JEREMIA 8:4 - Ombibeli Iyapuki

⁴ Ndele ove va lombwela u tye: Omwene ota ti: Ou e lidenga poshi, ita penduka po ngeno? Naau a puka ondjila, ita pukuluka mbela?

JEREMIA 8:4 ပူးပေါင်းရင်းမြစ်များ

1 EEHAMBA 8:38

Ngeenge mefimbo olo pena umwe womOvaisraeli ou a fya oluhodi nota yelula omake aye kotembeli nokwiilikana,

OMAYELETUMBULO 24:16

Osheshi luheyali omuyuki ta punduka ndele ta penduka vali, ndelenee ovahenakalunga tava ka wila momupya.

JESAJA 44:22

Ame ohandi dimi po omatauluko oye ngaashi omudidimbe nomatimba oye ongaashi oshilemo. Alukile nge, osheshi Ame onde ku kulila.

JESAJA 55:7

Omudinikalunga na efe ondjila yaye nomukolokoshi omadiladilo aye, ye a alukile Omwene, opo nee Ye ote mu file onghenda; ye na ehene kuKalunga ketu, osheshi puye ope nedimepo lomatimba mahapu.

JEREMIA 23:14

Ndelenee movaxunganeki vomuJerusalem onda hanga mo oixuna yongaho inene; vo ohava teya ohombo nohava ende noipupulu. Vo ohava pameke omake ovalongi vowii, nosho ngaha itapa monika nande umwe te lidilulula kowii waye. Vo aveshe ove li moipafi yange ngaashi Sodom, noonakukalamo musho ngaashi Gomorra.”

JEREMIA 3:1

“Okwa tiwa, omulumenhu ngeenge ta henge po omukainhu waye, ndele ta di po puye, ndele omukainhu ta hombolwa komulumenhu umwe, omulumenhu ota dulu tuu okushuna vali kuye? Oshilongo itashi nyatekwa mbela koshinima shi fike apa? Ndele oove, nande wa haelwa kookaume voye vahapu, alukila kwaame, Omwene osho ta ti!

JEREMIA 3:22

“Alukeni, akutu nye ounona oonakuliteeka nge, Ame ohandi velula okuliteeka kweni.” Ndele nye tamu ti: “Tala, ohatu uya kwoove, osheshi Oove Omwene Kalunga ketu.

JEREMIA 36:3

Kashiimba epata laJuda tali ka uda omupya oo aushe nde u li diladilila notali lialuluka keshe umwe kondjila yaye ii, opo ndi va dimine po oilonga yavo ii nomatimba avo.

JEREMIA 4:1

Israel ngeenge to aluka, Omwene ta ti, aluka u uye kwaame. Nongeenge to kombo po oixuna yoye koshipala shange, opo nee ito pumbwa okweelaela vali.

HESEKIEL 18:23

Ame ngeno ndi hokwe efyo lomuhenakalunga? Omwene Kalunga ta ti. Hasheshi ngeno, ye ote lialuluka keendjila daye ndele ta kala e nomwenyo?

HOSEA 14:1

Israel, alukila kOmwene Kalunga koye, osheshi wa pundukifwa komanyonauno oye.

HOSEA 6:1

Otava ti: “Efraim, ohandi ku ningi ngahelipi, akutu Juda, ohandi ku ningi shike, eshi ohole yeni i li ngaashi oshilemo shongula, nongaashi omume tai yaumuka diva?

HOSEA 7:10

Heeno, ounhwa waIsrael tau mu pe oushima, ndele itava alukile kOmwene, Kalunga kavo, ndele itave mu kongo, nande pe li ngaha.

AMOS 5:2

Okakadona kaIsrael ka wila po, ko itaka ka penduka po vali. Ngaashi ou a natwa po osho tali nangala kedu lalo. Kape na ou te ka yambula po.

MIKA 7:8

Omutondi wange, ino kala nokuhafela nge! Nande nda punduka, ohandi yambuka po vali. Nande ndi kale omutumba momilaulu, Omwene Oye ouyelele wange.