JOEL 1:14 - Ombibeli Iyapuki

¹⁴ Yapuleni efiku lelidiliko. Shiveni oshiongalele. Ongeleni mongulu yOmwene Kalunga keni ovakulunhu noonakukalamo aveshe vomoshilongo, ndele kuweni kOmwene.

JOEL 1:14 ပူးပေါင်းရင်းမြစ်များ

2 EEHAMBA 10:20

Jehu ta ti vali: “Yapulileni Baal efimbo loshivilo.” Ndele ve shi vilikila.

2 OMAFIMBO 20:13

NOvajuda aveshe va kala ofika koshipala shOmwene pamwe nounona vavo novalikadi vavo novana vavo ovamati.

NEHEMIA 8:18

Okwa lesha membo lomhango yaKalunga keshe efiku, okudja kefiku lotete fiyo okefiku laxuuninwa. Ndele va dana oshivilo omafiku aheyali ndele mefiku etihetatu okwa li oshiongalele shoshivilo pamalombwelo.

ESTER 4:16

“Inda u ongele Ovajuda aveshe ava tava monika muSusa, ndele lidilikeni molwange. Ndele momafiku atatu oufiku nomutenya inamu lya ndele inamu nwa. Naame yo pamwe novapiya vange ovakainhu hatu ke lidilika. Opo nee handi i mo kohamba, osho nande kashi li pamhango, ndele ngeenge ndi nokufya, ondi nokufya.”

JEREMIA 14:2

Juda osha nyika oluhodi, noivelo yomusho otai teka po. Vo ohava kala omutumba poshi, va nyika oufiye, nomalilaano aJerusalem taa i pombada.

JEREMIA 36:9

Ndelenee momudo omutitano waJehoiakim yaJosia, ohamba yaJuda mohani onhimugoi, elidiliko ola ingidilwa koshipala shOmwene, aveshe ova shivwa, ovanhu aveshe vomuJerusalem naaveshe vokoilando yomuJuda ve uya kuJerusalem.

JOEL 1:2

Shi udeni, onye ovakulunhu! Shi pwilikineni, onye oonakukalamo moshilongo! Oshinima sha tya ngaha osha ningwa tuu mbela momafiku eni ile momafiku ooxokulu?

LEVITIKUS 23:36

Momafiku aheyali mu nokweetela Omwene omundiloyambo. Mefiku etihetatu ope noshiongalele sheni shiyapuki, ndele mu nokweetela Omwene omundiloyambo. Olo efimbo loshivilo. Inamu longa sha.

JONA 3:5

Ndele Ovaninive ova itavela Kalunga, va ingida efiku lelidiliko, ndele ovakulunhu nounona va djala eeshako.

JONA 3:8

Ndelenee ovanhu noimuna nai dikwe eeshako, oyo nai ifane shili Kalunga, ndele keshe umwe na aluke kondjila yaye ii nokoulunde ou wa kanyatela momake aye.

SEFANIA 2:1

Akutu, oshiwana, ove iho fi ohoni, lidilulula!