JEREMIA 5:9 - Ombibeli Iyapuki

⁹ Ame ondi va tale nondihe va handukile ngeno molwaasho? Omwene ta ti; ile omwenyo wange itau kala nokuhandukila ngeno oshiwana sha tya ngaha?

JEREMIA 5:9 ပူးပေါင်းရင်းမြစ်များ

OMAYELETUMBULO 6:29

Osho ngaha tashi ningilwa ou ta i mo momukainhu wamukwao. Keshe umwe te mu kumu, ita kala ina handukilwa.

JESAJA 1:24

Opo nee Omwene, Omwene womatanga ovakwaita, Omunaenghono waIsrael ta popi, ta ti: “Woo! Ehandu lange onda hala oku li polifila movatondi vange nonghone yange okwaava va twa ondubo naame.

JESAJA 57:6

Okombada yomamanya olukwelengedje mefilu opo pe na oshitukulwa shoye, heeno, osho oshipewa shoye; oko we va tilila oikunwayambo nowe va etela eendjayambo! Ngeno osho nee tashi wanene nge osho?

JEREMIA 23:2

Onghee hano Omwene Kalunga kaIsrael mokupopya ovafita ava, hava lifa ovanhu vange, ota ti: “Nye omwa halakanifa po eedi dange nomwe di ta po, nye inamu di diinina. Tala, paife onda hala ndi diinine moku mu handukilila oilonga yeni ii, Omwene osho ta ti.

JEREMIA 32:31

Osheshi oshilando eshi okudja kefiku olo sha tungwa fiyo onena osha kala efina lehandu lange noloupyuhandu wange, ndele Ame nda hala oku shi kandula po momesho ange,

JEREMIA 44:22

Opo Omwene ina dula vali oku li lididimikila owii woilonga yeni nomolwoixuna mwe i longa, onghee oshilongo sheni osha ninga omakulukuma nomaputu nondjovo yefingano shihe novanhu, ngaashi shi li nena eli.

JEREMIA 5:10

Londeni kohotekuma yasho nye mu shi hanaune po, ndelenee inamu shi teyaula po sheke. Teteni po omashila omiviinyu, osheshi kae fi Omwene.

JEREMIA 5:29

Hano ondi kale ngahelipi itandi va handukile ngeno, Omwene osho ta ti, ile omwenyo wange u kwatele ovanhu va tya ngaha onghone?

JEREMIA 6:11

Opo nee ame onda yada oupyuhandu wOmwene, itandi dulu oku u kelela. U tila hano kombada younona vomomapandavanda nokombada yeengudu dovanyasha, kombada yaaveshe, osheshi omulumenhu nomukainhu ove nokukwatwa, nomunyeumbo pamwe nomukulunhu weenghwakutoka.

JEREMIA 6:6

Osheshi Omwene womatanga ovakwaita ota ti ngaha: Ka keni omiti nye mu umbe ongubu ya dingilila Jerusalem! Oshilando osho tuu osho oshi nokuhandukilwa, sho shi yadi oukolokoshi meni lasho.

JEREMIA 9:8

Omalaka avo oshikuti shefyo, otaa popi ekonda. Nomakanya avo hava popifa ombili nomukwao, ndelenee momitima davo ohave va nangele.

JEREMIA 9:9

Ame ondi kale ngeno inandi va handukila molwoshinima eshi, Omwene osho ta ti, ile omwenyo wange uha kale nokuhandukila oshiwana sha tya ngaha?

OMAIMBILOKEMO 3:42

“Ofye otwa tauluka ndele twa kala tu noita. Ove ino tu dimina po.

OMAIMBILOKEMO 4:22

Okuhandukilwa kwoye omona okakadona Sion okwa xula. Oye ite ku efele vali moupika. Ndelenee owii woye, oove omona okakadona Edom, ote u kongolola po, ta holola omatimba oye.

HESEKIEL 7:9

Neisho lange itali ka tala nolukeno ndele ihandi ka filonghenda. Ame ohandi efa eendjila doye di ku hange, noixuna yoye tai ka kala mokati koye, ndele nye tamu ka shiiva kutya, Aame Omwene ou ta denge.

HOSEA 2:13

Osho ngaha handi mu handukilile omafiku ooBaal fimbo e di twiminina omatwiminoyambo, nokwe liwapeka noulinga vomeyulu noilanda vomofingo, ndele a lambalala ovaholike vaye, ndelenee ye a dimbwa nge, Omwene osho ta ti.

HOSEA 8:13

Ohava yambe ombelela etomenoyambo lange. Ndele tave i li po. Omwene ine shi hokwa. Paife ota ka dimbulukwa owii wavo, ndele ta handukile omatimba avo. Ove nokushuna kuEgipiti.

LEVITIKUS 18:25

Osho ngaha hano edu la nyatekwa. Ndele Ame ohandi ke li kwatela onghone molwoilonga yavo ii, opo edu li kunge mo oonakukalamo.

LEVITIKUS 26:25

Ndele Ame ohandi mu tumine eongamukonda. Lo otali ka wanifa ehandu lange molweteyo lehangano, ndele nye ngeenge tamu shuna moilando yeni, Ame ohandi ka tuma oudu wolutapo mokati keni, ndele nye tamu ka yandjwa momake ovatondadi veni.

NAHUM 1:2

Omwene Oye Kalunga omuladi nomukongololi, heeno, Omwene Ye omukongololi, e yadi oupyuhandu. Omwene Ye omukongololi kovatondi vaye, ndele ta diinine ehandu laye kovatondadi vaye.

DEUTERONOMION 32:35

Ehandu olange, Ame ohandi futu mefimbo tuu olo omhadi yavo tai punguluka. Osheshi efiku lehanauno lavo oli li popepi, ndele eshi she va sheyelwa tashi uya diva.

DEUTERONOMION 32:43

“Kuwilileni nye oiwana, molwoshiwana shange, osheshi Ye ota ka pula ohonde yovapiya vaye, ndele ta ka handukila ovatondi vaye nokukwatakanifa oshilongo shaye noshiwana shaye.”