JEREMIA 5:7 - Ombibeli Iyapuki

⁷ Ondi ku diminine po shike? Oludalo loye ola efa nge ndele ola ana kwaau ehe fi Kalunga. Ame onde va kutifa, ndelenee vo ova teya omahombolo ndele va ongala eengudu neengudu meumbo lombwada.

JEREMIA 5:7 ပူးပေါင်းရင်းမြစ်များ

OVAGALATI 4:8

Ndelenee nale, fimbo inamu shiiva Kalunga, omwa li hamu longele ei ihe fi ookalunga koludi layo.

JEREMIA 2:11

Ope na tuu oshiwana sha pingakanifa oikalunga yasho, nande kai fi Kalunga? Ndelenee ovanhu vange ova pingakanifa oshinge shavo noinima yongaho kai nekwafo.

JOSUA 23:7

Inamu dongakana noiwana oyo ya xupa po tai kala pamwe nanye. Inamu tumbula omadina oikalunga yavo ndele inamu ana kuyo, ndele inamu i longela ndele inamu linyongamena kuyo.

DEUTERONOMION 32:21

Vo ova pendula ouladi wange mwaashi shihe fi Kalunga. Vo va handukifa nge molwoikalunga yavo yongaho. Opo nee Ame ohandi ka pendula ouladi wavo molwoshiwana shihe fi oshiwana, noshiwana shihe neendunge, ohandi va handukifa.

SEFANIA 1:5

naava have linyongamene kombada yeenduda nokwiilikana eengudu dokeulu, naavo have linyongamene nokwiilikana Omwene nokwaana kuye ndele hava ane yo kuMilkom,

1 OVAKORINTO 8:4

Mokupopya hano okulya kwombelela yeyambo, fye otu shi shii, mounyuni kamu na nande oikalunga, ndele ngaashi kaku na Kalunga umwe e lili, Oye tuu ou umwe aeke.

JEREMIA 23:10

Osheshi edu ola yada ovatei vohombo. Edu otali nyika oufiye molwefingo. Oufita wokomalondo wa kukuta, eshi tave shi hokele, oshii. Naapa tave likongele neenghono davo osho sho inashi yuka.

DEUTERONOMION 32:15

“Opo nee Jesurun okwa ondoka nokwa umba omalunha, ove wa ondoka, wa pama, wa nyina, ndele ye okwa efa Kalunga, ou e mu ninga, nokwa dina emanya laye lexupifo.

JAKOB 4:4

Ovanyoni vohombo nye, kamu shi shii hamba nokutya, oukaume wounyuni ou owo okutonda Kalunga? Hano ou a hala okukala kaume kounyuni, ota ningi omutondi waKalunga.

JEREMIA 12:16

Ndele ngeenge otave lilongo noudiinini okushiiva eendjila doshiwana shange ndele tava ane medina lange: Oshili, ngaashi Omwene e nomwenyo, ngaashi va longa oshiwana shange okwaana kuBaal, nena tava nangekwa moshiwana shange.

1 OVAKORINTO 6:9

Mboli kamu shi shii nokutya, ava vehe fi ovayuki itava fyuulula ouhamba waKalunga? Inamu puka, ovahaeli novakaleli voikalunga, novanyoni vohombo nomashenge, novahaeli vomashenge,

MALAKIA 3:5

Ndele Ame ohandi ka ehena kunye ndi ninge etokolo, ndele Ame handi endelele okuninga ondobwedi ndi tokole eendudu novatei vohombo naava va ana moipupulu nohava fininike omulongeli wondjabi mokufuta, novafiyekadi neefiye. Naava hava ngolyola eendjovo domunailongo ndele itava tila nge. Omwene womatanga ovakwaita ta ti.

AMOS 8:14

vo ava hava anene etimba laSamaria, ndele ohava ti yo: ‘Oshili ngaashi kalunga koye e nomwenyo, Dan!’ Navali: ‘Oshili ngaashi eenghedi domuBerseba di nomwenyo!’ Ndele vo otava ka wila po noitava ka penduka vali.”

HOSEA 13:6

Ova kuta paulifilo wavo. Ndele eshi va kuta, momitima davo ve linenepeka. Onghee hano va dimbwa nge.

HOSEA 11:8

Ondi ku efe ngahelipi, Efraim, nondi ku ekeleshi ngahelipi, Israel? Ondi ku efe ngahelipi ngaashi Adma, nondi ku ninge ngahelipi ngaashi Seboim? Omutima wange we lidilulula nolukeno lange lwa penduka.

HOSEA 7:4

Vo aveshe ovatei vohombo. Vo va fediko la pupyalekwa komuteleki womungome. Ye eshi a lunga olumbololo, iha ehele vali omundilo, fiyo olumbololo alishe la pya.

HOSEA 4:2

Otapa nuwa, ndele tapa fufywa, tapa dipawa, tapa vakwa, tapa teywa ohombo. Notapa tinhwa omaumbo, netimba lohonde hali shikula likwao.

HESEKIEL 22:11

Umwe okwa longa oshififahoni nomukainhu wamukwao, naumwe vali okwa nyateka oshitenya shaye omukainhu, molwoshilonga shoixuna, nomutitatu okwa fifa ohoni omumwaina omukainhu, omona waxe mwoove.

JEREMIA 13:27

Okuteya kwoye kwehombo nohole yoye yoipala noixuna yoye yoluhaelo loye kombada yoikulundudu yomoixwa, onde i mona. Woo oove Jerusalem! Ku na apa to koshoka. Tapa piti efimbo li fike peni natango, to ka koshoka?

JEREMIA 9:2

Ngeno onda li ndi nonduda yovaendanandjila mofuka, ngeno onda fiya po ovanhu vange, ndi dje po puvo! Osheshi vo aveshe ovatei vohombo, ongudu yovalunga.

JEREMIA 3:19

“ ‘Ame onda li nda diladila: “Akutu, onda hala oku ku nangeka mokati koludalo lange, ndi ku pe edu liwa linyenye li ninge efyuululo la wapala, li dule oilongo aishe mokati koiwana aishe.” Ndele onda diladila yo: “Oto kala nokwiifana nge: Tate! Ndele ito ka efa okushikula nge.”

JEREMIA 2:31

Akutu, oludalo nye, pwilikineni ondjovo yOmwene! Aame ombuwa kuIsrael vati, ile edu lomilaulu? Omolwashike hano ovanhu vange tava ti: ‘Fye hatu lipangele fye vene, itatu uya vali kwoove.’

OMAPSALOME 50:18

ngeenge to mono oshimhulu, oto litula pusho, nou nomhangela novanyoni vohombo.

LEVITIKUS 20:10

Ngeenge ope na ou ta haele omwalikadi womushiinda waye vo aveshe vavali, omulumenhu nomukainhu, ve nokudipawa shili.

OVAHEBERI 13:4

Ohombo nai fimanekwe kwaaveshe, nomutala wohombo nau kale uhe noshipo; osheshi ovaholi voipala novateihombo Kalunga te va tokola.

2 OMAFIMBO 13:9

Nye inamu taataa ovapristeli vOmwene, oludalo laAron, nOvalevi, ndele mwe likongela ovapristeli ngaashi oiwana yoikwailongo? Keshe ou e uya nongobe onona yomhedi needi heyali deemhedi a tambulwa, ye a ninga omupristeli woikalunga.

JEREMIA 7:9

Ongahelipi hano? Nye otamu vake nokudipaa nokuhaela nokwaana nokutwimina Baal nokufimaneka oikalunga yokoilongo muhe i shii,

JEREMIA 16:11

Opo nee va lombwela u tye: Osheshi ooxokulu ove liteeka nge, Omwene osho ta ti, nova shikula oikalunga nove i fimaneka nokulinyongamena kuyo, ndelenee va ekelashi nge, ndele inava diinina omhango yange.

JEREMIA 16:20

Omunhu ota dulu tuu okuli ningila oikalunga? Vo vehe fi ookalunga.

OMAIMBILOKEMO 3:42

“Ofye otwa tauluka ndele twa kala tu noita. Ove ino tu dimina po.

JOB 31:12

Heeno, osho omundilo tau lungwinifa fiyo okonhele yehanauno ndele tau mane po eliko lange alishe.

JEREMIA 3:8

Nonda koneka, nande nda henga Israel omolwoluhaelo laye noku mu pa ombapila yehengo, omumwaina Juda, ou e liteeka nge, ina tila, ndelenee okwa ya ndele ta haelwa ngaashi winya.

JEREMIA 9:1

Akutu, omutwe wange ngeno omeva, nomesho ange ofifiya yomahodi, ngeno nda lila eenghali doonakudipawa vomona okakadona koshiwana shange omutenya noufiku.