JEREMIA 8:2 - Ombibeli Iyapuki

² ndele taa ka nyanekwa koshipala shetango nokoshipala shohani nokoshipala shongudu aishe yomeulu (eenyofi) va li ve i hole nove i longela, ndele ve i shikula ndele tave i kongo ndele tave i linyongamene. Omakipa oo itaa ongelwa vali noitaa pakwa vali, otaa ningi oushosho womedu.

JEREMIA 8:2 ပူးပေါင်းရင်းမြစ်များ

2 EEHAMBA 17:16

Ndele va efa oipango aishe yOmwene Kalunga kavo, ndele ve li ningila omafano a telekwa, eenhana mbali doshivela, heeno, nolupwelele laAsera ve li ningila, ndele ve linyongamena keengudu adishe dokeulu nokulongela Baal.

2 EEHAMBA 21:3

Ye okwa tungulula vali oikulundu inya, xe Hiskia a ngumauna po. Nokwa dikila Baal eealtari, nokwa ninga olupwelele laAsera ngaashi Ahab, ohamba yaIsrael, a ninga, ndele te linyongamene koshipala sheengudu adishe dokeulu ndele te di fimaneke.

2 EEHAMBA 21:5

Nokwa tungila eengudu adishe dokeulu eealtari moihale aishe ivali yongulu yOmwene.

2 EEHAMBA 23:5

Ndele yo oya lekela yo ovapristeli voikalunga ava va tulwa moshilonga keehamba daJuda, ava va twimina koikulundu nomoushiinda waJerusalem, nosho yo venya va twiminina Baal netango nohani neengudu deenyofi nongudu aishe yokeulu.

OMAPSALOME 53:5

Opo tuu opo va tilifwa va kakama, nande kapa li oshitilifi; osheshi Kalunga okwa li a halakanifa omakipa ovakondekeli voye; ove we va xutula, osheshi Kalunga okwa li e va ekelashi.

OMAPSALOME 83:10

ava va nyonauninwe po kuEndor, noimhu yavo ya ninga oushosho womepya.

OMAPSALOME 83:11

Oidale yavo i ninga ngaashi wa ningile Oreb naSeeb, novadalekele vavo aveshe ongaashi Seba naSalmunna,

OMUUDIFI 6:3

Omulumenhu nande a dale ovana efele limwe ndele a kale ngeno e nomwenyo omido dihapu nomafiku mahapu omido daye nomwenyo itau wana kouwa ndele ita ka lilwa eefya; opo nee handi ti: ohele i mu dule.

JEREMIA 14:16

Noshiwana osho sha xunganekelwa kuvo otashi ka nangala momapandavanda aJerusalem, sha fya kondjala nokeongamukonda, nopehe na ou te va pake, voovene novalikadi vavo novana vavo ovamati noukadona. Osho ngaha owii wavo vene ohandi u tile kombada yavo.

JEREMIA 16:11

Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange.

JEREMIA 16:4

Otava ka fila momaudu okufya, itava lilwa eenghali noitava pakwa. Otava ningi oushosho womedu. Otava ka pwa po keongamukonda nokondjala, noimhu yavo otai ningi eendja deedila dokeulu nodoifitukuti.

JEREMIA 16:6

Ovakulunhu nounona ove nokufila medu eli, itava ka pakwa. Itava ka lilwa eenghali. Kape na ou te va lile eenghali ile te likululile omapalu omolwavo.

JEREMIA 19:13

Neengulu domuJerusalem neengulu deehamba daJuda otadi ningi ngaashi onhele yaTofet, nokutya keenduda deengulu odo adishe ova yambela ongudu yeulu nova tilila oikalunga oikunwayambo.

JEREMIA 22:19

Ngaashi okambulu taka fudikwa, osho ta fudikwa yo, ta ka kokololwa ndele ta ekelwashi kokule pondje yoivelo yaJerusalem.”

JEREMIA 25:33

Ndele mefiku tuu linya oonakudipawa kOmwene otava ka kala nokunangala kominghulo dounyuni fiyo ominghulo dikwao, itava lilwa eenghali vo itava pakwa; otava ningi oushosho wedu.

JEREMIA 31:40

Nefilu alishe pamwe noimhu yalo nomute walo nehenene alishe fiyo okamulonga kaKidron, nofiyo okekololo lOshivelo sheenghambe, lwokoushilo, oli nokukala la yapulilwa Omwene. Onhele ei itai hanaunwa po vali nongaashi itai teyaulwa fiyo alushe.”

JEREMIA 36:30

Onghee Omwene ota popi Jehoiakim, ohamba yaJuda ndele ta ti ngaha: Ye ita ka kala e noludalo tali kala omutumba kolukalwapangelo laDavid. Oshimhu shaye otashi ka ekelwashi shi nangale moupyu womutenya nomoutalala woufiku,

JEREMIA 9:20

Pwilikineni hano onye ovalikadi, ondjovo yOmwene, omatwi eni naa tambule ondjovo yomokanya kaye; ovana veni oukadona va longeni okulila eenghali, longafaneni omaimbilo oufiye.

JEREMIA 9:21

Osheshi efyo ola londa nokupitila mo momakende etu, le uya mo meengulu detu doupuna, li lye ounona momapandavanda novanyasha moilandelo.

JEREMIA 9:22

Popya, u tye: Omwene osho ta ti: Oimhu yovanhu tai ka nangala kombada yedu ngaashi oushosho mepya nongaashi eenhumbulu di li konima yomukashuli, ndele pehe nomunhu te i ongele.

HESEKIEL 29:5

Ndele Ame ohandi ku ekele mofuka, oove mwene noikwameva aishe yomomilonga doye. Ove oto ka fila moluhaela. Ito ongelwa ngaashi ito kombelelwa. Ame ohandi ku yandje u ninge eendja doilyani yokombada yedu nodeedila dokeulu.

HESEKIEL 39:5

Moluhaela longaho oto ka fila mo. Osheshi Ame nde shi tya, Omwene Kalunga ta ti.

HESEKIEL 6:5

Ndele ohandi ka ekelashi oimhu yovana vaIsrael moipafi yoikalunga, nomakipa eni ohandi ke a halakanifila keembinga neembinga domayambelo.

HESEKIEL 8:16

Opo Ye okwa twala nge momukala womeni lotembeli yOmwene; ndele tala, poshivelo shotembeli yOmwene, pokati koshivelo shopondje noaltari, opa kala ovalumenhu ve fike ngeno pomilongo mbali navatano, va pilamena otembeli yOmwene ndele va taalela koushilo, ndele va wila eombe langhele lwokoushilo mokufimaneka etango.

SEFANIA 1:17

Novanhu ohandi ke va twala moudjuu unene, ndele otava ka elaela ngaashi ovapofi, osheshi ova nyona kOmwene. Nohonde yavo otai ka tilwashi ngaashi ondwi, naashi shomeni ngaashi onyata.

SEFANIA 1:5

naava have linyongamene kombada yeenduda nokwiilikana eengudu dokeulu, naavo have linyongamene nokwiilikana Omwene nokwaana kuye ndele hava ane yo kuMilkom,

OILONGA YOVAYAPOSTOLI 7:42

Ndelenee Kalunga okwe va pilamena ndele okwe va efa va longele ongudu yovakwaita vomeulu, ngaashi momishangwa dovaxunganeki mwa tiwa: ‘Onye vomeumbo laIsrael, mwa etela nge tuu mbela omayambo omatomeno nomaxwikilo makwao omido dinya omilongo nhee mombuwa?

DEUTERONOMION 17:3

ndele ta i okulongela oikalunga imwe noku i linyongamena, ile etango ile ohani ile ongudu aishe yokeulu, Ame inandi shi tonga,

DEUTERONOMION 4:19

Ove uha yelule omesho oye keulu, ove ngeenge to mono etango nohani neenyofi, eengudu adishe dokeulu, uha pukifwe u linyongamene kudo noku di longela, oinima Omwene Kalunga koye okwe i tukulila oiwana aishe koshi yeulu alishe.