JOEL 2:11 - Ombibeli Iyapuki

¹¹ Ndele Omwene ota ngungumifa ondaka yaye komesho yoita yaye. Osheshi oita yaye oinene unene, nosheshi omuwanifi wondjovo yaye omunaenghono. Osheshi efiku lOmwene olo linene nokutilika unene. Ndele olyelye ta dulu okukala po?

JOEL 2:11 ပူးပေါင်းရင်းမြစ်များ

OMAPSALOME 18:14

Nokwa umbile oikuti yaye, e va hanaune po, ndele ta shelifa omaluvadi mahapu, ndele te va halukifa.

OMAPSALOME 46:6

Oiwana yovapaani oya lundakana, nomauhamba avo a teyaulwa po; Oye okwa ndwandwamifa ondaka yaye, nedu tali kakama.

OMAPSALOME 68:18

Ove wa londa pombada neenghwate we di twaalela ko, owa pewa omilongelo kovanhu, nande ihava dulika, opo Omwene Kalunga a kale ko.

JESAJA 13:4

Pwilikina, eweelelokolokoto tali udika keemhunda ngaashi ovanhu vahapu unene; pwilikina, eweelelo lepiyaano lomauhamba noloiwana ya ongala: Omwene Kalunga komatanga ovakwaita ta tale omatanga ovakwaita melilongekido lavo loita.

JESAJA 42:13

Omwene ota piti mo ngaashi omukwataiti, Ye ote liladipaleke ngaashi omukwaita; ota kaluka onghalu, heeno, ta ingida pombada, ndele te liholola povatondadi vaye, Ye omuladi.

JESAJA 7:18

Ndele mefiku tuu olo Omwene ota ka ifana nomwilwa eedi odo di li kokule okeexulo domilonga daEgipiti, neenyiki dinya di li medu laAsiria,

JEREMIA 25:30

Ndelenee ove, eendjovo odo adishe, ou noku di va xunganekela u va lombwele u tye: “Moule wopombada Omwene ota ka ndunduma ndele ta kuwaanifile ondaka yaye monhele yaye iyapuki. Ye ota ka ndunduma neenghono kombada yonhele yaye. Ota yelula ondaka ngaashi omulyati weeviinyu noku i yelulila oonakukalamo aveshe vedu.

JEREMIA 30:7

Woo! Efiku olo olinene shili, itali yelekwa nalikwao. Olo efimbo lokuhepekwa kwaJakob, ndelenee ye ota ka xupifwa mulo.”

JEREMIA 50:34

Ndelenee Omukulili wavo Oye omunaenghono, edina laye, Omwene womatanga ovakwaita. Oye te va popile ndele ta eta ombili kombada yedu, ndelenee ta etele oonakukala muBabilon ekakamo.

HESEKIEL 22:14

Eyombamo lomutima woye otali ka kala po tuu? Omake oye otaa ka kala a pama momafiku naame handi ku ningile, eshi handi ningi? Ame Omwene nde shi popya, naame ohandi ke shi ninga yo.

JOEL 1:15

Woo, efiku olo! Osheshi efiku lOmwene li li popepi, ndele tali uya ngaashi ehanauno hali di kOmunaenghono adishe.

JOEL 1:6

Osheshi oshiwana sheenghono shihe shii kuvalwa sha pumina moshilongo shange, omayoo asho e li ngaashi onghoshi, noluhamama li li ngaashi longhoshi yonghadi.

JOEL 2:1

Shikeni enghuma muSion! Kuwileni onghuwo komhunda yange iyapuki! Oonakukalamo moshilongo nava kale nokukakama, osheshi efiku lOmwene tali uya. Heeno, Ye oku li popepi.

JOEL 2:2

Efiku lomilaulu nolomudimbi, efiku loshihemime noloilemo. Ngaashi ouyelele weluwa tau tandavele kombada yeemhunda, osho oshiwana shinene nosheenghono tashi uya. Oshiwana sha tya ngaha inashi kala po nale noitashi ka kala fiyo okomido domaludalo oo tae ke uya.

JOEL 2:25

Ame ohandi ke mu alulila omido dinya da likile koshipaxu nokeshenye nokoshipaxu shanakapipi nokokapuka taka kunya, oyo oita yange inene, nde i mu tuminine.

JOEL 2:31

Etango otali ka shituka omilaulu nohani ohonde fimbo efiku linene nolitilifa lOmwene inali fika.

JOEL 3:14

Eemhunga, eemhunga mefilu letokolo. Osheshi efiku lOmwene oli li popepi mefilu letokolo.

JOEL 3:16

Omwene ota ndunduma muSion, ndele ta yelula ondaka yaye muJerusalem, opo eulu nedu otali kakama. Ndelenee Omwene Oye ehondameno loshiwana shaye neameno kovana vaIsrael.

AMOS 1:2

Ndele ye ota ti: “Omwene ta ndunduma muSion ndele ta yelula ondaka yaye muJerusalem; oulifilo wovafita tau kukuta noxulo yaKarmel tai tene.”

AMOS 5:18

Woo ava hava djuulukwa efiku lOmwene! Efiku lOmwene tali ka kala la tya ngahelipi kunye? Tali ka kala omulaulu, haouyelele.

AMOS 5:20

Efiku lOmwene olo omulaulu kali fi ouyelele, heeno, olo oshiwiwili kali nonhe youyelele.

OBADJA 1:15

Osheshi efiku lOmwene oli li popepi noiwana aishe. Ngaashi ove wa ningile, osho yo ove to ka ningwa. Oshilonga shoye otashi alukile komutwe woye.

NAHUM 1:6

Olyelye ta shiiva okukala ofika moipafi youpyuhandu waye? Olyelye ta kalele ehanyo lehandu laye? Exwamo lehandu laye tali ka tilwashi ngaashi omundilo, nomamanya taa topaana koshipala shaye.

MALAKIA 3:2

Ndelenee olyelye ta dulu okulididimika efiku leuyo laye? Ndele olyelye ta dulu okukala po, Ye eshi ta holoka? Osheshi Ye e li ngaashi omundilo womeleva lomuhambwidi nongaashi ofewa yomukoshi.

NUMERI 24:23

Ye okwa tumbula vali etumbulo ndee ta ti: “Woo, olyelye ta ka kala e nomwenyo, Kalunga eshi te shi ningi!

1 OVATESSALONIKI 4:16

Osheshi Omwene Ye mwene ota ka londoloka keulu neingido lelombwelo nondaka yomweengeli omukulunhu nekweno lenghuma laKalunga, ovafi ovo va fila muKristus, otava ka nyumuka tete,

EHOLOLO 18:8

Onghee hano omahepeko asho otae shi hange efiku limwe alike, efyo neefya nondjala, ndele tashi xwikwa momundilo, osheshi Omwene Kalunga Oye omunaenghono ou e shi tokola.”

EHOLOLO 6:17

shaashi efiku linene lehandu lavo ole uya, olyelye ta dulu okukala po ofika?”