JOEL 2:14 - Ombibeli Iyapuki

¹⁴ Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

JOEL 2:14 ပူးပေါင်းရင်းမြစ်များ

2 SAMUEL 12:22

Ndele ye ta ti: “Okaana fimbo ka li nomwenyo, ame nde lidilika nokulila, osheshi nda diladila: Kashiimba Omwene ta file nge onghenda opo okaana ka kale nomwenyo.

2 SAMUEL 16:12

Kashiimba Omwene wange ta ka tala oluhepo lange nOmwene ta ka alulila nge ouwa omolwetukano tali hange nge nena.”

2 EEHAMBA 19:4

Kashiimba Omwene Kalunga koye ta udu eendjovo adishe daRabsake, ou a tumwa komwene waye, ohamba yaAsiria, opo a sheke Kalunga, ndele Ye ote mu handukile omolweendjovo odo Omwene Kalunga koye a uda. Yelula hano eindilo molwoshixupe osho shi li po natango.”

EXODUS 32:30

Ndele mefiku la shikula Moses okwa lombwela ovanhu ndele ta ti: “Nye mwa nyona unene. Ndelenee paife ame ohandi ka londa kOmwene. Kashiimba ame ohandi dulu oku mu kongela ekwatakanifo molwetimba leni.”

JESAJA 65:8

Omwene osho ota ti ngaha: Ngaashi omeva a monika meshila lomuviinyu, ndele tapa tiwa: Ino li nyona po, omu nenangeko noupuna, osho yo handi ningi molwovapiya vange, ndihe va nyone po aveshe.

JEREMIA 18:8

Ndelenee oshiwana eshi ngeenge tashi lidilulula kowii washo nde shi u lombwela, ndi shi handukile, opo ame handi efa okuwanifa ehandu nda li nde shi li diladilila.

JEREMIA 26:13

Hano paife wapekeni eendjila deni noilonga yeni, nye mu pwilikine ondaka yOmwene Kalunga keni, opo nee Omwene ote lialuluka kowii ou e u popya tau mu hange.

JEREMIA 26:3

Kashiimba tava ka pwilikina ndele tave lialuluka, keshe umwe, kondjila yaye ii, opo Ame ohandi lialuluka kowii ou nde u va diladilila molwowii woilonga yavo.

JOEL 1:13

Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:16

Eendja inadi kufwa tuu moipafi yetu nehafo nekuwililo mongulu yaKalunga ketu?

JOEL 1:9

Eendjayambo noikunwayambo oya xulifwa mo mongulu yOmwene. Ovapristeli, ovapiya vOmwene ohava nyika oufiye.

AMOS 5:15

Nye omu nokutonda eshi shii nokuhola eshi shiwa, ndele diinineni ouyuki poshivelo, kashiimba Omwene Kalunga komatanga ovakwaita ta ka filonghenda oshixupe shaJosef.

JONA 1:6

Opo nee mwene woskepa e uya kuye ndele ta ti: “Oshike to kofa ngaha? Penduka! Ove u ifane Kalunga koye! Kashiimba Kalunga ou te ke tu dimbulukwa, fye tuha ningine mo.”

JONA 3:9

Kashiimba Kalunga ota ka efa ehandu laye nokulidilulula, opo Ye te lialuluka kexwamo lehandu laye ndele fye itatu nyonauka.”

SEFANIA 2:3

Kongeni Omwene, nye amushe ovalininipiki vomoshilongo, onye ava hamu diinine omayukifo aye. Kongeni ouyuki! Kaleni nokukonga elininipiko. Kashiimba tamu ka amenwa mefiku lehandu lOmwene.

HAGGAI 2:19

Omu na tuu ombuto melimba? Heeno, omuviinyu woovene nomukwiyu nomuti wagranati nolumono inadi ima sha. Kokudja kefiku tuu eli, ohandi ka yandja enangeko noupuna.”

2 TIMOTEUS 2:25

ye e nokupukulula ovanandubo e nombili, ngeno Kalunga e va pe elidilululo opo va shiive oshili,

JOSUA 14:12

Pe nge hano eemhunda odo da tongwa kOmwene, osheshi ove mwene we shi uda mefiku linya, nokutya Ovaanaki va kala ko, noko kwa li oilando inene i neehotekuma. Kashiimba Omwene e li pamwe naame, ndi shiive oku va taataa, ngaashi Omwene a tonga.”

1 SAMUEL 6:5

Ningeni hano omafano oidinda nomafano eemhuku, edi tadi nyono po oshilongo ndele fimanekeni Kalunga kaIsrael. Kashiimba Ye ota ka pupalifa eke laye kombada yeni noyoikalunga yeni noyoshilongo sheni.