JOEL 1:13 - Ombibeli Iyapuki

¹³ Djaleni, ndelenee kemeni, nye ovapristeli! Kuweni, nye ovayakuli vopomayambelo! Ileni, nye ovapiya vaKalunga mu nangale oufiku mwa djala eeshako. Osheshi eendjayambo noikunwayambo ya xula mo mongulu yaKalunga keni.

JOEL 1:13 ပူးပေါင်းရင်းမြစ်များ

2 SAMUEL 12:16

Ndele David okwa konga oshipala shaKalunga molwokaana. Ndele David okwa ninga efimbo te lidilike ndele eshi e uya keumbo, a nangala oufiku pedu longaho.

1 EEHAMBA 21:27

Ndelenee Ahab eshi a uda eendjovo odo, okwa pombaula oshikutu shaye nokwa djala oshikutu sheefya kolutu laye longaho nokwe lidilika. Nokwa nangala yo e noshikutu sheefya ndele ta ende a mwena filu.

JESAJA 22:12

Ndele mefiku tuu olo Omwene, Kalunga komatanga ovakwaita, ote va ifana kelilo nokeenghali nokekululo lomapalu nomitwe nokomundjalo weefya.

JESAJA 61:6

Ndelenee nye otamu ka ifanwa ovapristeli vOmwene ndele tamu ka tiwa: Ovamati vaKalunga ketu! Onye otamu ka lya oupuna woiwana ndele tamu litumbalekele oshinge shavo.

JEREMIA 4:8

Onghee hano lidikeni eeshako, kemeni nokulila, osheshi oupyuhandu wOmwene inau tu efa.

JEREMIA 9:10

Ame ohandi ka kwena nokukema pombada omolweemhunda, nomolweehambo domofuka ohandi lili eenghali. Osheshi odo da pya komundilo nokape nomunhu ta ende ko, nongaashi ihamu udika oshikuta shoimuna. Eedila dokeulu noifitukuti oya tembuka mo, ya ya onhapo.

HESEKIEL 21:12

Ingida nokukema, kaana komunhu, osheshi lo oli nokulwifa oshiwana shange, tali kondjifa eehamba adishe domuIsrael. Do pamwe noshiwana shange, oda yandjelwa eongamukonda. Onghee hano denga onho.

HESEKIEL 27:31

Nomolwoye vo otave likululifa omapalu nokudjala eeshako, ndele tave ku lili nomwenyo u udite oululu nokukema unene.

HESEKIEL 7:18

Otava ka djala eeshako noumbada tau ke va tuvika. Noipala yavo aishe tai ka fya ohoni nomitwe davo da tenda ongwala.

HOSEA 9:5

Otamu ka ninga shike mefimbo loshivilo nomefiku loshivilo shOmwene?

JOEL 2:12

Ndelenee natango tuu Omwene ta ti: “Alukeni kwaame nomutima weni aushe nokulidilika nokulila nokunyika oufiye.

JOEL 2:14

Kashiimba Ye ote lialuka natango, ndele ta fii po enangeko noupuna, nokutya eendjayambo noikunwayambo yokuyambela Omwene Kalunga keni.

JOEL 2:17

Ovapristeli, ovapiya vOmwene, nava kale nokulila pokati koshivelo noaltari, nava tye: “Akutu Omwene, xupifa oshiwana shoye, noshifyuululifwa shoye, ino shi efa shi fifwe ohoni, vaha shekwe koiwana. Oshike tava ka tya mokati koiwana: ‘Kalunga kavo oku li peni?’ ”

NUMERI 28:14

Ndele oikunwayambo yavo i nomaviinyu eelita mbali kongobe imwe yomhedi olita netata kodi imwe nolita limwe kodjona imwe. Lo exwikiloyambo kohani keshe ipe meehani domudo.

NUMERI 28:4

Odjona imwe mu noku i yamba ongula, nodjona ikwao mu noku i yamba onguloshi,

NUMERI 28:7

Ndele pamwe nalo oikunwayambo, yo olita limwe kodjona keshe. Metwali liyapuki u nokuyambela Omwene oikunwayambo yomaviinyu e neenghono.

NUMERI 29:6

ponho yexwikiloyambo lohani ipe neendjayambo dalo nexwikiloyambo lomafiku aeshe neendjayambo dalo, noikunwayambo yalo papukululomhango layo i ninge edimba liwa, omundiloyambo kOmwene.

1 OVAKORINTO 4:1

Keshe umwe ne tu tale ofye ovapiya vaKristus, nomalenga oiholekwa yaKalunga.

1 OVAKORINTO 9:13

Onye kamu shi shii, ava hava longo oilonga yotembeli, otava li ei yomotembeli, naava tava longo oilonga poaltari, otava mono oipewa yavo poaltari?

2 OVAKORINTO 11:23

Vo ovapiya vaKristus, ohandi popi ngaashi elai, ame ndi va dule. Ame ndi va dule moilonga nomokwiidililwa modolongo, luhapu, onda dengwa nokudengelelwa unene, luhapu onda li hanga ndi fye.

2 OVAKORINTO 3:6

Oye tuu ou e tu longekida yo tu kale ovayakuli vehangano lipe, hapamanyolo, ndelenee omOmhepo, osheshi omanyolo taa dipaa, ndelenee Omhepo otai yandje omwenyo.

2 OVAKORINTO 6:4

ndelenee moinima aishe ohatu liholola ofye ovayakuli vaKalunga: melididimiko linene, momahepeko, momaluhepo, momafininiko,

EHOLOLO 11:3

Ndele ame ohandi pe eendobwedi dange mbali okuxunganeka omafiku eyovi limwe nomafele avali nomilongo hamano, va djala eeshako.”