, ote ke shi mona, nohoni otai ka tuvika ou, ta ti kwaame: “Omwene Kalunga koye oku li peni?” Nokuhokwa omesho ange otae ke mu tala, opo nee ota ka lyatwa ngaashi onhata yomomapandavanda.

MALAKIA 1:9

Heeno paife handukulukifeni Kalunga, Ye e tu filonghenda! Oinima ya tya ngaha mwe i ninga, Ye ota ka kala tuu e mu hokwa? Omwene womatanga ovakwaita ta ti.

NUMERI 25:6

Ndele omulumenhu umwe Omuisraeli e uya nokwa etela ovaneumbo vaye omukainhu Omumidian moipafi yaMoses nomoipafi yeongalo alishe lovana vaIsrael, fimbo va li tava lili poshivelo shetwali leongalo.

MATEUS 23:35

ohonde aishe iyapuki, ya tilwashi kombada yedu opo i uye kombada yeni okohonde yaAbel omuyuki fiyo okohonde yaSakaria, omona waBerekia, mwe mu dipaela pokati kotembeli noaltari.

MATEUS 27:43

Oye okwe lineekela Kalunga; Kalunga ne mu xupife hano paife, ngeenge okwe mu hokwa; osheshi Oye mwene okwa tile: Aame Omona waKalunga.”

DEUTERONOMION 28:37

Ndele ove oto ka ninga oshinima shoixuna noshitevo shodino nomuyolwa mokati koiwana aishe omo Omwene te ke ku twala.

DEUTERONOMION 32:27

Ame ngeno inandi angala okuhandukifwa komutondadi, ovatondadi vavo ngeno va pilikile eendjovo va tye: Eke letu la yeluka nOmwene ina ninga sha mwaashishe eshi.’

JOSUA 7:9

NOvakaanan noonakukalamo aveshe vomoshilongo ngeenge tave shi udu, otave tu dingilile ndele tava dimi po edina letu kombada yedu. Ove oto ka ninga shike omolwedina loye linene?”