JEREMIA 7:8 - Ombibeli Iyapuki

⁸ Ndelenee tala, nye hamu lineekele eendjovo doipupulu dihe nekwafo lasha.

JEREMIA 7:8 ပူးပေါင်းရင်းမြစ်များ

JESAJA 28:15

Osheshi ohamu ti: Fye otwa hangana nefyo, otwa pangela omhangela noshovafi; omupya nau tondoke po ngaashi efundja, itau tu hange, osheshi oipupulu otwe i ninga eameno letu notwa hondama momakoto.

JESAJA 30:10

ovovo tava lombwele ovamoni vomamoniko: “Inamu mona! Novaxunganeki: Inamu tu xunganekela eshi sha yuka. Tu lombweleni eshi fye twa hala; xunganekeni oipupulu;

JESAJA 59:4

Kape na umwe ta hokololifa mouyuki nopehe na ou ta twifa mukwao eemhata moshili. Vo ohave lineekele dongaho, ndele tava popi doipupulu, ova ninga ovafimba voupyakadi, ndele tava dala oixuna.

JEREMIA 13:25

Oshipewa shoye noshitukulwa shoye nde shi ku tukulila, osho eshi, Omwene ta ti, shaashi ove owa dimbwa nge nowe lineekela oipupulu.

JEREMIA 23:26

Hano fiyo onaini tashi kala ngaha? Ovaxunganeki ava tava xunganeke oipupulu ndele tava xunganeke omakoto omomitima davo, ove na shike momadiladilo avo?

JEREMIA 23:32

Tala, Ame onda hala okuhanga ava tava xunganeke eendjodi davo doipupulu, Omwene ta ti, vo otave di hepaulula notava pukifa ovanhu vange noipupulu yavo nonokulitanga kwavo, nande Ame inandi va tuma, Ame inandi va lombwela, nongaashi kave na eshi tava kwafa ovanhu vange. Omwene osho ta ti.

JEREMIA 28:15

Ndele omuxunganeki Jeremia okwa tya komuxunganeki Hanania: “Hanania, pwilikina! Omwene ine ku tuma, ahowe, ndelenee oshiwana eshi ove we shi lineekelifa oipupulu.

JEREMIA 4:10

Opo ame onda tya: “Akutu, Omwene Kalunga, oshili Ove wa limbilika oshiwana eshi nOvajerusalem, eshi wa tile: Onye otamu ka kala mu nombili, ndele eongamukonda otali tyuula fiyo momwenyo.”

JEREMIA 5:31

Ovaxunganeki otava xunganeke oipupulu, ovapristeli ohava pangele pahalo laavenya; novanhu vange osho ve hole osho. Ndelenee hauxuuninwa otamu ka ninga ngahelipi?

JEREMIA 7:4

Inamu lineekela eendjovo doipupulu, eshi tava ti: Otembeli yOmwene, otembeli yOmwene, otembeli yOmwene oyo ei.

JEREMIA 8:10

Onghee hano ovakainhu vavo ohandi ke va yandja kovanailongo nomapya avo okovanyeki vavo, osheshi aveshe, ovanyasha novakulunhu ova hokwa eliko loulunde, okovaxunganeki fiyo ovapristeli, aveshe ohava fufya nohava kengelele.