JOEL 1:4 - Ombibeli Iyapuki

⁴ Eshi sha xupa koshenye, tashi lika komakamuti. Naashi sha efiwa komakamuti otashi lika koshipaxu shanakapipi. Naashi sha efiwa koshipaxu shanakapipi otashi lika kokapuka taka kunya.

JOEL 1:4 ပူးပေါင်းရင်းမြစ်များ

1 EEHAMBA 8:37

“Oshilongo ngeenge tashi hangika kondjala, koudu wolutapo, koshikukuta ile onhimba ile okahaudjololo ile oshipaxu, ile ngeenge ovanhu va ponokelwa kovatondadi, ile ngeenge ope na oudu ile omukifi mokati kavo,

2 OMAFIMBO 6:28

“Ngeenge ondjala i li moshilongo, ngeenge oudu wolutapo, koshikukuta ile onhimba ile okahaudjololo ile oshipaxu, ile ngeenge ovanhu va ponokelwa kovatondadi, ile ngeenge ope na oudu ile omukifi mokati kavo,

2 OMAFIMBO 7:13

Ame ngeenge handi idile eulu, odula itai loko, ile Ame ngeenge handi lombwele oshipaxu shi lye po oshilongo ile ngeenge handi tumu oudu u nolutapo movanhu vange,

OMAPSALOME 105:34

Okwa tonga, opo oshipaxu she uya nokanakalombo, kehe shii kuvalwa.

OMAPSALOME 78:46

Noimeno yavo aishe e i efele i like po kokanakalombo, naashishe eshi va longele, okoshipaxu.

EXODUS 10:4

Ndelenee ngeenge to anye vali okulekela ovanhu vange va dje mo, tala, mongula ohandi ka tuma mo oshipaxu moshilongo shoye,

EXODUS 10:5

ndele sho otashi ka tuvika edu alishe loshilongo, omunhu opo a nyengwe okumona edu. Ndele sho otashi ka lya eshi sha xupa she mu xupifilwa po keemhawe. Nomiti adishe di li momufitu otashi ke di lya.

JESAJA 33:4

Opo nee oihakanwaliko yeni otai toolwa ngaashi oipaxu hai toolwa nongaashi oshapapa hashi nhukaanhuka, osho tai tondokelwa.

JEREMIA 51:14

Omwene womatanga ovakwaita okwa ana muye mwene: Oshili, Ame onda hala oku ku yadifa ovanhu vahapu ve fike poshipaxu. Vo otave ke ku yelulila eingido lehafo.

JEREMIA 51:27

Yeluleni epandela medu! Shikeni enghuma mokati koiwana! Oiwana nai yapulwe oku shi kondjifa. Ifaneni omauhamba aArarat naMinni naAskenas. Hoololeni ondjai oku shi kondjifa. Eenghambe nadi fikame ngaashi oshipaxu shomalududi!

JOEL 2:25

Ame ohandi ke mu alulila omido dinya da likile koshipaxu nokeshenye nokoshipaxu shanakapipi nokokapuka taka kunya, oyo oita yange inene, nde i mu tuminine.

AMOS 4:9

“Ame onde mu dengifa shili nonhimba yoilya nonguwi yoilya. Oshipaxu osha lya po oikunino yeni ihapu nomiviinyu deni nomikwiyu deni neemono deni. Nande ongaha, nye inamu alukila kwaame, Omwene ta ti.

AMOS 7:1

Omwene Kalunga okwa ulikila nge eshi, tala: Ye okwa shita oshipaxu, eshi omwiidi wa hovela okutwiyuka. Ndele tala, omwiidi oo wa twiyuka konima yomakashulo omapya ohamba.

MALAKIA 3:11

Noshipaxu yo ohandi ke shi taataa punye, opo shiha hanaune po oiimati yomapya eni. Nomiviinyu domomapya itadi ka kala itadi ima, Omwene womatanga ovakwaita ta ti.

DEUTERONOMION 28:38

“Ove oto ka kuna ombuto ihapu, ndelenee to ka teya shinini, osheshi oshipaxu tashi ke shi lya po.

DEUTERONOMION 28:42

Omiti adishe noiimati yomoshilongo shoye tai ka wilwa koshipaxu.