JEREMIA 7:4 - Ombibeli Iyapuki

⁴ Inamu lineekela eendjovo doipupulu, eshi tava ti: Otembeli yOmwene, otembeli yOmwene, otembeli yOmwene oyo ei.

JEREMIA 7:4 ပူးပေါင်းရင်းမြစ်များ

1 EEHAMBA 9:7

opo nee Ame ohandi ka halakanifa Ovaisraeli medu lavo, nde li va pa, nongulu oyo Ame nde i yapulila edina lange, Ame ohandi ke i ekelashi koshipala shange, opo Israel tashi ka ninga oshitevo neimbilo lesheko mokati koiwana aishe.

JESAJA 48:2

osheshi ove lilukila oshilando shiyapuki, ndele tave lineekele Kalunga kaIsrael; edina laye Omwene womatanga ovakwaita.

JESAJA 59:4

Kape na umwe ta hokololifa mouyuki nopehe na ou ta twifa mukwao eemhata moshili. Vo ohave lineekele dongaho, ndele tava popi doipupulu, ova ninga ovafimba voupyakadi, ndele tava dala oixuna.

JESAJA 66:1

Omwene osho ta ti: Eulu olo olukalwapangelo lange, nedu olo oshipundi sheemhadi dange. Ongulu ei tamu i tungile nge oi li peni? Nonhele yokutulumukwa kwange oi li peni?

JEREMIA 28:15

Ndele omuxunganeki Jeremia okwa tya komuxunganeki Hanania: “Hanania, pwilikina! Omwene ine ku tuma, ahowe, ndelenee oshiwana eshi ove we shi lineekelifa oipupulu.

JEREMIA 29:23

osheshi ova longa oshilonga shoixuna muIsrael nova haela novakainhu vookaume kavo, nova popya eendjovo medina lange inandi di va lombwela. Ndele Ame ou ondi shi shii, Aame ondobwedi, Omwene osho ta ti.’ ”

JEREMIA 29:31

“Shangela eenghwate adishe ondjovo ei ove u tye: ‘Omwene ota popi Shemaia, Omunehelami ngaha: Shaashi Shemaia e mu xunganekela, Ame nande inandi mu tuma, nokwa hongaula mu lineekele oipupulu,

JEREMIA 6:14

Ndele vo ova hala okuhakula noupu oshiponga shomona okakadona koshiwana shange, eshi tava ti: Ombili, ombili. Nande kape nombili.

JEREMIA 7:14

osho hano ongulu ei ya lulikwa edina lange, ndele tamu i lineekele, nonhele ei nde i mu pa, onye nooxokulu, nda hala ndi ninge ngaashi nda ninga Silo.

HESEKIEL 13:19

Ndele nye otamu dinifa nge mokati kovanhu omolwouyadi wokushambekela omahangu nomolwoupambu vavali vomungome mu dipae eemwenyo, odo da li di nokukala nomwenyo, fimbo mwa diinina eemwenyo da li di nokufya, eshi mwa pukifa oshiwana shange osho tashi pwilikine oipupulu.”

MIKA 3:11

Ovakulunhu vasho, eendjovo otave di tokolele ombubo. Novapristeli vasho otava longele ofuto, novaxunganeki tava xunganekele oimaliwa. Nande ongaha, vo otave liameke kOmwene, ndele tava ti: “Omwene ita kala hamba mokati ketu? Kape noshiponga tashi ke tu hanga.”

SEFANIA 3:11

Mefiku tuu olo, ove ito shiiva vali okufya ohoni molwoilonga yoye aishe wa nyona nayo kwaame. Osheshi Ame ohandi ka kufa mo mokati koye ovalinenepeki voye novanyakukwi voye, opo uha kale vali nokulinenepeka komhunda yange iyapuki.

LUKAS 3:8

Imikeni hano oiimati yelidilululo, nye muha hovele okulipopila nokutya: ‘otu na tate Abraham;’ osheshi handi mu lombwele, Kalunga ta dulu okupendulila Abraham ounona momamanya aa.