JOEL 1:12 - Ombibeli Iyapuki

¹² Omuviinyu wa kukuta, omukwiyu wa fya, omugranati nomulunga nomuti womuapula omiti adishe domoshilongo oda kukuta. Osheshi ehafo la fifwa ohoni, ola dja po kovana vovanhu.

JOEL 1:12 ပူးပေါင်းရင်းမြစ်များ

OMAPSALOME 4:7

Ove wa pa nge ehafo momutima wange, eli li dule lavo, eshi ve noshishipo shoilya nomaviinyu.

OMAPSALOME 92:12

Omukoshoki ota kulifwa, a fa omuti womulunga, ota mene ta i pokule, ngaashi omuti womusederi wokuLibanon.

EIMBILOELELA 2:3

Ngaashi omuti womuapula u li mokati komiti domomufitu, osho omuholike wange e li mokati kovamati. Nda hala okukala omutumba momudidimbe wao, noshiimati shao oshinyenye mokanya kange.

EIMBILOELELA 4:13

Oitutuma yoye oyo oshikunino shomiti tadi imi eegranati, noiimati inyenye i nondilo, eenhemo dohenna nodonarde,

JESAJA 16:10

Ehafo neimbilo leteyo ola kufwa mo nomadilopya nomomapya omiviinyu enyaku ola mwena. Omukoli womaviinyu ita kolele mo vali omaviinyu moshikolelo. Ame nda mweneka.

JESAJA 24:11

Momapandavanda omu na elilaano omolwomaviinyu, ehafo ola mwena noudano owa tembuka mo moshilongo.

JESAJA 24:7

Omaviinyu taa nyika oufiye, nomuviinyu owa fyoluteni, ovahafimwenyo aveshe ohava nyemata.

JESAJA 9:3

Ove to hapupalifa oshiwana ndele to shi pe enyaku linene; ndele vo otava hafele koshipala shoye, ngaashi tapa hafelwa efiku leteyo nongaashi tapa kuwililwa metukulo loitinhwa.

JEREMIA 48:3

Pwilikina! MuHoronaim tamu kuwa onghuwo: “Ehanauno nedipao lidjuu!”

JEREMIA 48:33

Ehafo nekuwililo la mwena moikunino yoiimati nomoshilongo shaMoab. Omaviinyu onde a mana mo moikolelo. Eeviinyu itadi lyatelwa vali nokukuwilila, e kuwililo lihe fi vali ekuwililo lehafo.

JOEL 1:10

Omapya a ninga omaputu, edu la nyika oufiye, osheshi oilya ya hanaunwa po. Omaviinyu a kuka, omaadi kae po vali.

JOEL 1:16

Eendja inadi kufwa tuu moipafi yetu nehafo nekuwililo mongulu yaKalunga ketu?

JONA 4:7

Ndelenee mefiku lomongula, eluwa opo la tende, Omwene okwa eta eshila, ndele tali li omuti warisin, ndele tau fi.

HAGGAI 2:19

Omu na tuu ombuto melimba? Heeno, omuviinyu woovene nomukwiyu nomuti wagranati nolumono inadi ima sha. Kokudja kefiku tuu eli, ohandi ka yandja enangeko noupuna.”

MALAKIA 3:11

Noshipaxu yo ohandi ke shi taataa punye, opo shiha hanaune po oiimati yomapya eni. Nomiviinyu domomapya itadi ka kala itadi ima, Omwene womatanga ovakwaita ta ti.

NUMERI 13:23

Opo nee va fika fiyo omefilu laEskol, ndele oko va teta po eshila la li li neeviinyu, ndele ovanhu vavali va li ve noku li humbata komutengi, nosho yo va kufa oiimati yagranati neenghwiyu.