JEREMIA 9:4 - Ombibeli Iyapuki

⁴ Kaleni mwa lungama, keshe umwe okaume kaye, ndele inamu lineekela omukweni nande umwe, osheshi omumwanyoko ote ku kengelele nokeshe omukweni ota ende nomalundilo.

JEREMIA 9:4 ပူးပေါင်းရင်းမြစ်များ

GENESIS 32:28

Opo nee winya ta ti: “Ove ito ka ifanwa vali Jakob, ndelenee Israel. Osheshi ove wa kondja naKalunga novanhu, ndele wa dula.”

OMAPSALOME 101:5

Ou ta ambe mukwao meholeko, oye handi mu nyonauna po; ou e nomesho taa nyikifa oukengeli nomutima wa nyika elitumbaleko, ye ota nyonyodolifa nge.

OMAPSALOME 15:3

noita popyaana nelaka laye noita ningile omukwao owii, nomushiinda waye ite mu fifa ohoni.

OMAYELETUMBULO 10:18

Ou ta holeke ehandu, e nomilungu doipupulu. Ndele ou ta tandavelifa omalundilo, ye elai.

OMAYELETUMBULO 25:18

Omulumenhu wondobwedi yoipupulu kumukwao, oye ngaashi odibo, neongamukonda noshikuti sha upikwa.

OMAYELETUMBULO 4:16

Osheshi vo hava nyengwa okukofa ngeenge itava longo owii. Ndele itava kumuka, fimbo inava pundukifa omunhu.

OMAYELETUMBULO 4:17

Osheshi vo ohava li omungome wouhenakalunga, ndele hava nu omaviinyu oukolokoshi.

OMAYELETUMBULO 6:16

Oinima ei iheyali Omwene te i tondo, noinima iheyali oyo oixuna komwenyo waye:

OMAYELETUMBULO 6:19

ondobwedi i noipupulu tai tandavelifa oipupulu ndele tai kunu eemhata mokati kovamwaina ovalumenhu.

JESAJA 59:13

otwe liteeka Omwene noku mu lidimbika, nokulikufa meshikulo laKalunga ketu, twa popya eendjovo domanyeko nodondubo, twe di humbatela meni letu nomomutima twa pitifa mo eendjovo doipupulu.

JESAJA 9:16

Ovakwateli komesho voshiwana eshi ova ninga ovapukifi, novakwatelwa komesho ove lihanifwa.

JEREMIA 12:6

Osheshi novamwaxo neumbo laxo navo yo otava ende nomakoto naave, navo yo otave ku ingida pombada konima yoye. Ino ve lineekela nande nave ku popife noukaume.

JEREMIA 6:28

Aveshe ovanandubo ve dule ovanandubo vamwe. Ve hole omalundilo. Vo oshikushu noivela, aveshe va nyonauka.

JEREMIA 9:8

Omalaka avo oshikuti shefyo, otaa popi ekonda. Nomakanya avo hava popifa ombili nomukwao, ndelenee momitima davo ohave va nangele.

HESEKIEL 22:9

Mwoove mwa li ovalundili va tilashi ohonde, ndele pwoove vo va lile keemhunda ndele va ninga oififahoni mwoove.

LEVITIKUS 19:16

Ino endaenda mokati kovanhu ngaashi omupopyaani. Ino nangela omwenyo wamukweni. Aame Omwene.

MALAKIA 2:10

Fye katu na mbela Tate umwe aeke? Fye inatu shitwa mbela kuKalunga kamwe akeke? Omolwashike hano fye hatu kala nokulitongola ndele hatu teya po ehangano lootate?

MATEUS 10:17

Ndelenee lungameni ovanhu, osheshi otave mu yandje koiongalele yovatokoli ndele tave mu dengele meeshinagoga davo;

MATEUS 10:21

“Ndelenee omumwaxe ta yandje omumwaxe mokufya, naxe omona waye, nounona otava ka twa ondubo novakulunhu vavo, ndele tave va dipaifa.

LUKAS 21:16

Ndele nye otamu yandjwa kooxo nokoonyoko nokovamwanyoko nokovakweni nokookaume keni, vamwe vomunye tava ka dipawa kuvo,

1 OVATESSALONIKI 4:6

ndele kuha kale ou ta nyeka omukwao note mu etele oshiponga nande omoshinima shimwe, osheshi Omwene Oye omuhandukili waaveshe ava, ngaashi twe mu lombwela nale notwe mu hepaululila.