JEREMIA 5:1 - Ombibeli Iyapuki

¹ Indeni momapandavanda aJerusalem, mu tale nye mu kundane nokupulapula momapandavanda avo, ngeenge tamu mono mo umwe, ngeenge mu na nando umwe ta wanifa ouyuki ndele ta kongo oshili, opo nee ohandi shi file onghenda.

JEREMIA 5:1 ပူးပေါင်းရင်းမြစ်များ

1 EEHAMBA 19:10

Ndele ta nyamukula: “Ame nda kondjela nouladi Omwene Kalunga komatanga ovakwaita, osheshi ovana vaIsrael ve liteeka ehangano loye, va ngumauna po eealtari doye ndele va dipaa ovaxunganeki voye neongamukonda, aame andike nda xupa po, ndele tava kongo omwenyo wange, ve u kufe nge.”

2 OMAFIMBO 16:9

Osheshi omesho Omwene taa tale edu alishe, opo a kwafe neenghono ovo have liameke kuye nomutima aushe. Moshinima eshi wa ninga oushima, osheshi okudja paife tapa ka kala oita naave.”

OMAPSALOME 12:1

Omwene, kwafa, osheshi ovayuki va xula po, novadiinini va pwa mo movana vovanhu.

OMAPSALOME 14:2

Omwene meulu ota vandamene poshi, ta tale ovana vovanhu, a mone ngeenge ope na tuu ou omunandunge, ou ta kongo Kalunga.

OMAPSALOME 14:3

Ndelenee aveshe va pumha mo, aveshe va vayapala; kape na ou ta longo ouwa, nande umwe.

OMAPSALOME 94:16

Olyelye ta kwafa nge okukondjifa ovanawii? Olyelye omupopili mokudenga oumbudi?

OMAYELETUMBULO 20:6

Ovanhu vahapu tave litangele ouwa wavo, ndelenee olyelye ta mono omulumenhu e shii kulineekelwa?

OMAYELETUMBULO 23:23

Landa oshili, ino i landifa po; nosho yo ounongo, noutekuduliko neendunge.

OMAYELETUMBULO 8:3

peemhito doshivelo shoshilando, moluvanda peenhu, oo tau ingida pombada:

EIMBILOELELA 3:2

Ame nda hala ndi penduke ndele handi ka endaenda moshilando, momapandavanda nomoilandele onda hala okukonga ou, omwenyo wange u mu hole; ame nda li ku mu konga, ndelenee inandi mu mona.

JESAJA 59:4

Kape na umwe ta hokololifa mouyuki nopehe na ou ta twifa mukwao eemhata moshili. Vo ohave lineekele dongaho, ndele tava popi doipupulu, ova ninga ovafimba voupyakadi, ndele tava dala oixuna.

JEREMIA 2:29

Otamu twile nge shike eemhata? Onye amushe mwe liteeka nge. Omwene osho ta ti.

JEREMIA 44:15

Ndele ovalumenhu aveshe ava va li ve shi shii, kutya ovakainhu vavo tava xwikile oikalunga imwe omayambo, novakainhu aveshe ava va kala ko ofika, ongudu inene, novanhu aveshe ava va kala muEgipiti nova kala muPatros ova nyamukula Jeremia ndele tava ti:

JEREMIA 8:6

Ame onda pwilikina nonda uda ko, vo eshi tava popi eshi inashi yuka. Kape na nande umwe e uditile owii waye ouyehame ye a tye: ‘Woo, onda ninga shike?’ Aveshe otava pilamene ko, otava tondoka omatondoko avo, ngaashi onghambe omhedi tai tondoka molwoodi.

JEREMIA 9:2

Ngeno onda li ndi nonduda yovaendanandjila mofuka, ngeno onda fiya po ovanhu vange, ndi dje po puvo! Osheshi vo aveshe ovatei vohombo, ongudu yovalunga.

JEREMIA 9:7

Onghee hano Omwene womatanga ovakwaita ota ti: Tala, Ame onda hala oku va hemuna ndi va tale; osheshi molwomona okakadona koshiwana shange ondi va ninge shike vali?

HESEKIEL 22:30

Ndele Ame nda li kukonga mokati kavo omulumenhu ou a shiiva okutunga ekuma nokukala ofika moipafi yange momufya wekuma opo ndihe shi nyonaune po, ndelenee inandi mu mona.

HESEKIEL 9:9

Opo Ye okwa lombwela nge: “Oulunde weumbo laIsrael nolaJuda ounene kau shi kuyelekwa, noshilongo shi yadi omatimba ohonde, noshilando shi yadi eendameko lomatokolo. Osheshi ye okwa nyamukula nge: Omwene okwa efa edu, nOmwene ke wete ko.

DANIEL 12:4

Ndele ove Daniel mwenenena eendjovo edi, ndele hakifa omushangwa noshihakifo fiyo okefimbo lexulilo. Vahapu tave ke u konakona, neendunge tadi ka hapupala.”

JOEL 2:9

Otava pumine mo moshilando, tava tondoka kombada yohotekuma, tava londo, tava i meengulu nokupumina momakende ngaashi ovalunga.

AMOS 8:12

Ndele vo otava ka pungauka kefuta fiyo okEfuta Lopokati, koumbangalanhu fiyo okoushilo nokukonga ondjovo yaKalunga, ndelenee itave ke i mona.

SAKARIA 2:4

Ye okwe mu lombwela, ndele ta ti: “Tondoka, lombwela omumati winya u tye: ‘Oshilando Jerusalem tashi ka kala shihe nohotekuma molwouhapu wovanhu nomolwouhapu woimuna i li musho.

LUKAS 14:21

“Ndele omupiya okwa aluka ndele okwa hepaululila omwene waye adishe, ndele mwene weumbo okwa handuka, ndele ta lombwele omupiya waye: ‘Endelela, inda keendjila nokomalila oshilando, ove u ka ete mo oingudu neehepele novapofi noilema.’

2 OVATESSALONIKI 2:10

nomakonda aeshe ouhenouyuki okunyona po ava tava ka kana, osheshi inava tambula ohole yoshili yoku va xupifa.