JOEL 1:7 - Ombibeli Iyapuki

⁷ Osho sha hanauna po omiviinyu dange, osho sha kunya omikwiyu dange, she di kunya omapeta noku a ekelashi, oitai yado ya kukuta.

JOEL 1:7 ပူးပေါင်းရင်းမြစ်များ

OMAPSALOME 105:33

Omiviinyu nomikwiyu davo okwe di tetaula po, nomiti domoshilongo shavo okwe di teyaula mo.

EXODUS 10:14

Oshipaxu she uya medu alishe laEgipiti nosha wila moshilongo ashishe shaEgipiti, eenduba dinene unene. Oshipaxu shi fike opo inashi kala po nale, noitashi ka holoka vali.

EXODUS 10:15

Ndele sho osha tuvika edu alishe loshilongo, nedu la li la twima. Ndele sho osha lya oimeno aishe noiimati yokomiti ei ya xupa keemhawe. Moshilongo ashishe shaEgipiti inapa fyaala vali nande sha shitalala sha kala komiti ile koimeno yomomapya.

JESAJA 24:7

Omaviinyu taa nyika oufiye, nomuviinyu owa fyoluteni, ovahafimwenyo aveshe ohava nyemata.

JESAJA 32:12

Opo nee otapa lilwa ndele tape lidengwa ponhulo molwomadilopya nomolwomiviinyu da li da ima nawa,

JESAJA 5:6

Ame ohandi shi efa shi ninge ofuka yongaho, shiha kokolwe vali, sho shiha limwe vali, shi mene omano neeshosholo, ndele handi lombwele oilemo ihe shi lokele vali odula.

JEREMIA 8:13

Ame ohandi ke va komba po sheke Omwene osho ta ti. Kape na vali eeviinyu momuviinyu nokape neenghwiyu momukwiyu, nomafo yo taa kukuta. Ame onde va kongela nokuli ava tave va tondokele.”

HOSEA 2:12

Ndele Ame ohandi ka hanauna po omiviinyu nomikwiyu daye, e di popya nokutya: odo ondjabi youmbwada wange, nde i pewa kovaholike vange. Ame ohandi ke di shitukifa ofuka di liwe koifitukuti yomofuka.

JOEL 1:12

Omuviinyu wa kukuta, omukwiyu wa fya, omugranati nomulunga nomuti womuapula omiti adishe domoshilongo oda kukuta. Osheshi ehafo la fifwa ohoni, ola dja po kovana vovanhu.

AMOS 4:9

“Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.

HABAKUK 3:17

Osheshi nande omukwiyu itau hape vali, nomuviinyu itau ima sha vali, noshilonga sholumono tashi ka hepa, nomapya itaa yandje vali eendja, needi domoshuunda tadi fi olundodo neengobe itadi ka kala vali moyuunda;

MALAKIA 3:11

Noshipaxu yo ohandi ke shi taataa punye, opo shiha hanaune po oiimati yomapya eni. Nomiviinyu domomapya itadi ka kala itadi ima, Omwene womatanga ovakwaita ta ti.